谷底反彈 / 迥光反照?

近排調左去做第二個 product
完全係迷惘 + 見暈
逃走計劃雖已啟動，但奈何音訊全無
又未去到 quit o左 先搵 o既 地步
所以呢排魂不附體，冇神冇氣
點知，呢個時候竟然有利好消息

公司地震，話明今年唔會加人工
今日開完會，大姐叫我入房 (大姐唔係阿姐, 阿姐 = Karen Chan)
以為冇好野啦，點知有人工加喎
6% 不過不失啦，已經比其他同事多了

佢仲鼓勵我幾句:
1. 叫我對自己有 d 信心
2. 多 d 問問題，detail D
3. Presentation skills 要好

雖然對大姐冇咩 feel (佢都冇好似阿姐咁對我恩重如山)，
不過佢都總算教過我以上 3個 point ，個人認為呢 3個 point 比那 6% 更有意義。

雙陪奉還

尋晚係入冬以來最凍
1. 返學時等車等 o左 好耐 (食風+淋雨) 今日冇 sick leave 都算偷笑
2. 放學仲大鑊，d 雨越落越大，件褸 & 個頭幾乎濕透

總算體驗了民工在廣州火車站外等候的苦況
但係人地凍過我，等得耐過我... 慘好多
不過我冇溫總探訪喎

返到屋企，首先沖個熱水涼，再開暖氣訓覺
唔洗訓到斯斯縮縮，正!

失去 o既 野，我要得到返雙陪

Win's Wedding

結婚喎!
40人大型 wargame都唔打了
去撐佢場!

事前，先與屋企人飲茶
豬峰終於確實地叫了我舅父... 好感動!
似乎超大盒裝 Thomas 火車唔慳得了

登機
15:17，楷楷 send 來 sms 放飛機
原因是 group project 進行中，行唔開
但係人地結婚喎，最多都係用你一個鐘多 d o者，咁都唔蒲頭?

經典二人組
Alice & Woody 呢兩條友都算經典了，話說佢地約 15:30金鐘站
半粒鐘點都行到上 o黎啦，偏偏就係趕唔切
佢地上到 o黎，已經是行禮中
於是就叫佢地 o係下面等，影埋張相先走

聖約翰大廈 (纜車站) 的出入口好特別
入口面對美國領事館
出口就在纜車站那邊
落到樓，勢色唔對喎!
新娘車 & 兄弟姊妹's 小巴已經在門口等候
急 call 佢兩個返過 o黎，點知 BB又唔聽電話...
S: 你兩個快 d 返過 o黎啦，的士站呀，影張相，佢地趕住上車走
A: 我地已經走 o左喇
S: 下? 走 o左???
Win, Karen, 菁菁 當堂 O 晒咀 + 眼都突埋
Win 再次投訴 Woody 個電話打十次都冇人聽
菁菁爆出: o下? 咁佢地 o黎做咩呀?
係 lor，o黎做咩呀?

跟車
時間早早地，加上好耐冇見了
我地三個就跟埋車去酒樓
update 一下返工返成點呀? 拍拖拍成點呀? 讀書點呀? 旅行有咩野得意野呀?
等埋阿新娘換過裙褂 (> 1粒鐘)，影多張相我地都走了

陪坐
先同 Karen say bye
仲未完喎，要去陪坐
菁菁要去另一個 fd度飲，見未夠鐘，佢就叫我陪佢食粥
上環搵粥食... 梗係 call 李奧先生引路啦
去到... closed
然後就亂咁行，有食肆就入
上環真係怪，洗衣店的數目 > 茶餐廳
一聽見 500mg 食到胃出血，菁菁即時噴出米線
都唔知佢男朋友點頂佢...

