1028

HQ:

當你睇到呢個 post o既時候，我已經身在千里之外了。 (夠Leung嗎?)

要有三個? 可以好肯定咁答你，紅色的那一個已經找到，無人可以取代。

我行 o左了，follow me ~

生日快樂!!!

約你去洛杉磯見

8月時曾經問過不同的朋友，目的地是日本。不過唔去的人比去的多，最後不了了之。冇人去，唔緊要! 自己去 lor。目的地是墨爾本 or 洛杉磯。洛杉磯去過了，墨爾本平D & 未去過，而且Eddie 比 Edmond 忙，這是首選。

可惜，屋主阿媽同我撞晒期，間屋容納唔到咁多人，於是就冇得去... (結局係: 睇住 Edmond 回歸) 得知冇得去墨爾本後，立即聯絡在三藩市的阿志&阿蘇。一個人去，Eddie 又陪唔到我咁多日... 一於預兩日去三藩市!

LAX + SFO 的機票，竟然比去年的 LAX + EWR 貴30%以上! 傻的! 唔緊要，照留名! (是8月尾o既事了) 以為塵埃落定，就準備搭 10月27號夜機之際 (無聊表弟呀，所以HOCC要睇26號; HQ呀唔該晒你幫我訂兩次飛)... 就在 9月1 日的早上，菁菁出現:

A: How's the Japan trip?
S: 搞唔成，我會去LA。
A: LA...??
故事... 原來係由呢一刻先至正式開始。

--------------------------
東京 > 墨爾本 > 三藩市 最後是洛杉磯。
一 > 四 最後是第一次與朋友去旅行。

第二次美國之旅，明天出發!!!

HOCC Live in Unity

時間關係，選擇了睇第一場，真真正正的第一次個唱呀!

阿梅影子
"我覺得佢有D似中島美嘉"
"我覺得似梅艷芳多D"
妖野、誇張、百變... 今晚就由梅艷芳個徒弟演繹出來
還彈了一首 "孤身走我路"

城城?
佢扮郭富城唱鐵幕誘惑呀!!! 仲同十個肌肉男勁舞呀!!!
"誰人在發射魅力" 那一下的舞步... 勁正!!

絕對
"二十年前，有兩個人帶我 o黎呢度睇演唱會。二十年之後，我企 o係呢度開我第一個演唱會，我覺得自己好幸福，因為二十年前帶我 o黎呢度睇演唱會o既兩個人，今晚都 o黎 o左。"

全程都站在主禮嘉賓前唱，還斷了兩次... 唱不下去。

艷光四射
個人認為"艷光四射"是最有HOCC 味道的一首歌。好有演唱會 feel / 輕快 / 獨等唱腔...

---------------
當然冇得同軟硬同 Eason 比，不過幾好睇。

26

想當天可以孩子氣　未要咩飛
今天爭爭氣男子組靠你

-----------

俾豬峰 R損左個鼻，生日仲要見紅，勁!!!

上半場補時階段

生日飯 with HGC group @ CWB。

Fat Angelo’s 食物的質素已經大不如前，極有可能是換了廚師。

Free Dinner + 飛虎頭套 / 星航 / 哥倫比亞… 又食又拎，多謝多謝。

清場行動

先準備
口罩 + 吸塵機

然後把
1. D冇用o既盒掉晒 , 騰出位置俾 Gloria
2. 軍袋 & 十幾本 Maxim, 還返俾 J
3. 兩個超大型的盒: G36C & Chess, 一個暫時妥當 / 一個收返好
4. 一幅久久未有掛上牆的 cocktail list, 埋o左位
5. Notebook + DV, 搵到一個 fit 晒的位置
6. Wargame 新舊的配套, 入晒儲物盒

清場後
將心情撥向 GMT -8

1023

喂，生日快樂喇。

快D畢業，唔好再 "Mou" Old Seafood 公司了。

1022

我嚴重過你都好返啦。加油喇!
希望你唔會再 call 我去吉野家。

生日快樂。

CQB with Lai's Brother

新血
我地以前條team 叫 Jingo，同著名的幽靈隊 都交過幾次手。不過自 Tody / Gobby / 阿皓 / Eric / 阿傑 漸漸淡出後便開始散了。

前排有阿濤 & 渣住加入;
然後有阿康 & 我表弟;
今日再有黎氏兄弟 - 賢哥 & BB;
遲D阿樂都會 join;
再遲D Eddie 返埋 o黎...
希望組得返一 team 啦。

Jennifer & Gloria
阿 Jennifer... 要改都改晒，要加的裝備都加晒，for me 已經是完全體了。不過今晚借左俾BB。因為... hee hee，我有新歡呀! Gloria 首次上陣，立即令對方見紅，唔好意思呀星哥! J 生仲話 feel 到 Gloria 的子彈在髮端擦過喎...

