十分感恩

昨晚天安門事件後，回想起來... 發覺友善其實好簡單。 日前，分別由三個人演繹出來。

她一直聽我無聊，多年以來，從不厭倦。
她一個帶笑眼神，使我感到很親切、很熟悉。
她一串肺腑之言，猶如一個大姐姐，看著我長大。

看來微不足道，卻直擊要害。

十分感恩!
多謝!

時光隧道

今日都幾特別，就好似跨越了幾個時代一樣。

------------------
重返魚則魚涌，感覺似曾相識。

傾 offer，講左等如冇講。其實我一早就心裡有數，冇期望 冇失望。先唔好講錢，appreciation 同埋 respect 都好重要，邊個當我係一隻棋? 邊個當我係一個人? 我當然清楚。早上 10:06，我就知道我唔應該 & 唔會返去。 如果講錢，個 offer 唔係差 有+22%。不過算啦 +122%都冇用，錢已經唔再係我的主要考慮因素。

臨走:
Ricky: 放半日呀? (梗係唔係啦，偷雞架咋)
Karen: 浪子我已經 trademark 左，唔准抄! (浪子另有其人)
Fung: 咪走住，坐坐坐! (冇位喎)
BB: 點解返黎都唔通知聲先? (揚左就唔叫突襲啦)
Alice: 斷o左喎，有冇得醫? (唔係冇，有D難度)
楷哥: 點呀上尉? (佢D 戲好差)
仲有，阿公又催我結婚喇...

魚則魚涌最可愛的，就係班舊同事。

------------------
返到九龍灣，感覺比較實在。

返到公司，用一個鐘時間去趕晒我今朝應該要做既野。因為我唔拿拿聲做晒佢，拖慢左個進度... 我會覺得對阿姐唔住。

有問點解我咁鍾意我阿姐，因為: management style, friendly, take care the subordinate, tolerate our fault, good teacher... 佢對我咁好，我都唔交足貨俾佢的話，真係會有罪惡感。所以佢根本唔洗 cher、唔洗發爛、唔洗惡，我已經自動自覺做好晒D野。

咁好既老細，去邊度搵?

------------------

放工，SPK group @ 灣仔銅鑼灣，我的蒲點。

先去 188捉馬騮。搵一年前的貨品，有D難度。
晚飯四條友，打冷+啤酒+吹水... 完全係馬蘭廬所為，死囉!
然後係竹戰，07年終於開齋，小勝。
玩到12點幾，冇力了。是但啦，都開學喇，仲有幾耐玩呢?

SPK 時代... 真係好正、好HEA。
灣仔銅鑼灣時代... 二十多年來最開心的日子。

------------------
返到屋企 online，點知俾人噴...
有D 野，避之則吉。誰叫你在天安門廣場大叫平反六四?

誰能讓我暢所欲言?
誰能把我收得貼貼服服?
有~ 首領咪係匡智劉瑩 lor~
不過她們全都是好姊妹... Object not found.

------------------

一日之內，走過幾個時代...
時代快過火箭，飛走左就唔返黎 ga la。

白沙村之戰

成個幾月冇打過 war game，今日再次開戰。是日焦點 – Jason 支 M249。支槍集合了十幾人的心意 & 有份夾錢，千呼萬喚始出來~~ 點知幾場過後，推彈摩打就燒了... 出師不利呀! 不過全場見到支 249，個個都行個注目禮，o岩晒鍾意虛榮的 Mr. J啦!