----------------------
觀禮 / 經典二人組 / Long Time No See
今日都幾好玩

考完試再去飲飲食食

考試期間，一個sms: "考完試再去飲飲食食"
大家齊聲說好
人數係 7個: (左起) Jenny, Idy, 大師姐, 二師姐, 我, 堅尼, 何枝枝


- Idy 斯斯文文+笑住講: "我想用粗口鬧你"
- 神婆珍把睇相/算命視為嗜好，仲有話堅尼多舊魚、聲大大冇貨賣
- 堅尼的婚姻謬論
- 大師姐把我"波波頭"的因由爆了出來
今晚大家又在笑聲中渡過了

唔知係我 o岩 o岩病完，還是缺少了聖誕氣氛... 總覺得今晚的食物只是一般，甚至是水準以下

Rest In Peace after Exam

Element 已經成為我的新蒲點，今日:

H&M - 衫
HMV - Eason 演唱會
Porter - 鎖匙包送俾皇后
ThreeSixty - 今晚的晚餐
The Grand Cinema - 看了犯罪帝國 American Gangster
Metro Book Store - 等人 & HEA 時，看了一本電話簿咁厚的花生漫畫典籍，$480 (當然冇買)

花生漫畫
從未認真地看過，50's & 60's 那些漫畫，內容是會令人會心微笑
不像日本漫畫那般緊張刺激、高潮迭起
那個年代，社會比較簡單吧...

犯罪帝國
內容係講一個黑幫王國的崛起、發跡、全盛、崩潰
戲內亦有著一些深層的意義
1. 樹大招風 - 做事都係低調 d 好，一件皮草，就令主角身份曝光
2. 黑手黨式的營運手法 - 用人為親，不容許外人介入
3. 鳥飛盡，良弓藏; 狡兔死，走狗烹 - 主角最後不選擇張良的路，而是走了韓信的路... 急流勇退才是明哲保身之道

----------------

考完試
自由的週末
正呀!

紅顏知己 / 情人 / 老婆的分別

什麼是妻子? 就是你願意把積蓄交給她保管的女人。
什麼是情人? 就是你偷偷摸摸地去和她約會又怕妻子撞見的女人。
什麼是紅顏知己？就是你能把有些秘密說給她聽卻不能說給妻子聽的女人。

妻子是一種約束，約束你不能隨便和別的女人交往;
情人是一種補償，補償你想從妻子那得到卻又無法得到的激情;
紅顏知己就是一種點撥，點撥你心中的迷津。

妻子陪你過日子，情人陪你花鈔票，紅顏知己陪你聊聊天。
妻子不能替代情人，因為她沒有情人有情調;
情人不能代替妻子，因為她沒有妻子的親情;
妻子和情人都代替不了紅顏知己，那是心靈的需要。

妻子是一個和你沒有一點血緣關系的女人，卻為你深夜不回家而牽腸掛肚;
情人是一個和你沒有一點家庭關系的女人，卻讓你嘗盡做男人的滋味和盡情銷魂;
紅顏知己是一個和你沒有扯上關系的女人，卻能分擔你的快樂和憂愁。

妻子是一個家，是一個能給你浮躁的心帶來安撫的港灣;
情人是家的累贅，只是不到萬不得已你不想甩掉;
紅顏知己是家的點綴，沒有她你不會覺得寂寞，但你會覺得生活沒意思。

妻子的關心像一杯白開水，有時會成為一種嘮叨，但是在生病時特別溫馨;
情人的關心就像在白開水裡加了一勺糖，慢慢地品上一個晚上還不滿足;
紅顏知己的關心就像工作到午夜喝一杯咖啡，越喝越提神。

妻子懷上你的孩子會深情地問你想要個男孩還是要個女孩，
情人懷上你的孩子會哭著來問你該怎麼辦怎麼辦啊?
對於紅顏知己，你會把你的情人懷孕的消息告訴她，並問她你該怎麼辦。

妻子回了娘家一個星期不回來你也不想，
情人三天不見你就給她打電話: 上哪去了? 今晚我們到老地方喝杯咖啡好嗎?
心中有了苦悶，你最想找個紅顏知己傾訴，告訴她你在妻子和情人之間疲于奔命，實在受不了了。

最讓男人受不了的是妻子的嘮叨，情人的眼淚，紅顏知己的誤解。妻子的嘮叨使男人的心亂上加亂，情人的眼淚讓男人已硬的心變得酥軟，紅顏知己的誤解把男人的心由懸崖推進深谷。

--------------
No Referencing...

杜生30大壽

邊個玩邊個?
我隻腳有傷，唔飲得酒、唔跳得舞
下星期考試，要留力，唔可以玩太夜
我皇后係度，唔可以四圍撩女仔
我開始懷疑你玩緊我

你隻腳有傷，咪靜態 D lor
我又唔信你早走會溫多 o左書
你唔可以撩女仔，咪同我招呼下朋友lor
我開始懷疑你玩返我轉頭

你把死人口...

