8月31日

小時候，8月31日總是不安的、忐忑的、不快的。因為這天過後，暑假就完了，下一個暑假，要等 10個月後。

已經記不起這個念頭從何時消失了，不過我相信這個 "集體童年陰影" 仍然潛伏在大部份人心底裡。至少，星期日晚上的心情總比不上星期五晚上的吧! 同意嗎?

如果你自小喜愛上學 / 長大後又喜愛上班 / 從來喜歡工作多於休息，這樣的話... 我沒辦法說服你了。

誰是夜貓貓?

你都幾清楚我 o既情況喎，我仍然未估到你係邊個，真係唔好意思!

雖然唔會咁快找到，不過都可以回應你一句: "哭泣夠了 我以後要笑"

自護軍北伐

Assemble
原先約定在總站等，點知各有各忙，四人分別在三個車站上車，第7卡第1道門，講了好幾次呢。架火車唔知係咪冷氣壞了，全程都好熱!!

Gate
我呢個港燦甚少返大陸，上次已是半年前了，e道還是第一次用呢! 幾得意 & 好方便，難怪入境處減少請人。

Compass
過關後便正式展開今次的戰事，首先由上尉帶路去基地。條友仔好似唔多識路咁，叫佢買地圖又唔買，仲話有GPS。唔... 放過你! 反正全程將會搭的士。

Base
富臨大酒店，屬五星級的，環境算幾好，只是大堂較暗。取匙前，軍士長已經發現某處有D野，準備拔刀。我就叫佢先落腳，再從長計議。上到房我先敲門，然後再把門長開一會，再把窗簾拉開... 你話我八卦都好啦，儀式做完心安理得。安頓下來後，進行會議，訂下了今日的作戰路線，又講出了各人的子彈數量。

Cruise
沿酒店旁的大街一直走到一個大型商場，途經一些燈紅酒綠的地區。阿嬸走過o黎問: "要唔要小姐呀?" 我地當然沒有理會，繼續行。又難怪o既，我地一行四人，全部男人... 走到了一個大型的十字路口，軍士長與上尉已經 over heat 了，於是就走進一個大型商場休息一下。唔入由自可，一入去... 氣溫比外面更熱!!! 眼見軍士長與上尉快要支持不住之際，我決定向上層走，或者有好地方呢! 果然冇錯，我地勁食雪糕，食左半個鍾左右先至肯走，搞到下士好悶。

Meal One
大鑊呀! 以東北菜色為主題的餐廳... 叫了燒羊架、驢肉餃子、燒餅 etc。好快就被我地呢班食肉蝗蟲消滅了!!! 好味呀 + 好平呀! 每位 $40都唔洗!!!

Mission One
飽暖思.. (自己諗啦)。星期五與 Sammie 食 lunch時，她介紹了嘉年華會給我，話幾好，勝在又平又多野玩。先到芬蘭浴 part，有冷熱水池，有蒸氣浴。我地班無聊仔又在冇咩野好玩 o既情況之下搵D野玩了 – 猜輸左跳入凍水池! 我... 反正都想試一試，於是未開始猜就身先士卒! 嘩!!! 先熱後冷、一冷一熱... 攞命呀! 玩完一輪後上了休息室睇利物浦，有問: "先生洗唔洗練腳呀?"千其唔好!!!上次係廣州試過後真係怕怕了。 睇完波，就去 dup 骨，呢個阿姐手勢一流，力度適中... 犀利，tips 俾多D 都係抵的! 之後打左陣乒乓波，2 對 2 時 ok好玩，明顯地上尉與下士係唔識打的，只有我同軍士長有得砍下。雙人賽後就 o黎單打獨鬥，原來軍士長同我大家實力不相上下，結果我憑較穩定的發揮，以11比8險勝。真係好玩，最緊要有對手! 後期知道上尉心心不憤... 算啦，玩下姐，又冇獎 o既。

Meal Two
被的士阿叔老點下，去不到指定的餐廳。又由於各人腹鳴如鼓 + 烈日當空，於是就求其衝入一家叫 "腸粉王" 的餐廳醫肚。又係好平!!! 每位 $23，食到飽一飽。

Mission Two
搭了百幾蚊的士，老遠走到沙井鎮，就是為了玩小型賽車。最緊要有對手 part 2 ，我同軍士長都是愛車又鍾意玩車的人，在賽道上你追我逐，一時你過我，一時我過你，好正呀! 可惜佢一次小意外，就再見唔到佢蹤影了。至於上尉與下士係唔多識玩的，算啦，玩下姐，又冇獎 o既。不過佢硬係要越級挑戰的話，冇辦法啦! 唯有俾 D顏色佢睇: Lap 左佢之後再擺出母指向下的挑釁手勢。即時將佢的自信摧毀，同時又引爆了他的決心。經此一役，上尉打算學車呢! 這個場地還可以，期待下次與原班人馬 + Jason + Eddie 再來!