Gloria比 Jennifer長 & 重，加上昨晚的拯救行動... 打完後直至現在，右手都極度酸痛。

The Game
呢個 CQB 場，都打過唔少次了，地方細細變化不大。不過打板場，始終比起打叢林緊張好多。打原裝匣 (只有30-50 發) ，更講求技術，真係好玩好多! 全晚最正既係踢門 & 用手槍殺左渣住。可惜未能與阿Mor重演拉布簾的經典一幕。

---------------------



上排左起: Woody, Sunny
下排左起: Jennifer, Gloria

B-Day In Advance

自殺式襲擊
坐低冇耐，立即進行自殺式襲擊，開了六罐啤酒，逐個灌。望一望原來自己已經飲左三罐。"For the late twenty"，都不知講了幾多次。

戲玉
男子組，由全部男仔合唱。佢地四個一排，對住我一個... 今天爭爭氣男子組靠你! 然後J生叫我帶埋身份證出櫃台登記，大約十分鐘後蛋糕就送到了，當然生日快樂一曲就隨即響起。當切完蛋糕準備坐返低時，阿 Joe 從唔知邊度拿出一龐然大物...

G36C
J: Give her a name!
S: G for Gi...
J: Hold!!! No Gigi
S: Gloria
A: Is this your dream gun?
S: 係 wor
S: 我明明視察過四周，冇發現喎!
J: 喜!!! 我收埋既野，點會咁易俾你搵到?

G36C是我的 Dream gun 之一，舊年有 Glock 23，今年一樣是槍，最鬼抵死的就是J生永遠都送埋D配套。

逐個 o黎
收到大禮當然是開心透頂，不過我選擇了拋下Gloria，逐個向送禮 / 為我祝賀的人致謝。至於致謝的方式... 哈哈，你地記得架喇，唔寫了。

心 o個句
為何尋遍世上 追索著名與利- (係呀)
一世都返唔返 - (仲點搵姐?)
細過我 o個 D - (我學下啦)
男人要三個 - (女人都係)
幾時再上陣殺敵 - (球場維記)
女兒身男兒心 - (我都係覺得女兒心男兒身適合妳D)
下次唔打Bingo - (知道隊長!)
都係睇你既姐 - (唔止o既)
男朋友個好兄弟, 即係我好姊妹 - (係~ )
十年前到依家都係一樣樣, 冇變過 - (係呀, 男人好襟老架嘛)

到頂
當感到自己再不能飲下去時，便知道自己到頂了。SPK 的 parties，的確把我的酒量 train up 左。

- 人品好槍品好 (認死 - 打wargame 的基本規則)
- 人品好酒品好 (知頂 - 至少我冇 撩是鬥非, 語無倫次, 9唔搭8, 木獨呆滯)


Leave No Man Behind
五個人先抬得郁你... 的士上全程傍住你... 明日醒來後，發覺自己的手臂結實左。
1. 你係我好兄弟，就算係生係死，就算係千里萬里我都會的你返o黎。
2. 我的 HQ 已鬧爆你，我知發生咩野事，我唔會鬧你的。
Control yourself & No next time!

-----------

I miss you:
Edmond, Gina, Julius

Thanks to:
Jason, Woody, Joe, Ying, Cat, Maggie, Leo, Cindy, Miu & Agnes.

Special thanks to:
Jason & Woody

好問題

星期日係星期幾?

