Day 1 - Sat, 28 Oct HKG, TPE00:12 Sunny Tang 約你去洛杉磯見，執完行李，早D休息。
10:10 J’s Dad: "Sunny, 我係 Jason 既爸爸..."
11:03 A: "我上左 A22"
11:20 到達機場
12:05 人齊, check in, 入閘
12:45 Burger King
13:30 Boarding
13:40 起飛 lu~~~
到達台灣後，正式開始護送 VIP 的任務。行 Handicap 的通道會快 D，全程有機場職員引領，當VIP 上了機後，通知總部: "你婆婆已經登上往洛杉磯的航班"，任務 80% completed。
唔開電話由自可，一開十幾個 sms 轟埋o黎。多數係 "用xxx 打返 hk平幾多"，就當我狂 delete 之際…有個係 from Karen，佢今日要考試。在我去玩既同時，係有人打緊仗的。一年幾前我都打過仗… 下次幾時再打呢?
似乎係諗遠左了，晴朗的下午，望住即將帶我去玩的飛機 & 團員…Oh Yeah~ It’s just the beginning! Relax la Sunny Tang~
----------------------------------------
Day 1 - Sat, 28 Oct USA太平洋上
睇戲、玩games、傾下行程、訓唔到、發呆… 我看了Disney 的 "Cars"，好一句: "開車唔係要快，係要享受過程 & 樂趣"。經過十一小時的航程，當我地見到洛杉磯 & 準備降落時… “好喇，終於到了”
任務完成
航機上，阿婆婆都不知幾精靈，每次過去睇佢，佢都滔滔不絕，又話訓唔到都冇計架，去到訓返多D lor… 勁!! 護送VIP 至 J's Ant 的過程中雖然有d 阻滯，婆婆唔識講英文 / 又冇填form / 逼唔到埋去等行李… 難唔到我o既，最後都一一解決。出到Arrival Lobby，J's Ant 已經在等候了。護送VIP的任務完成，香港時間係07:30，冇理由嘈醒J架。
又係呢度
廣播: "Welcome to Los Angeles International Airport"。舊年，就係公眾電話旁Eddie，今年佢又係度等我，又係有
兩個老人撞見… 來個擁抱，當然係唔少得。等左一陣，團員都出來了，Sunny Tang
約你去洛杉磯見，終於實現。
租車
$502 USD 租了Chrysler 的
Pacifica 八日。4.0 V6 253 匹 聽起來似乎是綽綽有餘，不過車重>2 噸 加上美國的高速公路閒閒地都80mph ，這力量只是o岩o岩好。仲有佢又長又闊，初時大家都不習慣，菁菁叫佢做死肥仔，我就叫佢做大舊衰。
又長又闊亦是佢的最大優點。六坐位，加埋Eddie & Lauren 夜晚出去玩唔洗開兩架車，擺野又好方便，唔洗下下開車尾。
三軍未動
我地在飛機上幾乎訓唔到，去到 Eddie 屋企已是17:00… 很累了!!! 已經好想訓，好明顯就係Jet-lag。我地當然冇訓啦，沖個涼 & 在夕陽餘暉下稍事休息，然後就去我地既第一個景點 – 超級市場。買了連日的早餐 / 水 / 生果 / 零食… 糧草先行 ma。
韓食補給完成係時候醫肚了，Eddie 問想食咩野。清D + 唔好熱氣… 於是就選擇了韓式的豆腐煲。Eee… 錯錯地喎，六個餸有四個係辣的，又話要保護喉嚨? 席上，其實我眼訓已經淹蓋了肚餓，又feel 到開始作病! Jet-lag 又向我攻擊了。
Drift + Mini Golf食飽會眼訓? 其實食飽補充了能量後，會有一段時間精神返D的。原理就同你沖完涼好舒服，精神返D一樣。趁仲有力，去玩lu~ Eddie 帶我地去左個… 應該叫遊樂場吧! 有小型賽車 + Mini Golf 玩的。
一聽到引擎聲、一聞到電油味… 我當堂醒返呀! 等左陣，終於到我地了。我地選了一個玩Drift 的，速度都ok 快。最過癮就係入彎一定要甩尾，處理得唔好就會打白鴿轉。剎車、扭太、修正、俾油 = 甩尾… 甩得我好開心，精神返了。
動態過後，o黎D靜態既。Mini Golf，香港都有既，只係少D地方有。不過我從未打過Golf 喎，連渣桿都唔識呀… 大鄉里!!! 那些球洞，有D好 straight forward，有D就有暗斜… 整體上都幾得意。結果由 Eddie + Lauren 勝出。過程中，BB 後勁不繼、菁菁過門不入、瑪姬力發千鈞、我的怪異弧線、Eddie 探水取球… 笑死。玩完，就結束了我們的the longest day，返去 zzz。