Return
玩夠了 & 時候不早了，場地安排了白牌車送我地去皇崗。原來過皇崗係舒服過過羅糊好多! 行三號幹線，只是用了半小時左右，就返到屋企了。

手法層出不窮

依家的 sell 野手法真係層出不窮!

Sales: Sunny, 我地係 California Gym 打黎架，你有個朋友介紹左個優惠俾你，有半個月免費試玩。
Me: 邊個朋友? (邊個人粉咁冇義氣?)
Sales: 我地呢度係call center，check 唔到架。你聽晚落黎我地公司，簽收返個臨時會藉啦，免費架。
Me: 你又講唔出邊個介紹，唔洗了。

1. 你以為我是善男信女嗎? 你以為我會貪小便宜嗎?
2. 好野喎，唔叫鄧生叫 Sunny，扮親切! 又用 "朋友介紹"來搏取信任。
3. 傻既! 19:30去到銅鑼灣? 我放工都唔止啦! 我個朋友冇話你知咩?
4. 我最憎去 Gym Room，我個朋友又冇話你知咩?
5. 想呃我? 好難了!

------------
扮親切、搏取信任、以為戰術完美... 我都看穿了! 哈!!! 我發覺能夠看穿局勢，掌握主導... 是很好玩的!

符碌撞棍

自 04年 6月之後，從未賭波，就在出發之前的一刻，我終於重出江湖。買完後，望一望... Eee? 點解賠率唔同既? 弊!!!! 場次填錯了! 不過，見到結果後，立即打俾力王兄報喜! 哈!

原本想買: 利物浦 x 熱刺 x 曼聯
點知買了: 利物浦 x 卡迪夫城 x 曼聯

咁就中了，買熱刺的話... 渣都冇，依家有得落袋，收獲唔錯咁啦! 仲唔係符碌撞棍?

出發 06

還是第一次與你們去旅行，好期待呢!
"小學旅行之前一晚" 的心情，走出來了。

愛上何小姐

近期，極喜歡何小姐 - HOCC 呀! 我好少會鍾意女歌手的。

"如無意外" > "願我可以學會放低你" > "天使藍" > "我找到了" > "明目張膽"> "圓滿" > "絕對" ... 勁!

魚柳

路遙知馬力，日久見人心，終於發現自己被耍了，幸好沒有甚麼損失。只是有點氣憤 & 難以置信。J 有一句說話我好記得: "你當佢朋友，佢當你魚柳"。算，就當我唔好彩。人地立心不良，不過我有品有修養。況且我軍出征在即，呢件事不再提了。

在此奉勸各方好友: 知人口面不知心，要戴眼識人呀!

多謝支持!

"reading yr blog is part of my life"
這個超級 fans... 很熱情呢! 多謝支持!

GS300

所謂百聞不如一見，計我話呢... 一見不如親身體驗!

外型
GS 是凌志的房跑型號，小猛獸 (ES) 走的是房車路線，IS 則是小跑。新版的車款越出越科幻，看上去不太大部，但內籠非常寬敞。

+ / - 波
拖波加速，力量剛猛雄渾，推背的感覺很強烈。

靜如深海
"你好似係個密室度咁o既?" 冇錯，我當時恍惚身處一個密室。寧靜 / 隔音好是凌志的其中一個賣點，這部最新型號當然不會失禮。關掉音樂後，完全不覺得自己正在行車中。國泰話 A340-600 極寧靜，計我話呢 (你又o黎?) GS300靜如深海!

輕觸式屏幕
搞野喎，有個 mon，視線總是會不由自主地轉到屏幕上。可惜，香港不支援GPS，否則看著地圖隨走向轉動，更過癮呢!

Mark Levinson
有靜如深海的環境，當然要有Mark Levinson。呢套大會指定的音響... 唔洗多講，總之就正啦。

浮誇?
這個價錢其實可以買一部 E Class 了。不過論實用、耗油量、維修保養... 還是日本車好呢!

--------

我愛車!

