圓滿

Copy from 阿蛋那個"唔上進":
要不斷爭取升職？
要不斷爭取加人工？
定還是不斷爭取唔駛加班？

再加插昨日 lunch 時的一段對話:
我會覺得現在擁有的就是最好。唔須要再比較。
如果要比較，實在是太多了。
那麼你到最後便會甚麼都得不到。

又引經據典:
師父對眾徒弟說: 誰人在這田裡找到最大的一根麥穗，我就把這片田送贈給他。不過，你們只可以向前走，亦只可以拿一根麥穗。到最後，他們甚麼都得不到。因為他們相信更大的麥穗總是在前方。

-----------------

treasure & appreciate

Click

李奧先生早就話 "命運自選台" 好好睇，叫我快D去睇。果然冇失望，甚至比預期更好。主題鮮明、內容豐富、大量笑位、兩大必殺喊位、有深度、發人深省。不得了!

如果古巨基的 "愛得太遲"是 demo版，這套戲應該是兩小時完整版，兩者的主旨幾乎一樣。要評分的話，我俾 99.9分，那 0.1分就是因為買飛太遲，位置坐得較前。

-----------
"直入最尾 o個間"
"尾房!?"

繼 "比亞荷夫" & "拉闊戰線"後 又一默契之作。

有時 我地需要降低要求

有一次見工，個老板俾左一份 leaflet 我睇，叫我 comment 一下有咩野唔好。我講完佢就話: " 呢份野我地 o係上一個展覽上用的，你頭先講過的 point 我地全部都知，不過呢份野得四日時間做，冇辦法。 有時，我地需要降低要求。"

有時，我地需要降低要求 < -------- 呢句... 我學到野。

球場維記 行行企企

星期六，一個風和日麗的早上，去了維園踢波。好耐冇踢了。

同李奧踢波最經典的一幕莫過於 "比亞荷夫事件"。今日佢終於回敬我兩野了，他傳出精準的傳送，話晒我地有返咁上下默契，我當然直插對方腹地，點知兩次都落在我的左腳上... 射波最緊要順腳，冇理由明明唔啱位 夾硬去就返隻右腳，結果兩次都射唔入。以前 o係灣仔用頭用右腳入唔少波，不過講到左腳... -_- ''' (WEAK POINT)

講返場波，我地六場五勝 (只係對手弱姐)。不過今日又出現另一經典，其中一場對手係一D 十四五歲的小朋友，守龍門那個，竟然向李奧講了一句: "叔叔，你係咪教練 o黎架? " 嘩!!! 叔叔呢兩個字，簡直係直穿李奧的弱小心靈。

以前踢波靠鬥快、靠鬥體能 (18歲時的黃金身軀呀!)，依家仲有氣，不過已經大不如前，唯有靠技術啦。都好彩，未有退步 & 仲記得 & 我仲係 "哥哥"~~ 哈哈~


--------------

小球場　一班耆英　跑全場死捱　　
筲箕灣施丹大坑碧咸狂打柴　　
踢兩野個個斷氣　個個煙癮大　　
老友記老過魯爾　對腳應砌去賣

呢班波　當打時期　羅小型球金牌　　
呢場全挽鞋　大啖白泡嘔得快　　
口水都乾埋　踩波車拗柴　　
乜筋都抽過晒　佢淨係打winning快

Be positive

如果... "人生得一知已死而無憾"
你兩個可以去死了，因為你已經起碼有一個咁多。

Saving Jason's Grandma

"登陸艇的編號已經 send 了俾你，我係今次行動 o既指揮，我係 James Miller。"

講一聲 你喜歡
共患難落地獄冇問題
有今生冇來世

We need order

軍士長，請指示作戰方針:

1. 按兵不動
2. 見步行步
3. 傾巢而出

赤柱正 "楷"

楷哥生日，去了赤柱。

鬼域?
星期六晚的赤柱，原來冇咩人去的。酒吧、食肆、甚至街上都好少人。去到赤柱市集更加恐怖，店舖全部關門了、燈光昏暗、冇人、鼠輩橫行。之後沿海邊小路離開... 前面有個阿婆行得好慢，我地好快就會追過佢。就當即將過佢之際，佢停下來 + 回頭望... 行頭的我冇望佢，不過個心就寒一寒。之後講返... 後面的朋友話阿婆係有眼耳口鼻的。

食
"Bay Side" 食物同環境都唔錯，Pizza 一上檯... 長方形的底盤! 原來與APM 的 "Roma Roma" 是同一集團的。
















返兜
頭先四請一，返出老銅後，我地就老屈楷哥請食糖水。食完野冇幾耐再加糖水... 好飽呀!

生日快樂喇! 楷哥!