情報錯誤! 又話以鐵桶+廢車場多，點知六場有四場打叢林，悶! 不過在鐵桶場就過足癮:

小樹蔭下 – 敵明我暗，冇人見到我。
伏在地上 – 唔怕污糟，就換來隱藏+掩護的效果。
廣闊視野 – 將個場分為 9格 X軸為1, 2, 3 / Y 軸為 A, B, C。我在 A1，打直睇晒 A2 A3，打斜睇埋 B2C3。

一開始就狂掃，不過條友唔認死，算。冇幾耐執左兩件阿叔。後期幫 J 報仇，又執一件。最後因為自己唔集中 + 打唔切兩個，就咁死 ed。再集中 D 我就可以殺 5個架喇! 唉~
------------------

是日團體照 (自己team) :

------------------
支線劇情:
打完，巴士經過劉瑩屋企附近 ，打俾佢啦:
S: 喂，我依家係你屋企附近，甚麼匡智學校呀。
E: 真係好近喎，落車啦!
S: 唔喇，我又污糟又攰，無謂嚇親伯母啦。話時話，你母校都幾大喎。
E: 下? 你又知我讀邊間學校?
S: 匡智 lor~ 唔係咩?
E: 屌你!
S: hahahaha (呢招"你母校"由 Edmond 提供)

------------------
2月11去烏溪沙嗎? 嗚~~~~~ 我會在軍校掛念你們的!
冇錯! 開始時係星期三四五六日都要返學~ 死未?

Jennifer . Gloria

畫龍點睛
終於買了新槍袋，不用再用旅行袋了。無聊的我，更將當日的承諾兌現 - 把我在 Santa Monica 買的加州車牌放到槍袋上。如果沒有了那車牌，那只是一個普通的槍袋。此舉簡直是畫龍點睛呀! 哈哈哈~ 每當望見個牌，我就會想起 Gloria 出現時的情景，多謝各位! 不過... 兩支槍共重 15磅，拎死!

收咧?
18 號好可能係我今季最後一場 ，今季我只打了三場，太少了! 原因係:
- 2月開學+過年+出遊 (唔知搞唔搞得成，班友仔仲未覆我 email~)
- 3月超密課堂
- 4月開始熱了

Gloria 甚至冇參與一次正式戰事... 唔緊要! 約定了下季共我更傳奇

明朗化

回巢與否? 由第一個電話至今已經四星期了，今日終於有突破性進展。天枰已經傾向 NWT 那方。

尋日，前阿 sir 叫我星期六返公司傾下個 offer。不過有野點解唔係電話講呢? 估計係 HR 俾唔到咁多$，想再同我傾下 + 多多少少想打人情牌。 阿 Sir 出到聲，即使我已經心裡有數，都要返一返去 o既，俾個面都要啦。難保佢過三個月會用 SME 請我呢?

中午與 mama相討，佢話我開個價前無古人，又俾 o左前人的中位數我作參考。計一計，最多只有 15% 加幅。

話今年全公司有人工加，加幅由最多有 5%，計一計，15% - 5% = 10%，比起我當初向 HGC request 的 20-25% 差了一截。然後一名高學歷人士在 MSN 說道: "你仲未計車錢呀!" 係喎! It' s less than 10% now!!! 講到和記的 HR，知情者必定是滿腔怒火 滔滔不絕。

千幾銀就想買我的 five days work、appreciation、short commutes、good boss? 呢條數係人都識計啦!

----------------------

諸葛亮點解對劉備 鞠躬盡瘁 死而後已?

出師表中: 先帝不以臣卑鄙，猥自枉屈，三顧臣於草廬之中，諮臣以當世之事，由是感激，遂許先帝以驅馳。

我唔係諸葛亮，冇佢咁勁，一半都冇。不過我同佢一樣有個好老細。

Has come?

今日出了上堂的時間表，嘩! 好密! 有D 誇張!

- 28號的 war game 就是我的告別戰嗎?
- Toby 屋企的 Happy Friday 活動已成過去了嗎?
- 長旅行何日再來?
- 多數在北角上堂，連佢都要我返舊公司?
- 你要介紹女仔俾我識? 不過追到都冇時間陪佢喎...

Has Come? 似乎，我仍未準備好去迎接另一個時代的來臨。

病毒蔓延

今年多人結婚，同時亦多人分開。唔講咁遠，圍內的已經係衰>好。

S - 6年。早有預兆，終於發生。現況: 冇胃口食野。名句: 做第二D野。

H - 夏威夷 / 貓科類。現況: 未到愛佢。名句: 冇女人會死架!