--------

哈哈哈! 我真係唔知俾咩野反應你好了...
又一經典。

廣州之旅 2

星期六日再次上廣州玩，是今年第二次了，今次與油王 & 阿樂。

先頭部隊
阿樂放6點，要搭7點幾那班直通車，會唔會夜左D呢? 於是我就搭早兩班車上去，又搵舅公食晚飯。nano 的電池，原來不是想像中那麼差，聽了全程都只是跌了少許。好! 下次帶埋你去旅行。

廣州東站去佛山，搭的士的話起碼百六蚊，上次趕時間就冇計姐，今次大把時間，搭地鐵啦! 地鐵飛，已經不是一紙狀了，那是一個五蚊銀咁大內藏晶片的膠片。只要 o都一下，就入得閘，比香港的單程票先進。地鐵車箱，嘈吵程度與香港的差不多，算乾淨，只是暗左少少。

踏出車站，天黑了 + 落大雨 + 截唔到的士... Black Friday extended? This is part 3? After the longest 15 minutes, 好唔容易才到達目的地... THX GOD! 好彩 D餸都未凍得晒。食完上去表舅父的屋企坐下。嘩! D單位洗唔洗咁大? 淨係個廳已經係我屋企個廳 x3!

今次見返一個遠房表哥，佢同我係同年同月的。17年前 我地影過一張相，17年後又再來一次 (楊過等小龍女都... ) 。講到大家做緊咩野時，佢話: "我做緊醫生"。 我即時俾唔到反應。幾秒之後: "咁犀利!?"

大陸做醫生與香港唔同，3年醫科畢業後，先到醫院的 office 做兩年，之後先至會落病房正式診症，過幾年再讀專科。都不特止，阿表妹仲讀緊法律。又有醫生又有律師... 勁!~!! 飯又食過，坐又坐過，計又傾過，係時候走了，今次搭的士!

娛樂
到酒店會合佢地，然後去 鍊腳 + dup 骨 + 睇英超。阿樂呀 “小不忍則亂大謀” 記住呀!!! 完場後去食海鮮當宵夜，大大隻的椒鹽瀨尿蝦呀!!! 好耐冇食了。個場連鱷魚、水蛇、龍虱都有... not for me!!!

行雷呀
由食完宵夜至第二朝，幾乎全部時間都行住雷。好嘈 & 訓得唔好。訓唔著走去上網，香港係冇行雷的，佢應該唔會驚啦。另外間酒店好舊，有D陰森，加上行雷閃電，就好像大部份鬼故事的開場情景一樣。

溫家寶也在二沙島
邊有咁多鬼? 起身都十二點了，去了二沙島飲茶。酒樓就正是廣州之旅1 與 HGC 同事匯合的那一間。那個 o者 o者腸粉，超好味! 上次佢地對這間酒樓劣評如潮，大概是小平唔識叫野食吧! 酒樓D人話溫家寶來了二沙島出席廣交會開幕，唔怪得周圍都是公安，又限制車輛進出啦! 遠處仲有架直機添。

一德路
萬菱廣場... Jason & Joe，下次要一齊去呀，大量賣wargame 用品的店舖。綠Laser 都只係$400 / M4紅點鏡 $220 / 鏡 mount $10， 我買左個彈匣回收袋$25，香港賣$90。附近還有很多賣聖誕 / Halloween 飾物的店舖，一對排球咁大的聖誕鐘掛飾 $38。

13/10000
旺角、老銅、尖咀撞到熟人就經常發生。在直通車上撞到熟人的機會就真係好低...咁都撞到 - "Maggie Wong!" 我叫佢，佢即時唔知俾咩野反應，四圍望。然後就是互相驚嘆: "咁都撞到你?" "有冇咁Q呀?" "唔係下嗎?" 云云。

又真係幾Q，竟然係同一班車，同一卡，仲要坐隔離。如果將佢數字化: 一日有12班車返香港 / 一列火車有8卡 / 一個車卡80個坐位: 0.083 x 0.125 x 0.0125 = 0.00013 = 萬份之十三的機會。

佢去廣交會做野，同佢阿姐同車不過分開坐。上次見面是有一年幾前，估唔到在此時此地再相見。回程的火車上就傾足咁耐，比開會好過好多呀 (仲講住!)。 關於飲茶的奧義，估唔到我們的想法是一樣。

---------

輕狂少年– 阿樂堂細佬 (睇住佢呀阿樂!)
外省勞工 – 按摩師傅 (我們的國家就是這樣貧窮嗎?)
新晉醫生 – 小揚表哥 (勤力、敦厚老實，不得了!)
IVE 同學 – Maggie Wong (加油呀! Miss. Merchandiser)

年紀相約的人，各有不同的際遇。在這兩天，卻發生了同一件事 – Meet Sunny Tang @ GZ

Nice to meet you all! Thanks.