Don't miss

午飯時間與 BABABA 去買佢心儀已久的利物浦球衣 + polo shirt。點知polo shirt賣晒了。明明上星期仲見到，明明知道唔算貴 & qty is good。
就是這一念之差，錯過了。

----------

早年與家人去旅行，在希斯路機場，家姐想買一本書。諗住回程先至買，因為無論如何都要返o黎轉機的。老豆即時叫佢買左先，因為未必再有機會返o黎呢間 shop，就算有，可能會賣晒。
就是這一念之差，得到了。

新聞

午飯時間看了新聞報導，講述一對在南京的三歲孖生姊妹，出生不久便被遺棄。
兩姊妹分別被兩對美國夫婦領養，一個在邁亞密，一個在芝加哥。
機緣巧合之下，養父母們在一個領養兒童的網站內看見對方無論身世、樣貌、名字都非常相似。
互相聯絡後決定做機因測試，結果呈陽性反應。
最後，兩姊妹在芝加哥機場重逢，先是互相對望，然後手拖手同行。

----------

咁都得?好感人!

太古城睇冰燈

即興
事前，菁菁曾經提過想去睇冰燈，講講下下星期二至五都全部唔得，眼看活動快要夭折之際，我提出: "擇日不如撞日"。結果，命中率竟然有83%，就係咁一行五人，放工向太古出發。

多謝老細
去寒冷既地方，當然係醫左肚先好。今餐有BB 做老細，無他 - 江湖規矩升職當然要請食飯。席上... 那 99% 的朱古力、Julius 的爛刀法 + 配音、菁菁鯨吞沙律醬... 笑死了。

場內
先要披上大會提定的 Columbia 褸。入場之前，五人心情緊張，又話要影相，又話入要到去要點... 總之就興奮啦。由進場至完場... 一個字: "凍"。零下五度的氣溫，似乎無損我地班嘩鬼爛玩的興緻，大叫大笑、撩女仔 (Ju only)、猜輸左除衫影相... 兜了幾次後，睇既睇晒、玩既玩晒、影既影晒。其實場地不大，我地都可以逗留 >30分鐘。最後玩埋個滑梯，今次的即興冰燈之旅便結束了。
















後記
- 真係好凍，想去又未去的，最好帶手套 & 唔好著裙 or 短褲。
- Alice，我地研究到點解你唔黎了，因為你要戒備，隨時破門拯救我地。
- Julius，阿雪小姐... 努力了!
- BB，話明係即興，當然唔會有相機啦。

船河 2

早餐派
原本約好食早餐的，原本8:45 西貢見。點知... 遲到大王又現身了。在原定 8:15 開車的時間，打俾早餐派掌門: "有人遲到呀，我要等埋佢，你入去先啦。" 結果，早餐派第一次聚會就在碼頭邊草草了事。其實，飲個早茶都仲有時間，大把人遲到... 不過如果個個都係咁諗，死得了。

好熱
都未正式開始，只係行左去惠康，企左係碼頭邊一陣，我已經熔緊了。好彩阿Red Bull 姐姐免費送來一對翼，雖然味道怪怪地，不過以總算降溫了。 (hor hor hor~~)

停賽
仍然忌水的我， 眼見其他人落水，感覺就好像一個被罰停賽o既球員，坐在後備席上，望住自己的隊友出場，自己又唔出得一樣。那個船頂跳水的動作… 都不知幾想玩呀! 奈何…

登陸作戰
冇打算會上沙灘玩的，不過又唔錯喎，至少有得走動下，唔洗全日呆在船上。不過… 點解泊呢個灘呀? 鬼咁多石! 好痛呀~~

打排球
個人最欣賞阿 Win 的絕技，佢竟然可以將個波凌空停低，將D力完全卸晒... 唔通佢學過太極拳?之後一下再上的托球，噴到我一面沙... 救命! 幾年前在石澳都試過一次了，當時係自己抵死，懶醒咁學人打倒掛... 一起腳，成面沙。

同一屋簷下
玩玩下，落起大雨了。我地就用僅有既材料 – 人 + 浮床，搭建了一個臨時避雨中心... 人= 柱 / 浮床 = 屋頂。無奈、你眼望我眼、等待救援... 唱返首同一屋簷下啦。(蜻蜓低飛代表氣壓低，氣壓低代表天氣不穩定。唔識呢? BB! )

