Re-union

人數
早在 2月頭 Eddie 未返香港時，已經約了23號出來食個飯。本來就得我同佢，又係菁菁搞事 (呢個場面 似曾相識)，2變4。第5個係 HQ，因為佢要識靚仔... 4變5。

Sushi One
亞士厘道的一壽司，出左名等位要等好耐，不過 1. 等齊人 2. 咁多人一齊等，講下講下，時間又好快過。

牛肉壽司 - 大部份人都怕食生牛肉，在我極力推介下，即使 $35 一舊，最後都一人一舊。入口即溶... 好味呀!

洗塵呀 - 想搶埋單? 唔得! LA 係你地頭就話姐! 今次係我主場點都唔會俾你得逞! 用返你個招: "洗塵呀" 即時搞掂!

---------------------------
Aqua
難得出 o黎，當然唔會就咁散場。近近地去 Aqua 啦! 個 view 超靚，不過嘈左少少，仲要初時狂播印度歌，撚蛇咩? 杯 Cocktail 叫 Kowloon Park。好飲喎，仲好地道。似乎試 local 既酒，係我既喜好。

第二杯叫 Pine & Banana，死咯! 好難飲! Eddie 話同我換，NO LA! "自己做既決定，自己負責。"

除左阿 B，個個都有 2nd Round。 Hi hi 地... 我開始講粗口 / Eddie 自爆上次在 LA 係有心隊我地 / HQ 靜 ing / 菁菁仲大鑊 講尋日單新聞。

今晚岩岩好，唔係飲太多，又唔係太夜。唔錯唔錯!

------------------------
孤男寡女
屋企冇人，事前 HQ已經打算去我度訓。哈! 你地一個二個肯定係諗我地咩咩咩。膚淺! 4 Types 的 Type 4，自己睇 唔好問。頭先俾菁菁無意中擊中，最後還是要靠HQ 擺平。

臨訓前，俾 HQ睇下細個 D相。12歲時的 Eddie & 有頭髮 + 面尖尖的 Jason... 不得了! 嚇鬼死!