---------------------------------------
Day 2 - Sun, 29 OctIn & Out美式快餐店如Mc 記 / Wendy’s / Hardee’s / KFC… 大家都好熟悉，不過只有
In & Out 是當地人都覺得好食的。新鮮刨的薯條，牛肉的肉汁又多… 總之就係正啦。
Outlet 大爆發去了一個大型的 outlet，一開波場面已經失控… 鳥獸散!!! 行到唔見晒人，再見到佢時，已經是一袋二袋了。其中以在 Timberland 的情況最嚴重，鞋同 Tee 都好抵，狂掃!!! 全程行了大約五小時，今日的行 outlet 活動，引爆大家的旅行情緒 & 購物慾了。
意食晚飯，Buy a big meal to Eddie & Lauren. 去了 Old Town的一間意式餐廳。Old Town 我o黎過一次了，就係隔離街那menu，為我查找不足。今次舊地重遊，已經 feel 到自己有進步。餐飯有酒/ pasta / pizza / dessert… 好滿足!! HKD$200 一位，唔算好貴啦。
-----------------------------------------
Day 3 - Mon, 30 Oct童話幻滅LA Disneyland，是菁菁指定要去的景點，事前佢在公路上 cut 了 5條線... 可見佢有幾大決心。去完之後... 童話幻滅。因為大家都以為美國的迪士尼會比其他的好。不過我奉勸大家如果你去過東京迪士尼，LA 的可以慳返了，四個字 – 一模一樣。
真係咁差嗎? 其實又唔係，只係我之前已經過去三個迪士尼，東京 & 香港 仲要在短時間內去，今次再去已經冇晒感覺。就連菁菁呢個 Disney Fans都覺得麻麻地...童話正式幻滅了。
不過，既來之則安之啦，有D項目是東京 & 香港都沒有的，即管玩玩啦。另外有些紀念品都是這裡獨有的，Route 5 的公路牌已經非常特別。老鼠的產品... 我完全冇興趣，Disney Pin 就唔錯。搵左成日，瑪姬終於發現了Alien Pin，Oh Yeah~~~
日食
童話幻滅後，要慰藉一下心靈，去了Little Tokyo 食日本野。Route 5 轉101，只有20秒俾你轉線… 第一次在LA 渣車 & 第一次駕駛大舊衰，好唔慣 & 好掛住小猛獸。搵位泊車都幾麻煩的，仲要兜在去個貧民區內... 都幾恐怖。
終於到達 Honda Plaza的日式餐廳。嘩! D 帶子新鮮到不得了!! D海膽又大大隻!! 好滿足again。食食下體力不足，Jet-Lag 仲未完全消除。
--------------------------------------
Day 4 - Tue, 31 Oct過山車 過山車 過山車Six Flags，是BB指定要去的景點。以過山車為主題的Theme Park，之前在Jersey 去過一次了，不過仍然是好好玩。點解唔怕玩過山車? 因為點玩都唔會死的，驚得過打摩托? 最好玩係超人，大直路彈出後以90度衝上三十幾層樓高，再free fall。聽落好似好恐怖咁，其實一D都唔驚，特別係如果你鍾意速度感、如果你鍾意玩0-100... 超正。
這個 Theme Park 就快執笠，好多設施都荒廢了，加上那些員工好似好落漠咁， 仲有阿菁菁又怕玩過山車... 末代feel + 3缺1，今日雖有瘋狂活動，但總是欠了甚麼一樣，應該係氣氛 / mood 吧。
夜車兩位女機師... 夜晚，都係等我 o黎啦。Road to Home，絕對冇問題的。誤打敵撞下去了Starbucks，滿足了團員的咖啡癮。仲要去埋超級市場，完全係 on time 呀，夜航項目Passed 。
台食回家匯合了Eddie & Lauren 後，便出發去旅程中的其中一個重頭節目 – Halloween Parade。在此之前，先醫肚。那湯底 & 波霸奶茶 (即係珍珠奶茶) 都唔錯的。最搞笑係我地著晒Halloween Costume，走入一間比較傳統的餐廳內，立即引來其他人的目光。
Halloween ParadeE: "一場足球比賽有幾多人入場睇?"