唔好提啦
獲救後 & reload 後似乎沒有打算再去登陸了。除菁菁一定要玩香蕉船外，其他人都乖乖地坐在船頂，坐下、傾下、笑下、HEA 下，此刻無價。點知阿BB一句: "頂! 聽日又要返工喇!" 氣氛沉下來了。我: "BB，你唔好提啦，享受埋呢個幾鍾啦"。以前，我會同佢講同一句說話的。附帶一提 (李奧先生，你那中巴司機的故事，我幫你發揚光大了。)

慢解
回程時，船速勁慢，有拉布的感覺。17:00開船，返到碼頭竟然要18:15。澳門都到啦! 不過都好既，又係個句啦: “享受埋佢啦”。萬宜水壩、Outward Bound、我個靠山、連島沙洲、蚺蛇尖... 開始了解西貢海域了。

走三場

午
妳...o黎真的嗎? 竟然在距離我家五分鐘路程的地方租屋住? 從此佐敦聯盟又多一成員了嗎? 我地o既 slogan 係: "佐敦聯盟，全 team 猛人"

先去元氣食飯，試了他他牛壽司，其實生食牛肉，之前都試過了一次，元氣這個... 不過不失啦。然後去搵租盤 + 睇樓，搞掂後又去飲左杯思樂冰 by 仙跡岩。涼透了，心曠神怡 (hor hor hor~~)

晚
與油王去食餐好既，對自己好D嘛! 明明好快食完，不過坐左好耐，講左好耐。唔知係唔係越識得耐既朋友，就越鍾意想當年呢? 又計一計，我同油王又識左 10年了。

夜
J + Mor @ Ravana。籌備左一後日子了，終於成行。酒我就唔飲得喇，又叫左杯思樂冰。J: "幾廿蚊杯思樂冰，你飲過未?"。提及星哥去日本睇 band show，係睇幾日幾夜的... 兩杯到肚的佢地開始亂up了: "SPK 9月10就完租約，我地9月2 號搞一個馬拉松雀局啦，叫晒曾經o黎過玩既朋友上o黎，由星期六晚打到星期日晚。" "上去飲埋D紅酒，飲完將D玻璃杯打爛晒佢，唔洗拎又唔洗洗。" 哈哈哈，無聊仔們呀!~~~笑死!!! 由於明早要早起，倣雲峰夜戰... 我不能參與了。

Life's Continued

莫道黯然銷魂 何處柳暗花明

太多 太少

工作太多 時間太少
慾望太多 金錢太少
地點太多 假期太少
經歷太多 失戀太少
無聊太多 充實太少
藍天太多 享受太少
目標太多 實行太少
黃昏太多 細賞太少

你遇見了誰？誰又遇見了你？

找尋愛的過程，每個人的人生都要找到四個 。第一個是自己，第二個是你最愛的人， 第三個是最愛你的人，第四個是共度一生的人。

首先會遇到你最愛的人，然後體會到愛的感覺; 因為了解被愛的感覺，所以才能發現最愛你的人; 當你經歷過愛人與被愛，學會了愛，才會知道什麼是你需要的，也才會找到最適合你，能夠相處一輩子的人。

但很悲哀的，在現實生活中，這三個人通常不是同一個人; 你最愛的，往往沒有選擇你; 最愛你的，往往不是你最愛的； 而最長久的，偏偏不是你最愛也不是最愛你的，只是在最適合的時間出現的那個人。你，會是別人生命中的第幾個人呢？

沒有人是故意要變心的，他愛你的時候是真的愛你，可是他不愛你的時候也是真的不愛你了， 他愛你的時候沒有辦法假裝不愛你； 同樣的，他不愛你的時候也沒有辦法假裝愛你 。

當一個人不愛你要離開你，你要問自己還愛不愛他，如果你也不愛他了，千萬別為了可憐的自尊而不肯離開; 如果你還愛他，你應該會希望他過得幸福快樂，希望他跟真正愛的人在一起，絕不會阻止， 你要是阻止他得到真正的幸福，就表示你已經不愛他了，而如果你不愛他，你又有什麼資格指責他變心呢？

愛不是佔有，你喜歡月亮，不可能把月亮拿下來放在臉盆裡，但月亮的光芒仍可照進你的房間。

換句話說，你愛一個人，也可以用另一種方式擁有，讓愛人成為生命裡的永恆回憶。

如果你真愛一個人，就要愛他原來的樣子: 愛他的好，也愛他的壞。愛他的優點，也愛他的缺點。絕不能因為愛他，就希望他變成自己所希望的樣子， 萬一變不成就不愛他了。

真正愛一個人是無法說出原因的， 你只知道無論何時何地、心情好壞，你都希望這個人陪著你； 真正的感情是兩人能在最艱苦中相守，也就是沒有絲毫要求。 畢竟，感情必須付出，而不是只想獲得; 分開是一種必然的考驗， 如果你們感情不夠穩固，只好認輸，真愛是不會變成怨恨的。