C - 5年。突如其來，非常震撼。現況: Start packing。名句: women can be very light hearted at times. More cruel than men.

D - 包二奶。現況: 收唔到手。名句: 玩住先。

D - 四圍搵食。現況: 仲係冇方向。名句: 唔好浪費磨刀機會。

h - 曾經聽過佢去完Canada 會結婚。現況: 浮浮沉沉。名句: 越想愛越不懂愛。

c - 甚至已經買左樓準備結婚。現況: 新蜜運中。名句: 已經唔係一人讓一步就可以解決。

d - 3年來仍然單身。現況: 睇得好開。名句: 會有安排的。

----------------
冇 o野 o既，又唔死得人 o既。Just a part of life~

又三場

Teresa & David

先解答梁生的問題: 結婚是甚麼? 如果你將結婚視為一場show，未免太膚淺了吧? 擺幾多圍、個場grand 唔 grand、有冇東星班、夠唔夠酒飲、出場的 video... 以上都只是形式，都只是表面的。

結婚的誓詞，應該聽了不少次，還不明白嗎? "婚姻是莊嚴的，是一男一女自願的結合，互相視對方為終身的、合法的伴侶，不容許第三者介入。" 那是一個終身的承諾，不是一場 show。明唔明?

今日去了一個同事的婚禮 @ Shangri-La。擺下午 / 西式buffet / 個場幾grand。這個做法有兩個好處: 1. 行禮時有幾百人見證 2. 唔洗搞成日 朝6晚1

梁生話: "婚禮，也等於舊朋友聚舊的機會" 係喎! 請我個阿姐與我現任的阿姐坐埋一齊。無聊的我，同隔離講左句: "生娘不及養娘大"... 笑死了三個。至於個婚禮，進場 & 致詞時都有感動位。條出場片就普通左D。冇計啦! Thomas 那條出場片太正了。

------------------
折戟沉沙

傲雲峰發生劫案，兩名持槍匪徒入屋行劫，戶主及友人反抗無效，一死一場。後來兩名匪徒因贓款問題內訌，一人逃去一人被的士司機制服。

打牌姐，唔係血案! 傲雲峰絕對是我的凶地，三戰皆北! 冇計，今日阿Joe 超旺，出絕招都頂唔住。好似好耐冇贏過麻雀了，搞咩??? 咁黑仔?

------------------
Rainbow Six - Las Vegas

大半年了，我地終於再次出街打 online game，今次打新出版的 Rainbow Six - Las Vegas。打機，我唔算狂迷。如果有得玩、得閒、有人一齊打的話係 ok 既。你要我一個人煲機? NO WAY~

隻 game好靚、好細緻、好hi-tech，動作都幾流暢 & 真實。我最鍾意用snake cam 裝下門後有冇人。如果有... 嘿嘿嘿!一打開門就亂槍掃射 / 火力壓制 / 大開殺戒~~~

猴子腦事件

What's that? 猴子腦 lor~ 核唔核突? 恐唔恐怖?

------------------

其實佢係一碗甜品 - 法式朱古力豆腐花，只係個賣相好差，加上我大肆破壞個酥皮後... 又真係恐怖左D。相信今晚在場的好友必定對 "猴子腦事件" 十分難忘。

赤赤痛痛痛痛痛痛痛痛痛痛痛痛痛

交了一期學費... 赤赤痛!
赤過赤小豆
赤過赤城號
赤過赤的疑惑

英鎊仲要鬼咁貴，嗚~~~~

---------------
瀟霜 + 銀包三級燒傷 + 一頸血的同時，又令我想起舊公司的 offer。
那加幅正正是我須要的，不過阿姐對我恩重如山...