S: "5至6萬啦"
E: "呢個Parade 係全美國最大，有50幾萬人。"
S: ............!!!
我扮鬼士兵、瑪姬扮貓、BB 扮殭屍、菁菁扮巫婆、Lauren 扮維京人、Eddie最正，藍假髮加藍綠色連身衣... 一個字 – 怪!
先係泊車要泊在廿幾條街外，再行去主要的街道，沿途有各式各樣的打扮，好明顯呢個活動就係 - 你睇人 人睇你。食鬼、蕉、Cookie's Monster、黑崎一護、Matrix、日本武士、捉鬼敢死隊、護士... 總之你講得出都有，甚至有D 扮銅像、夢露、人妖... 好好笑 & 好正的嘉年華會。走過了兩個主舞台，大家都累了，況且已經過了Equilibrium Point，是時候走人。
返到去，已經好夜了，Eddie 都要o黎一個 briefing，話說往 Vegas 的道路有工程 & 係山路多，叫我地要注意。
---------------------------------
Day 5 - Wed, 1 Nov看風景去Vegas 之前先要經過群山，轉入I-15公路後，景色便截然不同了。D路好似打機咁，又長又闊，看不見盡頭的。山勢連綿不斷、平原一望無際，加上藍天白雲... 好靚、好relax。好彩做第一段領航員，冇miss到姐。踩油踩到攰? 用巡航啦! 試左幾次，終於識用了。巡航在香港冇用，不過在美國就大派用場了。哈哈哈，我的小猛獸是世界級的~~~
中途站s
經過2小時的車程，終於到了中途站 Barstow，唔好睇少中途站，分分鐘會有驚喜的。有一次在羅馬往佛羅倫斯的公路上，就食了一杯畢生難忘的咖啡雪糕。今次呢...US Beer Drinking Team的logo，令我想起油王同阿樂。另外又可以停低影下相，ok喎。稍事休息後，機組人員換班。訓了一陣，到達 Vegas 之前再去另一站入滿油 & 食D野。
Oh! It's Fantastic!當駛進Vegas 的範圍時，大家的目光都被那些美輪美奐的酒店吸引著，都不特止呀，好戲還在後頭。當Check in 完 & 天黑後， 出去經過Strip 時... 嘩!!! 咩野料呀? 好靚呀! 點解 Mc 記個 logo 咁閃架? 前面做咩噴水呀? D 廣告牌想點呀? D 酒店好靚呀! 四個大鄉里!!!
鮮花花園第一站係去 Bellagio 攞 O Show ticket。即使 Reserved，你指定時間前唔去 redeem，佢就會賣左你張飛俾人，真係巴閉。一進入酒店，立即傳來陣陣的花香味... o下? 室內喎，點解會有花香味? 在油店大堂的一邊，有一個用鮮花砌成的室內花園。有花有樹有流水... 好靚好香。然後我看見了一條大型水晶柱，好明顯就係風水野。
S: "唔好行咁近呀，佢會吸晒你D旺氣。"
A: "你點解唔帶Gloria o黎打爛佢呀?"
S: ................