Black Friday

"雙黑? 鬼佬野姐，唔洗咁介懷o既"。點知... 真係出事了。

引爆
一個 sales 打電話來，過程唔講了。總之我一收線隨後發出的聲音就是 "痴x線"。仲有，我極少與人正面衝突，在電話裡按捺不住地發炮了。往後.... 今日大部份時間都燥燥地!

無聊會
話說有個新 website 要 launch，由 7月開始，每星期都有一次 meeting。其實我唔係唔鍾意呢個Project，cross dept 做野，D人出奇地 helpful，幾好。不過今次真係無聊，冇新 task，只係update都用左1.5 hrs... o徒晒D時間!

白衫必中
今日不是Lonely Lunch Boy，阿姐們要求食車仔麵，冇所謂呀，照去。著白衫的我... 中招了!!!

假面
好! 戲玉到，在欠缺阿姐支援下，一條友走去同D sales manager 傾，就係頭先那條粉皮。我極少與人正面衝突，不過都冇融底，做到就做，做唔到立即 reject，唔好 o徒大家時間。在會上即使係幾唔願意同條粉人傾野，面上都保持虛假的笑容。極憎 Sales!

好轉
好唔容易捱到放工，與同事們去了廣東道食韓燒，$108一位任食。食物的質素 好過甚麼漢陽苑多多聲，仲要幾好坐。Hehe haha地，唔經唔覺渡過左兩個鐘，同開會完全唔同呀! 食完再到隔離座大廈(超近)，的上樓吧飲野。又係唔經唔覺渡過左兩個鐘。

延續1
過左十二點，Black Friday應該完了吧! 回家途中經個7-11，我終於有兩個5蚊可以扭 Thomas 扭蛋俾豬峰了。點知... 入完錢後卡住了，兩個5蚊唔上唔落... 向店員求救。經過一輪爆破，原來之前有條粉皮入左個5毫子頂住左。搞咁耐，扭得了... 頂!!! 早知就唔扭啦，抽到隻車卡 冇公仔頭的!! 錯晒!!

洩憤
凌晨2時:
J: "打機吖笨" "不過如果你攰同餚底就由得佢啦"
S: "怕你麼? 不過俾D時間我" "我唔係BB, 你了唔起我的"

一鋪... 123分，如果做埋 commander 更加不得了!
J: "刀仔都出埋? 你洗唔洗咁狼呀?" "123分? 有冇咁癲呀你?"
S: "哈哈，碎料啦! 不嬲都係勁o個咋，BB唔肯接受之嘛"

發洩完，輕鬆地訓覺去了。

延續2
仲未完的，星期六早上9:06分，簡直係五雷轟頂!!! 天台有個咩野防漏水工程，佢地用風炮 (即係掘地o個D)，就在我正正樓上狂鑽!!! 頂!!!!!!!!!!

-------

真係寧可信其有

戀次 對 白哉

戰鬥前
戀次: 我要將你打到!
白哉: 你甚至連令到我膝頭落地都做不到!

戰鬥後
戀次: ........
白哉: 是級數的問題。

---------

如果要比較打 Winning 的實力，應該是:
力王 > 我 > 阿蛋 > Edmond > 康哥

Edmond在澳洲日練夜練 (可能平日冇咩好做啦)，返黎的第一個目標係將力王打敗。

結果慘敗，更換來一句: "我係神，你係人。"
Ed: "嘩!!!!! 好難受呀! 又愧對澳洲朋友的期望。"
S: "算啦，你又唔係處女座 (最接近神的男人)，你今次輸晒了。" "卐解要練十年以上架，力王打Winning 起碼十年啦!"

---------

鬥咩呀，俾你贏左又點? 得閒睇多次笑傲江湖啦!