一次過 o黎晒
大蛇丸的禁術 "屍鬼封盡" 嗎?
兩個 ex，仲有皇后... 三代 SQ 今晚在同一場合出現
我話一 D尷尬都冇，你都唔信啦
關鍵在於點樣處理得好D o者

Maggie
又是杜生的生日，又一次由負面轉為正面
已經在 facebook add 返我了，幾好
至於前一代，零交流，冇所謂

Miranda
化妝師又幫到手，不過今次唔係畫花我塊面:
S: 好唔好俾佢兩個正式見面，say 個 hi呢?
M: 唔好喇，就算再大方 o既女人，都唔鍾意咁架
M: 仲有，你想佢地俾咩野反應你呢?
S: 又係喎

然後，Maggie 走到附近，Miranda 立即好識做地閃開，等我同佢有機會傾計

為報答 指引 & 走位，在 "全場囡囡輪杜生" 的環節，我就去捉阿 Sue & Rain 出來跳舞，救佢返 o黎:
S: 喂! 救 o左你啦!
M: 係呀! 我又唔識跳，又勁多人望住，最驚就係阿貓 o係後面...

多得化妝師臨場提點，今晚我處理得幾好

爸爸媽媽
阿媽媽，大住個肚都仲咁撐場
阿爸爸，全晚都四處奔走，佢係我地永遠的大會攝影
好想快 d 飲阿 B餐滿月酒!

HQ
呢位 呢一世都做 我背後的女人 o既女士
今晚爆出了: "搞錯呀? 羊多過狼!"

Miu
"好悶呀! 冇靚仔!"

阿志
喂，我係香港冇咩朋友，以後有活動預埋我呀，打 wargame 我都 o岩架

光仔
阿羊，真係多謝你通知我有呢個 party 喇

Jessica
原來我早在 SPK 時代已經見過佢
Sorry，我真係唔認得 Suzuki了
唔怕，隨著科技進步，而家有了 Facebook...

柴婆 / Rain / Sue
呢三條女，玩得之餘仲好鹹濕，係咁渣人心口...
"我得 32A，你地係都搞個 34C 啦" (指住 肥騰騰 Jason)

偉哥 & Ellen
第一次見偉哥女友
偉哥第一次出席我 o地 o既 party
party 從來只會熱，唔會凍，下次唔好著厚衫喇

高潮位
當然係送禮物、睇片、切蛋糕、致詞
件 Vest 阿星哥砌左好耐，仲搞到成頭大汗
而我就充當護士，替 Dr. Sing 抹汗
至於個防毒面具... o個句:"我係咪要笑架?" 超正!

仲有 "全場囡囡輪杜生"，此時阿 Joe話
Joe: "點解我生日 party 冇佢咁開心 o既?
Mir: 你只係企係 bar 檯邊飲酒，梗係啦
Sun: (附和) 係 lor，壹號皇庭咩?
Miu: (附和2) 唔通全部人同你企晒係 bar 檯邊飲酒咩?

早閃
忍住腳痛、捨棄了溫書的黃金時段... 都要撐場!
鬼叫係杜生 30大壽咩?
到 1:30am 唔得喇，真係 o黎料，又累又痛，提早離場。

----------------
Happy Birthday la 老友
What is a OLD man without a little bit of evil?

奇遇記

奇遇奇遇!!
平時好少會發生的情況，一次過發生在我身上:

失而復得
樓下間洗衣店... 個肥婆態度又唔好、又唔見得好平，都唔知點解太后仲咁捧佢場
話說肥婆早排洗唔見左我一條牛仔褲 + 一件 Nike 衫，真係火都 o黎埋!
睇怕搵返 o既機會只有兩個: "一個係渺茫，一個係冇" (黃興桂)
我決定 o左以後要乾洗西裝係唔會幫襯佢
更要求太后終止同呢間外判商合作

點知... 今日無啦啦又會失而復得
咁都搵得返?? 係渺茫唔係冇!
--------------------------

機械故障
話說每月的稅款 (家用) 我都會準時過數俾太后
佢話打簿見唔到有喎
就係咁 Q 今次我過數冇拎 receipt (敗筆)，check 唔到有冇過錯數
好啦，以我所知:
1. 過錯數係一定追得返，因為對方唔可以用 o個筆錢，否則屬偷竊罪
2. 銀行會幫你搞，手續費 $50

搞完一輪，銀行 confirm 我筆錢係過 o岩 o左 o既，account number 冇錯
最後發現原來係太后本簿仔有問題，顯示唔到條數喎...