兜左個圈，影左D相，走過賭場，就去攞飛了。
水柱 show走出酒店，有一個大約長200公尺 x 闊100公尺的水池，池裡佈滿了水管。還記得沙田新城市廣場內那個"音樂噴泉"嗎? 想像一下將那"噴泉"放大幾百倍，再 apply 落去空曠 + 音樂+ 燈光。最犀利係佢會噴到二十幾層樓高，配合背景音樂、柔和燈光... 噴出來的一刻，就好像放煙花一樣，Bom 的一聲同爆炸聲冇咩分別。一幅200m長 x 60m高的水幕，令人嘆為觀止。
水花四濺 - 何韻詩讓水花 燦爛過 放煙花浴缸中 繼續玩耍讓水花 浸沒了 我的家由得他 再別歸家美食 + 汽球睇完免費水幕表演，行 lu。經過Caesar，行過對面搵食。大家都唔想再食快餐了，於是就入了一間美式餐應，有D似 Shooter 52 的。有 live band、有表演、有比堅尼女郎、有人踩高橋，氣氛都唔錯呀。
Order 了一支啤酒叫Blue Moon，是內華達州的產品。咁地道，一於試試佢。一飲... 嘩!!! 鹹的，咁特別?! 女仕們的 cocktail 就好飲好多了。
食食下，有個高橋人走過o黎同我地玩，仲整左幾個汽球俾我地:
我: 刀 + 維京頭盔
瑪: 花帽
菁: 椰樹帽
B: 鯊魚鰭帽
好開心的一餐晚飯呢。
O Show食完飯，返去睇
O show。10:45開場，佢 request 你 10:10 就開始入場。大家都好守規矩，個show 10:40便開始了。比起去紅館睇演唱會，明明話 20:15開場，搞到 20:45先開始有好大分別。一入去個Theater... 好大、好高、好靚。未開場時，燈光與配樂以水滴為主題，另外仲有演員在搞笑。
開場了，開幕的方式非常震撼，係將一塊大約 60 x 60米的幕吸入舞台內。主題是有個人進入了奇異世界。跳水、空中飛人、韻律泳、玩火、吊wire、大型布幕、燈光、道具、服飾... 全部都好精彩，一流的視聽享受。$125 USD 絕對值回票價。
睇完，時候都唔早了。其實仲想去Strip Club的，不過明天要早起，都係返去 zzz了。
--------------------------------------
Day 6 - Thu, 2 Nov
Helicopter to Grand Canyon這是今次旅程的另一重頭節目。10:45起飛，直升機公司 8:45就安排車來酒店接我地。大家好明顯都唔夠訓，全程車都中下中下。不過我冇喎，第一次搭直升機... 興奮+期待已經蓋過了眼訓。
去到機場，先要簽野 (生死狀掛)，又要過磅、認 ID。等左一陣，要入房睇安全指引。個安全指引 70%都係賣緊廣告的... 又過左一陣，就搭車入停機坪。大大小小的私人飛機、直升機，遠處仲有架767。其實這裡是拉斯維加斯機場的其中一 Part，引擎聲可以令我精神起來，飛機都可以的。
過左一陣，可以上機了，靚仔機師叫 Randy ，我同瑪姬坐前排，阿B同菁菁坐後排左則。我見到Randy 本 Flight Log Book 上有我個名，因為個 tour 係我 book的... 好特別呢。
起飛時 woo wow~~~ 正呀，過山車冇得比呀!!! 先飛過Vegas 的東部，然後經過一平原，再飛越胡佛水壩。胡佛水壩是世界偉大的建築之一， 睇水壩當然要在他之下...可惜呀，我在他的上空，唔覺得佢有幾高幾大。
又過了一D 山 & 平原，眼前出現了一條長形的山脊，Randy 話後面就是大峽谷了。當我地越飛越近時，見到佢係好長，連綿幾百里。當飛越佢頭頂時，往下望，睇到的係佢的深度，睇到 O 晒咀。世界七大奇景之一，果然名不虛傳。
大峽谷下
降落 + Lunch，比起冇呢兩樣野的 package 貴一倍。但係一場來到，當然要玩盡D，冇理由飛過就算架嗎，梗係要降落啦!
