Sunny Tang +: August 2008

又去溜狗

又去溜狗
又係帶大熊 & 阿金去
今次多了 HQ，人數由 3變 4
打完風，滿地都是枯枝落業
令到著短褲的我們... 好 "吉" 呀!

正正因為打完風天氣不隱，今日遊人稀少
我們不時可以放狗去自由活動
去到一個彎角，終於出事了!
阿金一見水，即刻衝落去
Damn!!! 一睇就知那不是一般的水，是泥沼!
叫都叫唔切、喝都喝唔停，阿金已經一支箭咁 "Bill"o左落去
阿金知道 "奶" 野，已經即刻返上來
輪到大熊... 人去佢又去，結果由一隻一白熊變 o左隻大灰熊! 四蹄踏屎!
我們唯有帶佢地再去水塘游水 + 用水喉沖沖佢

因為有巧婦瑩在，今晚不用叫 pizza 了
溜完狗去百佳買餸，以為萬事俱備啦，點知...
巧婦難為無煲用!!!

菁菁講得 o岩! Eddie 屋企似酒店多 D
大煲欠奉、蒸隔欠奉，唯有落去日本城買啦
飯後，還有一個大西瓜 & 零食
一邊看奧運閉幕一邊 Hea，正!

後奧運

我看了不少項目，比一般人都多
當然有不少難忘的情景:

菲比斯 - 個人認為，佢係一條魚
劉翔 - 傷了後跟，根本連行路都有困難，點跑?
舉重 - 原來可以好好睇
三項鐵人 - 最精彩的一刻莫過於將近衝線，選手憑意志使出最後的力量
女排 - 最好睇一定是打俄羅斯的一場! 阿梅好勁
男籃 - 雖然技不如人，經常大意失分，但是仍然好支持中國隊
乒乓球 - 男女子都包辦了金銀銅牌，兩次升起三支中國旗，威盡! + 張怡寧 cool 爆，型!
撐杆跳 - 伊辛巴耶娃，臨去跳時用張大棉胎張開結界... 勁人總有 D 怪習慣?

最欣賞不是奪金的選手，而是看見運動員不論輸贏，盡情去拚搏的樣子

特務 S 嘜

本來對此片興趣不大，本想先看 Wall E
看了影評後，個個都話好好笑
於是就打了 Wall E 尖

不得了! 我係帶住笑容行出戲院
最好笑的一 part，男主角使出女主角的絕技，全院都在拍手呢

舊同學聚會 - 災難

"What a disaster man!" 這是 Eddie 在凌晨四時 send 給我的 sms!
究竟發生咩野事呢?

一聽 "舊同學聚會" 仲要係小學同學... 即刻唔精神!
因為最憎要 update: "拍拖拍成點呀?" "結婚未呀?" "你做緊/做過咩呀?"
大佬呀，N 年冇見... 你想我點先?
不過，今次係 Eddie 吹雞，我點都要撐佢，點都要第一個話去!

又唔係喎，完全冇我想像的問題喎
下場還去了綿登徑繼續飲...
骰盅，原來可以有好多玩法，仲要好 creative
玩到個個 high 晒，飲大晒

結果:
一個醉、嘔、喊
一個唔見電話
一個拿著膠袋在街上嘔

雖是好玩，但好似有點過火了

最後一堂

星期六是這個課程的最後一堂
距離畢業還有一份功課，和畢業論文

最後一堂沒有甚麼特別
更沒有依依不捨的感覺

還是第一堂的印象比較深刻呀!
係咪呀?
"Brother!"
"Sister!"
"呢個係概念上高 o既錯誤"

I will miss you all

舊同事食飯 - 游魂

星期五晚與舊同事食飯，好熱好鹹好游魂!!!
中間道公園旁那德國餐廳幾乎沒有冷氣，食物又鹹
加上我對食飯時飲啤酒有點抗拒
總是渾身不自在 part 1

可能是太快重聚、又可能是我已經離開了
正所謂不在其位，不謀其政
從前關心的話題今日已經唔關我事
總是渾身不自在 part 2

還好，我有一班好同事
那怕是三十幾度露天食大排檔我都會照去

李丞責說

農曆新年時我冇睇，今日一看... 嘩!!!

