趕糊

如果
第一次是僥倖
第二次是偶然
第三次是好運
第四次呢?
為甚麼你們到今日都不肯承認那是 技術 + 膽量 的表現呢?
只係你地極少會咁做 o者...

三番起糊打花，你理得我點打，總之我湊夠三番就得啦!
趕糊分為三個 Level:
- Lv3 無花自摸平糊 (最高境界，同走鋼線冇分別)
- Lv2 正花自摸平糊 (安全D，不過都係要自摸)
- Lv1 孖花打出都得 (只要你捨得，好快就食得)

打麻雀順起上黎，就係咁... Lv3 兩次 / Lv2 一次 / Lv1 自摸
今晚我在傲雲峰打到佢地七個一皮、引起公憤、大殺三方
錢都事少呀，食第四鋪趕糊時:
Joe: 睇你都唔似住屋村大呀，點解打埋 D師奶牌 o既?
J: 你個鄧師奶...
Mor: 唉! 搬出走廊打呀!!! 就返你

呢招最大作用係削弱對手士氣
你做到好大，最後被破壞... 而我就取得優勢

-------------

你地真係有所不知，呢招佐敦派的必殺技曾經揚威海外:
Edmond 曾經在墨爾本引起公憤! 只係當日冇得搬出走廊打。
你都咪講笑! 掹車邊都算 國際級o架!! 哈哈哈!

勁鍾意阿 Mor 句: "搬出走廊打"

近期趕功課中，悶! 容許我囂一次。