降落後，就搭馬車去營地。馬車可以坐十二人，仲有一隻邊界牧羊犬引路。隻狗仔似自己玩多過似引路，經常在馬車四周打轉， 好得意。
到達營地了，先安排你食個 lunch。雞骴 + 生菜 + 豆，不過好鹹呀!!! 這是內華達州的特色嗎?? 一邊食，一邊有西部牛仔打扮的人為你邊彈邊唱，幾好feel。食完就是自由活動時間，我地在營地行左個圈，裡面有 gift shop、開墾工具、帳篷、人工河、小屋、酒店房、馬槽、牛欄、石屋、空馬車，全部都是西部 feel。我留得最耐的是馬槽，因為香港冇 & D馬仔好乖，任我摸。摸完馬仔，就上空馬車 hea... 訓o係度、曬住太陽、望住藍天白雲咁 hea，真係此刻無價咯~
如果時間 & 行程許可，我真係想住一晚。睇下星 / HEA / Relax... 肯定正過去泰國做SPA。
空中看Vegas
回程時，直升機飛過全個 Vegas，住宅區、Downtown、Strip、酒店s... 雖然不及大峽谷，但係都幾精彩呀。落機後，同阿 Randy 影返張相先。
克林頓搭車離開停機坪時，前面有好多架黑色車 & 好多人。同車的鬼佬話: “Clinton” 睇真D… 一個白髮的人站在登機樓梯之前，同人簽緊名，真係克林頓來的。
賭返兩手我冇賭，點解? 你可以話我迷信，因為尋日在油站入油時，我由衫袋掹返隻手出來時跌左兩個Penny... 跌錢喎!! 好唔吉利喎! 一於唔賭。至於團員，BB 玩老虎機贏了一蚊，瑪姬玩 Black Jack 贏了五十蚊。
好一句 "識玩 o個D又唔玩"。因為 "黑氣" 我係感覺到的，打麻雀如是、賭場如是。你可以話我怕死、怕輸，不過至少我冇輸。
Buffet @ BellagioUSD $117 for 4 ppl，計返HKD 都只係$230 一位。不過呢度係 Vegas，世界級的酒店喎，Dinner Buffet竟然平過香港!? 好長的蟹腳、大大隻的生蝦、牛扒、羊扒、還有幾十款甜品...不得了! 全個旅程最豐富的就是這一餐了。
Coca Cola Musuem + M&M World情報錯誤，原來冇執笠，仲生歐歐。"一陣你影張相係佢執左笠o既，要有d荒涼的 feel"... 串爆!!! 其實只是兩間大型店舖，如果你是可樂 or M&M fans，入到去肯定癲左。
別矣 Vegas大家仲想行落去的，因為仲有幾間酒店未去，奈何時候不早 + 體力下降了。團長作出了離開的決定，雖然大家都唔捨得呢度。Set 好GPS準備好開長途車後，知道了邊個路口上highway時:
"唔好上公路住，我想聽多陣Vegas 的聲音呀"
"得! 不過你要認承我離開美國時唔可以有hard feeling"
BB 即係BB，心理質素比較弱... 冇佢辦法。
玩車1Speed: 100 mph
RPM: 3500
Speed: 90-94 mph
RPM: 3000
多用500 RPM，但速度沒有提升很多… 快之外，亦要慳油。於是就set 了巡航速度為92mph。在高速下更加要留神，公路上根本沒有路燈，甚至連貓眼石都沒有，低燈有時會唔夠用，用低燈… 視點出現得太近了，望得唔夠遠在公路上是很蝕底的，更何況在幾乎全黑的環境下? 高燈on demand+高速巡航，爽呀。
差佬
玩得咁開心? 差佬o黎捉你了。超速22個miles，仲唔截停你?! 老老實實喇，我真係一D都唔驚。因為Eddie 同我講過，D差佬就算捉到你超速，佢地都告唔到你，因為你用國際牌。佢抄你，又要上庭、又要認罪... 那一連串既程序，佢根本就奈你唔何。
鎮定之餘當然要大家俾D戲，咩野第一次係度開車、唔知速度限制、太黑睇唔到路牌、I’m Sorry... etc。結果差佬俾個口頭警告後就放人: "OK, you are not familiar with the rules & road here, I give you a verbal warning, you can go now. Drive Carefully & Slowly" 係既阿Sir! Eddie 果然冇老點，有驚無險。
返到香港與同事講返，原來大家都有在美國被捉超速但係又冇事的經歷...