---------------
2008 這一年，是肖猴人生命中最具變化的一年
它隱藏了事業上或工作過程上的變動
它隱藏了同事、同學、合伙人或工作上接觸的人際關係變動
它隱藏了工作環境或居住環境上的變動
它隱藏了上司、父母、靠山的變動

大部份猴人今年都擁有「旅遊命」和「遠方發財命」，特別是1920, 1944, 1968, 1980 年出生的。
今年，猴人的命宮於「皇者之位」，是十二生肖中排第一位「行好運」的生肖。
從吉而論，凡命宮於皇者之人，流年大利升職、創業、比賽、考試、結婚、生子、遷動、移民。
不論是何年出生的猴人，今年應多考慮接受遠方的邀請，前往交流、考察、謀事、比賽。

-----------

遠方發財命嗎?

Rest

放假日子，我做過:

石澳
又去石澳
今次仲連同湯馬斯 + 李奧先生一齊去
兩條吹水精同台演出
我今日可以唔講 o野了

1. 林蔭石澳道 2. 兩條死仔在巴士上 3. 遠望石澳灘頭

I Love Shek O
退休的話，不如就住在石澳啦

寵物展
Edmond 說: “有興趣投身寵物行業的話，去寵物展睇睇啦”
老遠走到機場博覽館
睇完，過程不詳述了
結果是: 有得做!

然後去 Terminal 2 睇睇
航空探知館 - 未去過可以去，不過不建議專程去
機舖 - 收費超貴! 在德福兩蚊一鋪的射籃機，呢度盛惠 $15
Food Court - 間 Pizza 係幾好味

新電話
以後都不買貴電話
07年1月27日買的電話
08年7月21日就燒了底板
18個月都冇... 破紀錄的短

嘗試拿去維修: 服務員說: “鄧生，以我們的經驗所得，這個情況九成都係燒了底板。換過一張要 $800，檢查費 $150，而且裡面的資料會冇晒，你考慮一下啦。”
於是就買了 W350i
喜歡它夠細夠薄夠平
那些 “嘩，你個 iPhone好正喎!”的虛榮感我完全不須要

奧運開幕
8月 8號 8點!!!
我最喜歡升中國國旗那一 part
最型是旗手將國旗 “Fig” 出去的動作
看到這一 “Fig”… 不其然的感動呀!
因為我們的國家自清末積貧積弱，被人 “蝦” + 睇唔起足足一百年
今晚全世界人都要睇往我地!

新界北部之旅 2
活動是因應天氣而決定
晴天就去游水，陰天就去溜狗
結果是，我們帶了一隻狼狗 + 一隻大白熊，驅車前往流水響水塘

先去廠地接狗，一共有四隻:
1. 狼狗阿金 – 7 歲雌性，是四隻之中最有靈性、最聽話、服從性最高，而且是游泳高手
2. 大白熊大熊 - 6歲雄性，體型龐大，謹次於在寵物展看見的聖班納，要形容的話... 昂頭已及胸口，身長大約 1.2米，頭寬幾乎有一個排球，體重估計有 70kg
3. 唐狗小吉 – 1歲雄性，慘! 由於與大熊不咬弦，被派往駐守 office
4. 唐狗阿旺 – 六個月大雌性，體型最小，毛色最靚，是 PR

上車時，我們費盡九牛二虎之力，才把阿金與大熊弄上車
去程牠們表現雀躍，不時探頭到前座、東張西望
先放阿金去游水，狗繩一放，阿金馬上衝落水，自由活動
大熊不熟水性，不敢跟隨

然後再到水塘的另一邊
阿金是 leader，所以佢一定要行先
一路上，大熊的龐大身軀一直都是途人的話題，不少人還拿起手機拍照

看過 Edmond 的溜狗手法，走路時不能讓狗隻超越你
於是自己試試，阿金還好，因為牠比較服從
當換了大熊時... 牠有著一股怪力，要好好控制真的要使出點勁
離開時，又一次將狗抬上車... 真係好大鑊架!

回程時，兩隻狗都疲態畢露，大熊還合上眼 "烚" 返一陣...
溜狗運動量十足，絕對有助減肥
儘管最後我們都疲憊不堪、全身都是汗 + 狗毛
好好玩! 正!