兩人在談情說愛的時候，最喜歡叫對方發誓，許下承諾。我們為什麼要對方發誓，就是因為我們不相信對方，我們根本不相信情人， 而這些山盟海誓又很不切實際："海枯石爛、地老天荒，都不能改變我對你的愛"。明知道海不會枯、石不會爛、地不會老、天不會荒； 就算會，也活不到那時候。

許下諾言的時候千萬注意，不要許下可以實現的諾言， 最好是承諾做不到的事， 反正做不到的，隨便說說也不要緊，請記住: “不可能實現的諾言最動人”在愛情裡，說的是一套，做的是另一套； 講的人不相信，聽的人也不相信。

你呢？找到了第幾個？
茫茫人海中，你遇見了誰？誰又遇見了你？

估佢唔到

今日會考放榜，是改課程之前最後一年了。

一年前，無聊表弟墮馬，好好彩地，IVE 同時改制，佢受惠了。今年，輪到另一個表弟放榜，佢... 培正的精英班，由細到大阿媽勁 cher 讀書，應該冇廿分都有十八分啦。點知... 又墮馬了。

又想下當年，到了最後兩科時，我突然發現之前得分唔係好夠... 於是就燃燒小宇宙，兩科至少要有六分! 結果 1B1D，任務完成。有時，力量係迫出來的。回想起來，本應可以做得更好，硬係有多少遺憾咁... 不過算啦，我讀書唔叻、又懶、又走精面，符碌過左就算了，仲想點。

會考真係咁難咩? 精英班都墮馬? 唔係下嗎? 又係時候安慰下D 小朋友了...

----------

唉!!! 一心諗住佢精英班，實掂啦。依家唔多唔少有D後悔事前冇 take care 下佢... 佢連IVE 都冇報、考試技巧冇、又睇唔穿 AL。我呢個做大既... 曳晒呀!

又check

上次的 body check 只係check 左好少野，不過估唔到我的抗體竟然高於標準 1014倍。星期六朝又要 check了，早知上次就一次過搞啦! 生就生死就死，唔洗煩嘛! (懶) (其實係唔可以的)

詳談s

詳談當然不是十六年老死的專利:

搵左呢位高人幾日，今日佢終於出現。在半問半聽的情況下，最終... 習得一招半式。

move it 我解決哂我壓力
你冇壓力我冇壓力再次出擊

-----

仲有兩粒飯就完成晚飯時，HQ 放學打來瀏飯腳，仲要 o係我地頭佐敦喎，於是就出左去 café 陪食飯。

世界有怪獸 也有知心友
齊齊搭到過哂站就要乜都有

Long Time No See

上次道別是在洛杉磯機場 Terminal 3 的門前，已經是一年前的事了。星期日的下午，就在香港機場 Arrival Hall 再次重聚。

港式
時間尚早，當然唔返屋企住，先去求其一間茶餐廳食個tea 先。之後，嘿!!! 去 dup 骨，我知訂呀! (上次去過一次咁大把)。港式 tea 加港式骨，ok 啦! Dup 完行左陣街，不過零收獲。

曹營
細個時，冇識得人姓曹，又由於當時三國誌遊戲開始興起，於是呢個老友就俾我叫左做曹操了。曹操的大本營，當然是曹營啦。一個位於上水的低密度私人屋苑，前面是梧桐河，右方是梧桐寨、八仙嶺，左方不遠處已是深圳了。居住環境的確不錯，空氣好、冇車聲、光害少、還有青蛙媽媽呱呱叫和陣陣涼風呢 (唔洗開冷氣都好涼)。古有關雲長身在曹營心在漢，我呢... 還是住在市區比較習慣，但是我的村屋目標是不變的。



好耐了
踏進曹營時，阿Uncle Auntie 一見到我時... "嘩!!! 咁大個仔喇? 幾多年冇見了? 渣車入黎咁叻呀? 坐啦坐啦!" 很熱情呢! 屈指一算，原來已經有12年沒有見面，真的很長時間! 臨走，我話 : "Uncle Auntie，下次見面一定唔洗12年咁耐的。" 再算一算，我倆相識已經有16年了。