"你今次個 trip 好 complete" by Lauren
看星
唉... 為免俾同一個阿蛇捉多一次，唯有乖乖地 set 返個巡航速度為73mph 啦。後坐乘客好快又訓返了。駛過一黑暗山谷時，領航菁又話D星星好靚。條路咁直，車速咁慢，我俾兩秒時間自己，熄了車頭燈睇星星 (小朋友千其唔好學)。又真係幾靚喎! 可惜只可以看幾個兩秒。
玩車2
你又唔俾我飛車喇... 悶悶地，咪搵D野玩 lor - 用空波sir 落去!!!
A: "你做咩用空波呀?"
S: "因為我見到個路牌，Next 8 Miles 直路落斜。N 波引擎唔會轉，不過車速一樣，就用架車本身的重量 sir 落去，慳返D油啦!"<-- 滑翔?
當然唔係為左慳 o個少少油，只係唔好浪費 ma & 渣車渣到悶姐。過程中，我將我家姐& 姐夫在石澳著紅燈 + 用空波 sir 落去的故事講了出來。又聽了阿菁菁call 鬼油車的經歷。原來油錶都有幾多故事喎。我用了兩格油，第一格是在頭 70 miles 用的，即係話第二格就行了97miles... 信不信由你。慳油項目Passed。
在下山道玩 N波 + 領航菁 + GPS+ 星光陪同下... 經過了167 miles，終於回到中途站 Barstow，時間為 01:00，原來渣左兩個鐘有多了。"Cars" 的主旨，親身經歷了一次，現在明白了。入完油，機組人員又換班，交低注意事項 & 安全提示後，終於可以休息一下。返到去已經是 03:00，大覺訓。
---------------------------------------
Day 7 - Fri, 3 Nov差滿電
大家都訓到一點幾，全個旅程訓得最多就係今晚了。是日星期五，早D出門口為妙，否則會勁塞車。14:30，終於出發。
Santa Monica購物街 + Santa Monica Plaza，上次來過了。呢度有街頭表演，遊人較多，街道裝飾亦較美麗，絕對是充滿渡假 feel 的地方。
太平洋另一邊的日落中斷了女仕們的購物活動，目的是為了在日落之前去到 Santa Monica Pier 。走到海邊時一大個鹹蛋黃呈現眼前。"好靚呢? 係咪值得o黎呀?" 一邊行，一邊睇住太陽除除落在水平線之下... 好舒服的黃昏呀，又要唱返首夕陽無限好。
睇完日落，返去繼續行街，正舖的價錢比 Outlet 貴，引唔起大家的購買慾。同時，我又買了加州車牌做手信，仲要有一個 Jennifer一個 Gloria... 遲D釘在槍袋上，肯定笑死。好一個無聊仔 – Sunny Tang。
泰食
行完，返屋企匯合 Eddie。今日係星期五，佢當然會join 埋我地食晚飯+去玩啦。去了泰國人區食泰國野。Lauren 話香港的泰菜同這裡的不同，因為香港的唔多唔少會tune 一tune，去就返香港人的口味。食落..冇咩野呀，都幾好味呀。同樣是食辣野，不過比起第一晚的韓國菜好味好多了。
喪蒲"Eddie 哥哥帶你去玩" ，去了一間Club，類似 Disco 咁o既。
Round One = Shot
Round Two = Cocktail
阿瑩+ 阿貓 = Lauren，BB 又被靚女KO了，套佢講秘密、灌醉、除衫、影相…
臨尾半個鐘我好醉、語無倫次、張唔開眼、冇晒意識… 有何冒犯、有何失禮、有何得罪，請多多包涵。
-------------------------------------------
Day 8 - Sat, 4 Nov
還車行程的最後一日，第一樣要做的就是還車。因為過了時間，佢就會計多一日。事前，我特別為大舊衰清潔一下... 入油的油漬、玻璃上的污漬、車內的垃圾。喂喂喂! 我對小猛獸都未有咁好呀! 不過算啦，整返乾淨俾返人ma。
然後跟住 Eddie 車尾去還車。租車公司內有一保安設施 – 輪胎刺破器，係防止人偷車的，駛入係冇問題，出去就要佢解除先至行得。車身冇花 & 冇穿冇爛，我就將大舊衰安全送返屋企... "再見喇! 大舊衰" 。說罷，有少少唔捨得佢... 即使我仲未同佢人車合一。Leo 話男人愛車就有如女人愛鑽石... 的確係。