壓逼感

點形容壓逼感呢?
1. 駕駛別人的車，未摸熟性能之前，你敢下下去盡嗎?
2. 玩 Bungy jump，去時好興奮，上到去你會毫不猶豫地跳下嗎?
3. 玩小型賽車，去時滿懷高興，到達場地時聽到引擎轟轟聲，又見到車速好快，總會有壓力吧!
4. 考試時，阿蛇在你身邊站著，雖然佢未必望係望住你，但你總會覺得 - 阿蛇睇住我寫咩!

幾個爛 example，似乎唔係好貼切，又形容唔到今期 o既壓逼感...
- 開始時的密集式課堂 (三, 四, 五, 六, 日 每日3 hrs)
- Duration 2.5 years (畢業時咪廿到尾?)
- 不足三星期就開波

現在只有向前了。

from US Army Handbook

在網上無聊時，發現了美軍手冊:

最鍾意 2, 11, 12
19在打 wargame 時經常發生。

-----------
1. You are not a superman.　

2. If it's stupid but works, it isn't stupid.

3. Don't look conspicuous - it draws fire. (This is why aircraft carriers are called "Bomb Magnets".)

4. Never share a foxhole with anyone braver than you are.

5. Never forget that the lowest bidder made your weapon.

6. If your attack is going really well, its an ambush.

7. All five-second grenade fuses will burn down in three seconds.

8. Try to look unimportant because bad guys may be low on ammo.

9. If you are forward of your position, the artillary will fall short.

10. The enemy diversion you are ignoring is the main attack.

11. The important things are always simple.

12. The simple things are always hard.

13. The easy way is always mined.

14. If you are short of everything except enemy, you are in combat.

15. Incoming fire has the right of way.

16. If the enemy is in range, so are you!

17. No combat ready unit has ever passed inspections.

18. Things that must be together to work usually cant be shipped together.

19. Radios will fail as soon as you need fire support desperately.

20. Anything you do can get you shot - including doing nothing.

21. Tracers work both ways.

22. The only thing more accurate than incoming enemy fire is incoming friendly fire.

23. Make it tough for the enemy to get in and you can't get out.

24. If you take more than your fair share of objectives, you will have more than your fair share of objectives to take.

Mature voice in your head

"grow up"
"time to go"
"don't cry"
hahahahah~~~ 笑死!!

2月12，有你有我同陣線

老豆教落

唔須要太介意人地點睇你。老豆教落，做人要過得自己過得人。
不過遇著D 又狗又冇品的人時... 只係用頭一 part "過得自己" 就可以了。
你要同佢一般見識嗎? 為左D 粉皮而唔開心，值得嗎?

What are you doing?

眼看你開始走火入魔，不過我卻打算採取 let you swim or sink。因為，我太清楚你了。由"怕悶"演化出來，call for action & make it happen... "怕悶"開始將你吞噬。

你心裡一定認為: "有何不可? 我有我的自由、我有我方式，你要管我?" 華麗的理由 與 自由的光環 背後卻藏著巨大的空洞。除了我，還有誰能看出來? 還有誰能說出來?

----------------
態度、方式、甚至週期，在這些年來從沒改變。或許上一代的思想對你影響太深了。我沒有資格去批評別人，更何況是長輩。長輩想要的就是你想要的? 就是你最終想得到的? 有否想過得到後，如何去maintain? 我代你回答: "你沒有，亦不懂，更沒有打算去學習" 原因是太容易得到了。珍惜兩個字你懂得寫，卻不知何解，更不知 how to apply。

接力比賽，精彩嗎? Fulfilled? 發現他人的不是時，卻忘記了自己為甚麼而來。愛，還包括了包容、接納、接受、忍讓。你是忘記了，還是根本不懂得? 抑或是明知故犯?

為了快樂? 為了生活? 為了將來? 為了同行? 為了付出? 為了得到? 還是全因為害怕寂寞?

----------------
待你漂泊夠了，蓬頭垢面地站到我面前時，我只會笑意盈盈地問："好久不見，玩得開心嗎?"

