認真去玩

7月3 日星期一，大部份人要返工的星期一，我呢? 哼哼哼... 我放假!!!

BF2
新的電腦已經投入服務，一部最新型號的電腦... 尖端科技呀!!! 好快呀!!! 就用佢在網上會一會班戰友先!!! 一打就凌晨四點了。

石澳賽道
記得學車時代看過一編專欄，"石澳道是香港境內要求駕駛技術最高的道路。" 其實石澳道已經渣過好多次，第一次是超驚的，往後隨著經驗的累積慢慢不怕了。今日仲覺得好好玩添!!!

石澳
平日的石澳，沒有蜂湧而至的遊人，多了一份渡假 feel。幾乎每一次到石澳，都會去 "大有" 幫襯阿婆租 locker，今次亦不例外。當坐在廳中央時，感覺好親切，因為我7 年前就是來這裡租locker 的，7年後都是。更衣完成後便去租半身板，然後... 去衝浪 lu~~~

咁Q 地，今日好大浪，過足癮!!! 玩到咁上下，沙灘上有廣播: "由於現時海面風浪大，本泳灘已經懸掛紅旗…"。當然我地冇理佢，繼續沿住個浪頭高速衝向岸邊 (半身板的玩法)。

又玩到咁上下，落雨喎!!! 沙灘上有廣播: "雷暴警告現正生效，請各泳客盡快離開水面"。我地當然又冇理佢，繼續玩。此時，對開海面的小島上空出現了一條大型彩虹，我咁大個仔都係第一次見到的 (由噴水壺做成的唔算)。

成個人咁高既浪又唔走，行雷落雨都唔走，體力下降就要走了，玩左幾個鐘，HP 都付出不少的。搞掂晒D野後，同阿婆講 byebye後，雨停了。坐在沙灘邊緣的長椅上，看著石澳的黃昏 + 食雪糕... 正呀!! 與去年在 Chelsea Pier 的情景有得揮。

黃昏
其實我好鍾意在黃昏開車的，因為感覺好舒服。回程時，當玩完一輪石澳道，然後在東廊看著日落中環飛馳... 即刻要點返首夕陽無限好。

Weni Stubs
放低小猛獸後，再到TST 的 Weni Stubs食晚飯。這是一家德國餐廳，氣氛不錯。我們食了德國腸 + 鹹豬手 ... 味道有D似食緊燒肉咁。

按摩
第一次在香港按摩的，上次係廣州，再上一次是泰國。Eee!! 又真係幾舒服喎，特別是玩完一日，HP 所餘無幾的時候。到後期，差D 睡著了。

總結
好好玩!!! 多謝 SQ，生日快樂!!!