Landing

早餐
先去澳洲牛奶公司醫肚，佢o係佐敦區都出晒名o架喇!
獨孤一味的食物，屹立了三十幾年
o個個鍾數 + 平日，餐廳內仍然爆滿
最吊詭的是... 伙記們永遠都搵到位俾你坐

石澳
食完就向石澳出發，天朗氣清、萬里無雲，正呀!
經過大約半個鐘車程就到達石澳
仲要唔洗等唔洗搵，即刻有位泊車

呢張相有一個錯處，搵到嗎?

巧遇李奧先生
一落車，電話響喎，李奧先生?
由於我正在狼狽中，冇聽到
然後收到 sms，原來條友仔今日都 o黎 o左石澳
仲要泊 o係我車附近
正所謂相請不如偶遇，一陣沙灘見啦

阿婆不見了
呀? 點解重門深鎖 o既? 去開那間租 locker 的地方今日冇開門
Positive D去諗，可能係阿公阿婆出 o左城 o者
我唔想佢 o地有事呀...

石澳小子卓柏文
匯合了李奧先生，先 say hi，然後立即 say bye
因為我 o地冇你咁好氣，落水 lu~~
明明三十幾度，不過 D水都幾凍下
正當我地適應 o左個水溫，有個小朋友瀏砌喎!
係咁向我地潑水
同你玩兩下ok，廿下就...
"你知唔知我係警察o黎架?"
佢就唔敢再 o黎，即刻變乖
然後就同我地玩 o左一日
李奧先生仲發揮佢 o既父性，教佢沖浪 & 玩吹波波
呢個小朋友係香港出世的泰國人，兄弟姊妹都係泰國，都幾孤獨


拍緊 "父子"??

半身板
當然唔少得我最鍾意玩的半身板
雖然今日唔大浪，不過都算成功
"黃金動作" 大大話話都出 o左十幾二十次，正!

石澳道 2
咁難得能夠與李奧劈返轉石澳，點知有架的士攔路
嘩... 佢竟然硬抽架的士頭!
話 o左要劈，我當然唔會就咁算數，我又抽!
拍低三波 + 踩到5千轉
小猛獸在上斜路段大爆發!!
輕易就請了的士司機叔叔食塵
然後再死跟住李奧車尾，一直都冇俾佢放甩，好玩呀
最後，佢返柴灣 我去食飯，一左一右，在分岔路口揮手 bye bye


佢兩兄弟，難得聚頭

黃昏
我最鍾意在黃昏渣車，因為個感覺好 relax
石澳道都不特止，仲有東廊 + 西隧 + 三號幹線
加埋熟悉的 MOS，今日走了一個大三角形
總共 122.7公里，獨欠機場賽道

黃金海岸
"不如去九龍城食泰國野"
"唔係唔好，不過冇位泊車喎"
然後就去了黃金海岸的香辣屋
奇就奇在三十幾度都仲有人坐露天位... 咁熱點食呀?
飯後沿海邊的攤檔散步，竟然俾我發現了 Dream Catcher
Dream Catcher 係印第安人的物品，掛在床頭位置，就會發個好夢

Landing
樓台上，遠眺機場跑道的燈光及飛機降落
然後... 我們都著陸了

---------------
13 / 7 / 2007
I will never forget
Thanks~