垃圾時間 風流波 @BC

垃圾時間 - 假設 Team M狂數 Team A 5:0，時間只是下半場10分鐘。那麼下半場剩餘的35分鐘便是垃圾時間。

風流波 - 假設M球隊在聯賽提早封王，剩餘的比賽已經無關痛癢。大可以盡出副選，踢下風流波。

實在D - 你遞左信辭職，剩餘的一個月通知期內，你仲有冇心機做野呢?

------------------------------

今晚英文堂已經考埋試，加上我唔會再去下一個 level，突然冇晒 heart。Edith 話: "呢條友，有幾千蚊既 course 唔讀，走去讀 D十幾萬既..."

冇計啦，不同時期有不同目標。回顧呢一年BC 生活，都幾開心 o既。冇壓力下讀書真係幾舒服，學野都容易D呀。

Emirates

放工，乘搭油王航空去阿樂屋企食飯。油王今晚要玩 Crossover，叫 o左佢個契妹 & fds (佢話係契妹喎，我同阿樂就唔係好信)。原來佢兩個大男人識煮返幾味的… 勁! + 自愧不如。有魚蝦雞鵝菜，好好餸。

食完飯以為有檯開，點知個個縮沙。搞搞下我見到阿樂支MP5-J~ Jennifer 的化身呀! 即時拿上手把玩。女仕們見到 wargame D裝備時突然變得雀躍，又要影相又要扮賊… 見慣晒的我 面上出現了間間 -_-'''

--------------
有D野，唔係個個玩得起。小心 小心。

不尋常 & 不平凡 & 不回頭

不平凡
估唔到你同我一樣，在今個 sem 開始。

不回頭
等你收拾心情 + 站穩陣腳，遲D先至開波啦。

不尋常
今日收到了取錄通知信。唔係吹水唔係玩，o黎真了。

我地 Master 三人組雖然在不同院校 + 讀不同科目，不過...

這群人 不曾同台 偏偏不陌生
分途來修行 發著貼心聲音
不尋常的人
不平凡的人
不回頭的人
我們的計劃 就要變真

努力呀! 金融浪子
努力呀! 鋼鐵大王
努力呀! Sunny Tang

-------------

當年 Bachelor 畢業時，沒有與四虎影返張畢業相，總覺得有D可惜，有D遺憾。
唔緊要! 遲D著件勁D o既! 等我!

We Stand As 1

各位 IVE Group 的朋友請注意，我地打算搞個 Year 1 大型同學聚會。
我 = Sunny
地 = Sammie

來源係:
SA: 我上個月搵返 yr 1 班同學... (下刪100字)
SA: 不如你下次同 Leo 佢地出黎時叫埋我啦!
SU: 好~ 唔係喇，不如搞大佢喇!

---------------------------

I will call
Leo, Gina, Tong, Stehpen, Toby, Maggie Wong, Terry Ting, Roger

Sammie will call
Derrick, Kevin, Ivan, Edith, 肥健, 麗麗, Candy, 班長

時間大約為 過年後至四月前。推遲D唔緊要，最緊要夠多夠齊人。

o拿o拿o拿!!! 呢D大型活動，八年先至逢一潤，錯過o左係你既損失呀~

07 1st Clubbing

勁咯!! Mr. J 生日，在尖咀包左間 Bar開 Party。睇戲關係，我遲左D。一入去，不得了!!! 美女s 蜂擁而至...

1. 一入門口就癲，瑩已經 lock 左我


2. 瑩向我襲擊，企唔穩!


3. 貓貓! 救我呀!


4. 連阿貓都... 渣住與阿傑叫我睇住跌 (不過點睇呢?)


5. 終於站穩陣腳，順利進場。


--------------------------------

全晚氣氛幾好，大家都好 high。特別係我地 Jingo team! Joe、傑、星、皓、渣住、阿濤、花生... 在沒有槍械的情況下，戰鬥力依然不減!!! 超放! SPK 訓練出來果然唔同 D。

SPK~~~ JINGO~~~ Whatever~~~


Jason~Jason~~ Jason~~~

戰況係...生既生、貓既貓、嘔既嘔、走既走。我呢? shot x 4 / 啤酒 x 1 / Gin Tonic x 1 / Whisky + Coke x2 / 芝華仕綠茶 x1。竟然面不改容? 少 high冇暈冇想嘔??上次在 LA clubbing只係 1 shot + 1 Long Island就 killed... 簡直係劣作!!! 醜死鬼!