血拼 H & M男士就去還車，女士就去LA 唯一一間 H&M 作最後衝刺。H&M 在歐洲大行其道，係因為佢用名設計師去 design，不過價錢就相當大眾化。東岸有大量的 H&M，LA 就只此一家，至於香港... 2月會在 Landmark 開一間。結果... 三位女士各有斬獲，其中以瑪姬呢位忠實 fans 最利害。
快餐Burger、薯條、奶昔...簡簡單單又一餐。我返到香港，睇怕會有返三兩個禮拜唔食Mc 記了。
Hollywood把握最後的時間，先去荷李活星光大道。地上的星星+手印，仲有街上穿上 costume的人… 都幾值得來的，我地始終是一個遊客嘛。有好多演員名都係唔識的，不過又咁好彩搵到 Tom Hanks 喎。
City Walk最後的景點，就是City Walk。即是 Universal Studio 出面那條購物大街。就在 Universal Studio 個 logo 前， Eddie & Me: "哈哈哈，我地舊地重遊喇"
台食最後的一餐，食了台灣野。臨上機，清淡D好! 不過食到勁飽... 鬼咩! 一個又唔食、一個又分D出來。
勁趕要多謝Eddie 與 Lauren 飛車送我地去機場。23:10機，21:25先到機場。要過行李 Security Check、又要排隊 Check In、出境之前仲要 Security Check... 結果到達閘口時已時間無多了。頂!!! Delay左，又混亂! 早知唔洗咁趕。
再別
閘口前，又係時候講拜拜了。二月，香港機場再見啦。
長眠航程尚有幾多千百里... 話之佢啦!!! 13.5 小時的航程，我睡了11小時，從未如此好訓過。
-----------------------------------------
後記國仇家恨
USC vs UCLA中大同港大都鬥餐死，加州的大學都係一樣。好唔想入去、踢佢D野、真係唔識貨、我地輸波呀... 哈哈，Eddie 真係得意。每個人都有D野去守護既。
Barcelona vs Real Madrid去油站入油，當職員看見身穿巴塞衛衣的我時，好明顯好敵視。佢地係西班牙人 + 皇馬fans，當然唔妥巴塞。情況就同我唔鍾意阿仙奴一樣。
韓國人vs日本人韓國人唔鍾意日本人，Santa Monica有一食店的老板睇得出我地係 Chinese，因為我地識講英文。佢又話D日本人英文好屎，又成日扮勁… Chinese nice 過 Japanese 好多。
同聲同氣第一次入油，我地唔識搞，咁好彩有個中國人仲要係講廣東話的客人幫我地，仲叫我地去迪士尼玩得開心D & 記住架車泊係邊。
去到 Vegas 的法拉利專門店，收銀哥哥問我地係唔係from Hong Kong，我地話係，然後就用廣東話交談... 正。
歧視你鬼佬唔歧視你? 佢地唔表現出來姐。不過韓國人同日本人就比較差，即使你係亞洲樣，但係你唔係講日文 / 韓文時，佢理都費事理你呀。
Tools & Use好實用 & 好方便，如果香港有，我一定買。當然，你要識用 & 唔可以旨意晒佢。人，始終比機器可靠。
Jason 呀，係話我張 Resume 的 Template 連Disney 都叫你去見工，好勁。我就話，縱有神兵利器，如果你沒有底子，即係等如得物無所用。我個 Template 得，都要你自己本身得先至 ok 既 / 個GPS hi-tech，都要你識用先至 ok 既。
領航員大家對美國的道路都唔熟悉，領航員是必須的。佢要負責為司機分工，如引路、睇路牌、留意交通情況、解悶。用的是地圖、GPS、腦、眼、方向感，反應慢D or 事前做少D功課都唔得。
團長有時要大刀闊斧、又要從細微著手;
要照顧團友、煮野食;
事前要安排行程、睇路、準備好;
要令行程流暢。
最怕係無所謂:
問: "大家有咩意見"
答: "無所謂"
一D都唔容易做。
埋單$14000 HKD
鳴謝
Eddie, Lauren, Keating
Maggie, Woody, Agnes
Labels: Travel