哈! 真係吹到 BEAR 一聲...
點解一有問題時就一定係人為問題? 唔可以係機械故障?
點解一有問題時就永遠擺出自己o岩晒，人地錯晒的姿態?
Yahoo 個網頁出唔到，可以係 yahoo 個 server down、PCCW 個 BroadBand有事、個modem 未開電源、條線鬆 o左、 IE 突然 short o左 load 唔到... 點解一定係 "部電腦又壞喇"?

冇拎 receipt x 簿仔故障... 好一個極少出現的 AND CASE
----------------------------------

100% 命中
考試之前 20分鐘，與大師姐交流一下
佢問我兩個問題，點知...
Oh! It's amazing!!!
考試 5 選 2 ，就係正正中晒頭先大師姐問我 o個兩條

從來只會 tip 錯題目，上次連阿 Sir 都 tip 錯
今次竟然中，仲要係 100%! 大師姐對我恩重如山!

考完的感覺係... 爽! 實唔會有事!
然後就同大師姐 & 何枝枝去快快樂樂食澳洲(牛奶公司)

100% tip中... 可能係 20年先逢一潤 o架咋
--------------------------------

畜牲突襲
行返屋企途中，無啦啦有隻狗走埋 o黎 + 撲上 o黎
佢又唔似想襲擊我，似乎係想同我玩多 d
不過... 我唔想同你玩喎!
墨屎仔就話 o者，大大隻街邊污糟唐狗就免喇!
明明有狗帶，個主人又唔知去 o左邊... 你隻衰狗! 快d 走開!

目標係全身而退
好喇，鹿丸 o黎喇:
單憑我個人之力，係冇可能憑力量解決
萬一佢發惡，一野咬埋 o黎，蝕底 o既係我

首先是保持冷靜，然後減速慢慢行
等佢知道我冇敵意，至少佢唔會攻擊我
然後 call 空軍支援 (Edmond)
結果係: 隻衰狗落慌而逃

過程:
S: 喂老友，我家陣俾隻狗纏住，佢都幾大隻，點甩身?
E: 你手上有d 咩呀?
S: 電話
E: 有冇報紙? 大力掉落地呀?
S: 冇喎，notes 就有兩三張
E: 咁有冇水樽?
S: 有! 點做?
E: 用水淋佢啦
(潑涮) 300ml 兜頭淋落去果然有效!

事後討論:
"狗只會要冇選擇 & 冇得走的情況下作主動攻擊; open area & 有選擇時，佢多數會走，總之要俾佢選擇" (Edmond)

首先，所有動作一定要慢 & 唔可以同佢有眼神接觸，千其唔好跑 & 貿然攻擊隻狗

冇水，就用鎖匙，做 d 鏗鏘聲出來
冇鎖匙，就用銀仔大力掉落地 (不過睇怕要有返十幾廿個就得)
冇金屬，就慢慢行去有水源的地方
冇水源，就去搵武器，不過要 make sure 你件武器夠 powerful
咩野都冇的話，就唯有同佢肉搏，打鼻、踢肚最有效
再唔掂... 大聲叫救命啦

事後討論 2:
皇后話: o下? 如果你真係用武器，隻狗咪好痛 lor?
皇后呀皇后: 對敵人仁慈，即係對自己殘忍呀! 明唔明?
惻隱之心唔係冇，只係在特別情況下暫時收起 o者

住了廿幾年，平時條路狗都冇隻，今日竟然受襲...

-----------------------
SO STRANGE!!!

1st of 2008

好耐冇去倒數，雖然大大下覺得呢個活動幾無聊
不過如果能夠同 fd 一齊癲返一陣，又真係幾過癮

楷階 + Karen / 李奧先生 + Annie / 我 + 后
行出西九睇 火燒 IFC
最開心唔係爆煙花個下
而係在九龍站等齊人嗌 "出發!" o個下心情

同場加映:
"Karen! 你公司火燭呀"
"篠野有次"