至於女仕們... ok既，大家都幾玩得。冇 Cindy 冇 Gobby就好似差左D野咁 (熟人?)。不過飲到行唔到直線，又要捉住我玩那位就過o左龍了!

最後，返新發宵夜 with 主角 + Miranda。Jordan Alliance (佐敦聯盟)又多一個成員了，超近呀。食食下發覺主角食不下嚥，又有D反胃 feel... 即刻的佢返上樓。
"主角係唔會死架"
"不過如果主角死左，套戲就會有感染力D" 佢答左兩次 < ---- 佢真係醉了。

---------------

今晚解了一個心結。唔寫了，多謝妳!
菲菲，妳明啦! 見到啦! 我仲未死得!
仲有，阿B! 你全晚閃左去邊呀? 搵極都唔見你! 仲未同你飲返一杯喎!
仲有仲有，HQ!!!! 冇野喇...

Flag of Our Fathers

頭場先去睇 Flag of Our Fathers，套戲都ok，未至於D影評所講咁差... 不過劇情太鬆散了。雖然都係 by 史提芬史匹堡，不過千其千其唔可以同 Saving Private Ryan 比，因為實在係太經典了 & 主旨都完全唔同。

戲內有好多演員都熟口熟面，有 Saving Private Ryan那狙擊手，超型! 又有Band of Brothers 誤闖德軍陣地的中士，仲有幾個演新兵的演員。唔通有個班底演士兵 o既???

NAMS

原來阿榮、阿皓、Toby 係個個星期五都有聚會架! 今次一玩就由8點玩到凌晨4點，仲攰過返工呀。

除了 Winning，仲打左四圈。不過有D悶呀，我絕對唔怕對手技術高 (力王type)，更唔怕對手只靠運(太多不能盡錄)。不過最怕就係佢打得慢! 今晚 o既情況就好似，踢慣英超突然間走去踢意甲咁。不過算啦，有人s 陪你玩成晚，又終於可以見返副 SPK黑色麻雀，仲想點?

導航燈

跑道上的導航燈亮起，表示控制塔已經准許飛機降落。

然而降落與否，最後決定權還是在機長手上。

Push & Pull factors

今日返舊公司見工，見HR。過程完全順利。
見完之後，冇咩野。不過...

推動我離開現職的因素 與
吸引我回舊公司的因素

吸引我留在現職的因素 與
令我不回舊公司的因素

整個星期都不斷想著想著。

一日份 contract 未放在我面前，睇怕我都有排諗。

尋找光明

黑夜裡，沒有陽光。
月之初，月亮在缺。
天正陰，星光暗淡。

就這樣待在漆黑中嗎?
不! 原來還有的!
那怕只是一瞬即逝。

------------------

黑夜給了我一雙漆黑的眼睛 我卻用他尋找光明

29

111，你已經養得起自己、養得起隻狗、又冇話唔洗女人錢

同時，個2字已經到在尾聲喇...

真係，時代快過火箭 有兩個老人撞見 約你去佐敦道見

今次係，你行先 我跟住，for the late late twenty

想聽

雖然，表面證供成立、三大皇后一致通過、正方的聲音比反方大。

但是，我仍然有所保留。

此刻，只想聽到一句: "無論你有甚麼決定，我都會支持你。"

可惜，那個位置現在懸空了。

科拿? 夏格維斯? 碧咸?

邊個亂我心呢?

日前舊公司向我發出邀請，以現時更高人工召我回巢。阿蛇仲叫我拿拿聲 send 份 resume 過去。

事後向現役的同事詢問下意見。然後再打俾前阿姐了解下發生咩野事、點解咁急、why me?