就算未去過 都要識去

在讚嘆 Google Map 利害的同時，原來國產的網上地圖都唔輸蝕。

星期六我做先頭部隊，又一條友在大陸四圍走了。

http://map.sogou.com/

約你去沙角村見

Edmond 回來後的第一日(應該叫即日)，已經急不及待要食飯了，地點係沙角村大排檔，似曾相識的地方... 事前嘗試約4虎+康哥的，點知冇人得閒喎! 唔緊要，照去。

只係去左幾個月，佢的身型竟然同阿葛有90% 相似。就係咁佢又多一個名了 - "阿葛"。佢當然不甘示弱，回應我一句: "點呀海峰?"

佢返 o黎，感覺係... 個樽又裝返D 水喇。
出年 Eddie 返埋o黎... 個樽裝滿水喇。到時唔洗再約你去洛杉磯見了。

I hate

食
- 飲凍檸糸列時，檸檬核吸進吸管內。
- 食雞翼時，食中一隻斷骨的。
- 飲完咖啡後，殘留在口腔的酸澀味。

人
- 明明講左俾佢聽，仲要問。
- 我幫唔到佢手，佢仲狂 cher。
- 你急佢唔急的態度。
- 白鴿眼。
- 輸打贏要。
- 訓緊覺時影Q我相

車
- Civic / Corolla，明明得 1500cc / 百幾匹，係公路上以為自己係飛機。
- 後面架車隊到實，冇品! 有本事你就過我，冇的話你就乖乖地坐box，我係唔會開快D俾你行先。
- 後面係一架高身車，盞車頭燈撐到PK!

豬峰 豬峰 豬峰

連續見了豬峰三日:

- 先是中秋夜在九龍公園睇花燈;

- 再來星期六下午到九龍仔公園玩;

- 最後是星期日中午的一歲生日會 & 晚上在樂富的遲做節。

好少可以連見三日。

Edmond Return

佐敦的太空人 你回來了
恭喜恭喜你
恭喜恭喜你呀~呀~呀~呀~

星雲法語

http://www.fgs.org.tw/master/masterA/library/2003-hsingslogan/9401-03/050325.htm

Behind Lee Gardens

Inside out
"不如今晚食 Pizza 咯"，於是就去了 Inside Out。Inside Out 好一個熟悉的名字! 間餐廳竟然同我本書同名。一個 Pizza、半份 Ribs、一人一杯啤酒... 正! + 好飽!

行老銅
橫掃老銅各大必到的購物熱點後... 冇收獲。由於月尾有重大任務，近期唔可以亂Fing 錢... 好! 我忍! 我等! 唔知係唔係好耐冇行過街，HP 下跌得好快!!!

Ten One RIP

這個早上... 大家樂的早餐特別好味。

之後返訓至三點，搵阿J & 貓食個 tea。餐蛋丁，凍OT... 似乎是我 late lunch 的例牌菜。

放假都不外乎飲飲食食，晚上與豬峰 + 全家食日本野。又估唔到旺角鬧市中有D咁高水準既日本料理。

最後是睇煙花 + 曼聯，我獨霸電視 & 與沙發連成一體了。

3 場

作客
維拉 - "維多利亞公園臨時拉夫聯隊"今日作客炮台山雲景道足球場，對手比上次強得多。我地採取穩守突擊的戰略，結果全憑家衡的兩次偷襲得手，有冷味地擊退強敵。家衡好勁呀! 絕對係能夠憑一己之力去改變戰局的球員。我有一次近射射斜、阿蛋一次中楣、無聊表弟兩次埋門無果。

運載
下午去了柴灣幫阿J 車野走，星期六的交通真令人討厭，佐敦去柴灣，區區14公里，就花上了50分鐘，塞塞塞... 好眼訓。講左好耐，籌備經年，佢終於可以脫離呢間公司了，恭喜恭喜。o個袋野... 好Q重，你話入面係條屍我會信的。

賢哥
紅隧去，西隧返，正是我每次的路線。貴10蚊，一人慳返20分鐘... $10 買一個鐘，抵晒! 就當經過金鐘時，JB打來瀏刮，於是就相約了在佐敦見，去廟街食蟹粥、煲仔飯 etc。食到一半 JB 阿哥加入，打機就打得多，一齊食飯都係第一次。我同J發現了 JB 平時 or 細個時極有可能俾阿賢哥蝦的。