917

生日快樂喇，我的第一代戰友~

快 D:
畢業 --> 搵過份好工 --> 成家立室啦~~~

Blue too

四個人飲了三支紅酒, 好 High!!!

好好玩，玩到三點... 間中一次冇所謂啦~

A22

首次搭A22 返工，嘩! 爽呀!

1. $$ & 時間 與地鐵一樣。
2. 由於是機場巴士，車上冇人、寧靜、舒服。
3. 熟悉的路線，同以前返學 & 去SPK 玩 的一樣。
4. 地鐵不見天日、又嘈、聽歌又要開到好大聲... 一向唔鍾意搭地鐵，除非沒有選擇 or 趕時間。
5. 一朝早有廿幾分鐘俾我休息下... 仲想點?

可惜... 回程要$39 (因為佢去機場的)

呆左

當 911 事發時，你正在做甚麼? 幾乎問每一個人，都會記得。絕大部份的答案都是: "坐在電視旁邊看，呆左"。

看了明珠台的一個節目，以真人真事編寫成為紀錄片，以第一身去描述當日世貿大樓內的情況。由第一架飛機撞向北座 (08:46) 開始，至兩座大樓都化為灰燼 (10:28) 。 節目長兩小時，連時間都幾乎是第一身的。

從未試過睇電視睇到驚、不安、心 up… 是我太投入嗎? 估唔到五年後再看紀錄片時，都是"坐在電視旁邊看，呆左"。

生靈塗炭呀!

大丈夫 2

今集... 太多人未睇，內容我唔講。

人面對自己的過錯時，總會去找這理由、找藉口去原諒自己。但當看見別人的不是時，總是無法接受。

Come on~ we just human being!

光明頂

分別與不同 group 的朋友講過，而且講左好耐。今日終於成行了。

機會難逢
去光明頂可說是可遇不可求的，天氣良好 & 適逢假期 & 人要得閒。這個 And Case 的 3個 factors，缺一不可。星期六還下著大雨，不過，不出所料! 鋒面雨後一定是好天氣!

首席機長
由於荃灣 &葵涌的道路我完全唔熟，於是便求教首席機長 (我老豆)，經他指導後，時間 -10mins / 燃油 - $10 / 路程 -5km... 勁!!!

上上
由好泊車至行上山頂大約用了 70分鐘，其間睇下風景、同D牛影相、傾下計... 唔錯! 獅子山、石崗跑道、青馬橋、葵青、沙田、西貢盡收眼底，大廈就好像積木一樣，可惜能見度不高，港島與深圳都看不見。

落落
上去要 70分鐘，返落黎就快好多了，一來路易行了，二來歸心似箭。回程途中，有人訓著了。

英超 英超 英超

一晚看了三場英超，很累!
甚至想睇埋巴塞隆拿... 唔得! 太眼訓了!

和周醫生說起

或者我沒有投入過甚麼 Effort，不過都是一件值得高興的事。繼 "左右平衡" + "雨聲" 之後，今日更有數據支持。

懶 friend
上次復診已經是六星期前，今日再見到阿醫生時: "Hi, Lawrence~" (懶 friend 咁)。睇醫生睇到有 D 朋友feel ，阿 Lawrence Chow 是第二個，第一個是在魚則魚涌的 Terry Wong。

見暈
好耐冇俾 o個 D 醫療儀器整過，那些久違的聲音再次出現時... 怪!!! 過程會令耳水郁動，做完後真係見暈架!

戲玉
醫生話傷口埋得好好 + 冇發炎。戲玉來了 – 去驗聽力。第一次做是 6月22號; 第二次是 6月26號，兩次的結果都是右耳正常，左耳不合格 ~50分。今次掂晒了!

X-axis 為音頻 (hz)
日常生活的音域介乎 100 hz 至 5000 hz，測驗由 20hz 至 8000 hz，數值越高 = 越高音。

Y-axis 為分數
(0-100) 30 分為合格，數值越低 = 聽力越強。

左耳的平均得分為 28; 右耳更強 17。看到結果後，再與上兩次的 result 比一比。哈! 真正好返了! 我有一點諗唔明，就係 點解連右耳的聽力都增強了? 周醫生話: "心理因素" "耳嗚細聲了" "用多了"。唔理咩野原因，總之已經回復正常，甚至比正常更好~~

夜遊灣仔

星期五又在MSN 玩即興，聽講老銅有間café 超正，於是就相約放工去試試佢。

事前去左灣仔先。清湯腩、炸雞、188、M1、UN... Woo~~~ that's why I like Wan Chai so much~~~

上到去間 café，點知被包場了，只能望門興嘆。不過冇理由就此散水架，於是上了blue… 又來跑馬地的夜景了!