權衡輕重，我當然比任何人清楚。只係我現任阿姐、大老細、其他同事對我太好了，長遠前景亦比舊公司好。不過人望高處，更早接近目標 / 搵多D $ 令自己再鬆動D，又有何不可?

突然體驗了這幾句:

其時其實我　不想失去了你
然而當時　我未能甘於　只擁有你

明明能共你　熱戀中收場
然而當時　有別人專機　催促我上
--------------

Resume 就 send 了，即管睇下佢係流定堅。
如果係堅，今次簽字之前我一定會同我阿姐傾下先，絕不先斬後奏。
如果係流，我就疊埋心水留係呢度，讀我個 master。
係堅係流一樣咁開心，因為: 1. 有人知道我重要了 2. 我現在擁有的，其實已經夠好。

hahahah~~ 誰若有心收養　我都不錯

Considering

亂我心者，今日之日多煩憂。

This is you

毫無方向
沒有目標
缺乏毅力
任性妄為
不顧後果
懶到飛起
爛玩到死
怕悶
怕寂寞
怕一個人
口硬心軟
口是心非
外表剛強
內裡柔弱

----------
係呀，係要講晒 D衰野，就係唔講好野呀!
點呀? 想打我呀?

----------
But... this is you, I know.
Add oil!

RIP & goodbye

昨晚送別了一位中學同學。

最有印象的就是經常一起打籃球。全班男仔當中他是最高最大份，當然由佢打 Center。還記得打班際比賽時，身為中鋒的他竟然出去射三分波... 嚴重擅離職守呀! 不過佢又射得入喎! 當時光仔 / 佳傑 / 我都目瞪口呆 + 拍爛手掌。

離開時，與光仔談到死亡。光仔話: "我第一次有同輩離開，雖然唔係好 fd，不過感覺好差。"

我呢? 已經是第三次了。那夏至日，一世都記得。唔係要鬥多，更談不上看破。只係開始有小小麻目，好惋惜。

生有時，死有時... 安息吧!

----------------------
如果死神突然來到面前，那麼...

我們每天在追追趕趕，為了未知的將來而付出努力;
與他人的恩怨情仇;
自尋煩惱的事情;
銀行戶口有幾多個零;
職位與人工如何;

頓時變得不再重要。
----------------------

如果今晚死神就來了，唔開心住咁去... 咁咪好唔抵?
我們還是開開心心地過每一天吧。咁樣會好D!

2007 1st

2007 年的第一個玩樂節目就是北上尋歡。此行是為了去 dup骨 + 買直升機。

盲俠
究竟他在墨爾本是怎樣生活的? 人排隊佢排隊，佢明明冇回鄉卡、條隊明明係排申請自動過關的，佢就偏偏去排。到我發覺其他人與我地有唔同時，我地已經排了接近十分鐘。我信錯人 - 陪排; 康哥仲慘 - 呆等。

白痴
澳洲持牌練犬師在深圳扮企鵝受傷。D水池唔係俾你游水架，更加唔係俾你過池時扮企鵝 "冼"過去。結果佢膝頭撞傷了，最後要問人攞膠布。27歲人 – 白痴行為 (要用國語講)。

好嘈
一個做泰式，另一個踩背。按摩師傅話 Ed 隻腳有硬塊 (生 cancer??)，於是就用腳踩。阿康哥仲大鑊，做泰式好似玩緊摔角咁 (佢係俾人打o個個)。房間內突然充滿慘叫聲 + 笑聲。

直升機
你可以話我地低能，不過我一定唔認同。因為在成長過程中，搖控車就玩得多，會飛的就未玩過。仲有，我地細個時搖控直升機要幾千銀一架，邊有得玩? 我們一口氣買了5架，當然係幫人買多。

--------------------------

唔睇野、行為白痴、驚驚青青、數口唔清晰、掠奪他人財產… 點解佢可以成為四虎之首?