晚飯
冇咩野好怕醜的，何況我一向都唔怕醜! 一於留係度食飯啦~

I'm survived from landmine
I'm survived from landmine 是一黑色幽默，是印在衣服上給旅客買的手信。他去了柬埔寨旅行，體會了不少，當然少不了分享一下旅程的所見所聞。吳哥窟是必到的地方之外，還有貧窮、簡陋、戰亂、衛生... 都一一由他口中道出。當大家每天在埋怨工作不順、情人不好、天文台為何不掛八號風球時，想一想，能夠生在香港本來就已經是幸福的事了 (有興趣知的話，ask me)。

梧桐河畔
一年前在 LA，坐在露台上，遠望 downtown 的夜景。一年後，簡單地坐在房內，望著梧桐河。兩次都是做同樣的東西 – 詳談。

港式 - $250
燃油 - $200
泊車 - $60
全日途程 - 138公里
與好友詳談 - 此刻無價

賽道
除了我最愛的機場外，今日還有吐露港 (全段)。全日都行 highway，發現了當車速 >120km/h 時，引擎轉數便會達至 >2000 轉，不過由於保持均速，配合定速巡航糸統，全日平均只是 $1.44 / km 算慳油呢! 阿女機師，你下次試下用啦! 記憶所及，我最遠都係去大埔，粉嶺上水係從未踏足。今日過足癮了，泊完車行返屋企時... 很累呢。

----------

來吧變身我變 全場人嚟大嗌聲 好久不見
時代快過火箭 有兩個老人撞見 約你去廣播道見
你想見 我想見 見咗會點 你都變我都變

----

從前氣氛冇變 童年時全部記憶 睇高一線
懷舊嘅慶功宴 你我再有緣遇見 跳隻舞司馬燕
完場要講再見 圍埋嚟然後要閃 千載不變
全場大嗌癡線 有你有我同陣線 對過去講再見

倒數階段

SPK 的租約已經進入倒數階段，星期六傍晚再一次去開檯，樂此不疲呢!!

大上大落
一開波便使出了我的絕技 (無花、平糊、自摸)，滿足 100%，即使我今晚大敗而回，又如何? 由於今晚改變打法，導致攻強守弱，食得大時又出得多，只係贏得廿幾蚊。

養鬼仔的 Juicy Baby
阿 JB 已經係第二次在SPK 發癲，好運 200%，又快又齊都不等止，仲要腳腳七住，成日都搞到D牌邪晒。經常去泰國的阿 Joe 懷疑佢養鬼仔了。計我話，佢係大迷信就真，著返上次大勝的裝束 (黑髮晶、新錶、劉靜瑩肖像 Tee)。令原本已經有 D野的 SPK更加邪!!!

不遠矣
今次肯定不會是最後一次，但是離這一天不遠了。這個地方留下的笑聲、粗口、歌聲、煙仔、Party... 全部都將成回憶。不要在事情已無法改變時，才懂得珍惜呀!!!

注定

或許是命中注定，我在這間公司是沒有男同事的。

重組後有兩個做 product 同事入左我條 team，不過... 兩星期後就由有變冇了。一個晨早遞左信，另一個星期五去遞信前，在我個位亮出兵器 (辭職信)。

上星期有一個新同事加入，下星期一都有一個，但是，兩位都是女仕。

冇男同事，好悶呀!!!

404 follow up 2

事隔差不多一個月，現在的情況是:

內部 - 仍然有耳嗚，不過已經比上星期更細聲，開始聽到人講野，仍有小量血水滲出。
傷口 - 15針，接近三吋的傷口從未有痛過，因為神經斷了，沒有感覺。不過當風時會唔舒服。

游水?
今個泳季已經完了。

幾時好返晒?
仲有二至五個月。

Meet You There

8月6日，星期日，香港國際機場抵港大堂，Meet You There!

時光倒流

看了軟硬演唱會，感覺就有如全個紅館集體回到從前，一起收聽軟硬天師一樣。

從前的整蠱電話、老人院、講鬼故...
細述兩人之間的故事、工作、關係、家庭，全都是有感情的、實在的。
當然唔少得串下人，攪下冷笑話。
嘉賓有黃貫中 & 恭碩良

Jan 一句: "睇軟硬演唱會，可以令三十一歲既女人變返十三歲。"
Eric 一首: "妳的生活"，唱出了婚姻生活的現實一面。
歌唔夠多，有D返炒了幾次，唱別人的歌 & talk show 搭夠。
結尾的 "Encore"，係佢地先諗得出。