Thx Buddy~

重出江湖

今日重出江湖的有:

1. 我
又開始返英文了，唔同晒!
- 一齊升班的同學只得一個。
- 今次換左個阿 sir 教，氣氛好嚴肅。
- feel 到呢班同學的水準較高，我呢 D 升班馬要努力D了。
升班馬的 target: 完成這個 Level 後，就去試試個國際英語水平測試。

2. 我的 iPod
收埋左兩個月的 iPod 再次投入服務，好享受左右平衡的感覺。

好返了

日前已公告天下，今日再有進展。

話說星期三晚上大約 9:30，開始落雨，初時雨勢不大，但身在房內 + 開住冷氣 + 拉了窗簾 + 聽住歌的我… 聽到雨聲! 走出廳望一望 + 同阿爸阿媽講:

S: "嘩! 落雨呀!"
媽: "你咁都知?"
S: "聽到嘛!"
媽: "唔係下嗎? 有冇咁好耳呀?"
S: "哈! 整返好啦!"

聽唔到 (那電話)、V V聲 (水壩上)、侵蝕耳骨 (掃瞄片)、十五針 (血淋淋)... 我打贏 o左了!!

Picnic

唔係去野餐，Picnic 係車名，TOYOTA 那 2000 cc 的 7人車。

星期日再去SPK 幫手執野後 (吾土吾情)，又與油王與阿樂去食飯。一開車門… "喂，你渣啦!" "好呀! 怕你呀!" 坐上駕駛席，第一個感覺是: "咁熟 o既?" 要具體形容的話，就像大家都用同一牌子的電話一樣，外型不同，但介面大致一樣。我的小猛獸、阿樂的 Picnic、油王的 Echo、還有那 GS300，都是同根生的。

記憶中，自學車時代後，再沒有開過高身車了，位置感冇晒、馬力比平時少了 30%、硬係唔多習慣咁。同時發現了自己開車時有一個小動作 – 左手不其然地去抓著波棍 (因為今次冇波棍俾我渣住)。要總結的話: 未能人車合一 & 掛住小猛獸。

至於餐飯，正啦! 又係香辣屋 @ GDC，仲要一邊食一邊睇美女廚房。蘇玉華，勁呀!!!

-----
車是自己的好，推論下去的話… 老婆都係! 即使沒有蘇玉華的廚藝、Amanda. S 的美貌... 又如何?

車，要人車合一。另一半，要心靈合一。(J: 人車合一唔係指"死都唔落車"呀! 死仔!)

SPK 終戰

戰果
大敗而回: HP -93%

原因
運滯: 著紅衫都冇用! 若非憑幾分技術及忍耐，肯定全軍覆沒!
不捨: 要親吻土地??
不集中: 全日神不守舍，包括開車時、講野時、諗計時... 最後12點未夠就好眼訓。
冇味: Pizza Box 唔好食的原因，應該與本身的味道冇關。

離場
當戰神阿 Mor 出現，立即起身俾佢打 (冇力 & 冇戰意去上訴)。而我... 車阿星哥& Jannie 去西鐵站，之後泊車歸家，冇再返去了。今次是一年來，最唔好玩的一次!!! 絕非輸打贏要，錢事少，感覺事大。

唔該! 快 D 到十月

11 - 有人生日
14, 15 - GZ
22 - 有人生日
23 - 有人生日
28 - 有人生日
31 - 哈佬喂

--------

25 - 放假
26 - HOCC
27 - 嘿!!! 不得了!

New Domain

即將轉到這裡: http://sunrisetang.com

內容和版面暫時與 blog 一樣，工程完成後就會以全新形象出現了。

-----------
sunrisetang... 就是我個名呢!
要 dot com 唔要 dot net, 價錢貴一倍呢!
浮誇吧?

重慶森林 + HAVANA

第一次去重慶大廈食印度野，ok 喎，一D都唔恐怖 & 唔貴。
然後帶路去Havana，似乎我每次去諾士佛臺，都係去這間吧呢!

---------

媽媽、小黑、湯馬斯，呢班第一代的同事... 從前o既氣氛冇變!

K

與同事們去了唱K，發覺:
1. 呢班友仔... natural high 的, 平時壓力太大嗎?
2. 唱到某些歌曲時，會想起不同的人，名就唔出了，自己認返自己啦:

- 和你去拖手看新居
- 或者 受到監管的確令人 苦惱
- 但做對好兄弟又如此相愛 旁人會說不該
- 還是怕黑 又怕死
- 童年時全部記憶 睇高一線
- 你使到父母親 彼此都加倍諧和
- 如何大成大敗 他的寵愛中 亦都只有一歲
- 乜筋都抽過晒 佢淨係打winning快
- 死仔o黎埋堆啦埋 衰佬玩得起玩埋

----------
可惜呀，冇人唱 HOCC...