Confusing

一次過有太多的資訊，絕對會令到接收者出現混亂。
好亂...
夠了!!!

讀完了

個英文 course 終於完結，只有65% 的人可以升班，而升班的人又未必會再讀。多少都有D唔捨得，話晒都相處 & hehe haha 左一段日子。臨尾仲有張證書，仲影了一張大合照添。

昏睡狀態

日間，長期處於昏睡狀態。
晚上，好快就不省人事。

催淚

Sunny Tang 呢條友，淚腺不發達、對情感表達反應遲鈍、甚至有人覺得我係冷血的。要我流眼淚，根本就是一件難事。不過... 就在今天，就像中了催淚彈一樣，兩行眼淚直流出來。

PHE... 妳勁! 我實記住妳!!!

只是小事

劍八: 你有冇心理準備?
一護: 有!
劍八: 答得咁快? 其實工程一D都唔細，起碼三個鐘的。完全修復就要三至六個月。
一護: 冇得驚。要就要架啦。
劍八: 好。你安排好話我知。

---------
與 HQ 傾計的同時，提及佢有一個朋友，只有廿八歲，不過已經沒多久了。這個又令我想起，2002 年6月22日，一個陽光燦爛的下午… 我第一次體驗晴天霹靂的感覺。相比他們…其實只是小事。

----------
仍然在呼吸都應該要慶賀

睇死神

酷熱 + 無聊的下午，一次過看了十多集死神。

夜一: 和更木劍八對戰，被砍得好慘吧?
一護: 的確! 被砍得好慘!

--------
捱佢兩刀，又唔洗死，唔怕啦!

Silent Dam

水壩上，本是美好的晚上... 竟然是繁星不閃亮、左方不寧靜。

-----------
可惡!!! I will be back!!!

終於行動

其實，喜歡她已經有一段日子了。每次見到她時，就有一種奇怪而且說不出的感覺。她從未作出任何反應，每一次都只是凝望著我，恍彿一直在等我開口一樣。今日，我終於有所行動。既然喜歡，還要顧慮甚麼呢?

咩呀咩呀! 吹下水先唔得呀? 今日 Lunch 時，買下了心頭好。小小貴啦，不過人一世，物一世，死左咁就一世。冇所謂啦!!!

你當我是浮誇吧~~~~~~ 哈!!

623

熱愛摩驍孖妹，熱愛同月同日，熱愛快樂時代。

生日快樂。

Result

B - You did very well for your study, over all ranking is B. You can go to next level.

N - Scanning result = Negative. And where is my angel?

622

熱愛準確傳送，熱愛合作無間，熱愛 Super Good Girl。

生日快樂。

The Night Before Scanning

佐敦四虎再次集合
由於 Edmond 聽日放假，條友下晝就打來瀏刮。"喂，去今晚去力王度咯!" 熟識的聲音; 久違了的節目。四條友梗係開檯啦; 世界杯期間梗係睇波啦，於是今晚就來一個開檯 x 睇波。

開波&檯之前
阿蛋去完美國，當然又有手信派了，今次是一隻鐵匙羹，來自紐約的愛麗斯島 (Ellis Island)。當日我曾經路經那裡，但由於時間緊迫、眼前只有一個目標 (自由神像)，最後沒有上去。現在想起來，的確有多少後悔呢。買手信要有 heart ，知唔知呀梁生!!

開檯
自模小三元，仲要係絕章白板，看來我的運氣不錯，就把他帶到明天吧!

睇波
有人買左葡萄牙win，全場被墨西哥狂攻，睇波睇到佢好似玩過山車咁... 為咩呢? 切勿沉迷賭博，切勿越賭越大呀!

--------------
全程就只有兩個小時左右，不過夠了，夠晒好玩 & 開心。特別是101空降師經過連日的左右夾擊之下，已經身心俱疲、士氣低落、傷亡慘重、血流成河... 今次的聚會特別珍貴!!!

621

熱愛古怪陰濕，熱愛識於微時，熱愛佐敦蓋茨。

生日快樂!

抗生素

食完就硬係覺得唔多妥咁… 明明唔關事架? 又唔係止痛 / 感冒藥，一定係心理作用!!!

等放榜

星期四下午將會有結果，究竟去到咩野程度呢? 洗唔洗再跟進呢? 是谷底反彈還是沉淪下去? 就有待詳細報告了。

夏: 洗唔洗我陪你? 心情就好似我地當年等放榜一樣。
貝: 個 feel 係似，不過…咪玩啦! 死仔!!

再哼一哼可以麼

誰讓我倒流時光一起親身跟你去分享
遺憾印象 沒有你家中那面牆
拿著你相簿
從頭細看 你六歲當天 已是我偶像

Where’s my Angel?

狀況

V 變了 Woo，擔心未有停止。

起火

叫左你唔好攞黎講笑，你又真係唔聽。
叫左你唔好郁手郁腳，你又走去起腳。

佛都有火!!!!!!

爛賭菁

二串一、波膽... 佢仲熟過我!!! 真係睇唔出佢平時斯斯文文，原來係賭徒一名!!!

16

Marco: "這是你膊頭上的一粒星，記下來，然後再努力啦。"

怕

胃口沒有了
想玩的心情沒有了
Outstanding 的 task HEA 了
與 TaskForce145 的作戰計劃不想討論了
愛看的賽事沒有心機看了


-------------

如果寧靜中感到害怕　送我相擁有用嗎
會為我添上顧慮嗎　可安心嗎

V

如果要我用一個字母去形容這個世界，今日的字母是 V。

靜 太安靜

那一刻，世界變得靜了。
靜得很可怕。

再下一城

細姐今日話: "啱啱幫你同 HR fight 完，你過左 Probation 之後，人工就會係咁咁咁。" 然後再加一句: "我覺得你值既。"

嘩嘩嘩!!! 不得了呀!!! 要簡單形容的話 - "又有錢，又有面"

-----------

黎生: 米諗住屈我請食飯，適當時候我會自動掹槍的。

--------------

淡市沒有反應　繼續再打拼
疫症沒有反應　就轉換血清　絕嶺上求勝
今年多災星　險境　當走火警　訓練你反應
受難應該也高興
損失都不輕　反省　你應不應　撥亂再反正
大禍迫出你衝勁　反彈再致敬

World Cup Day 4

世界杯開始了四天，睇波當然是我的指定節目，又有野講了。喜歡足球的朋友，一齊 share 下啦! 沒有興趣的話，當故仔睇啦! 唔想睇的話熄左個 IE lor...


腰纏萬貫 腳纏萬金
英格蘭對巴拉圭，適逢星期六... 嘩!!! 簡直是全城瘋狂、萬眾期待! 氣氛一流，不過… 完全係悶波一場。那班週薪十幾萬的天皇巨星，表現與收入完全不成正比，跑又跑唔郁，狀態又差… 除了林柏特有D專業精神之外，其他... 唉! 算吧啦!!!

打甩牙帶血吞
瑞典對千里達，聽起來是一面倒的賽事，不過絕無此事。千里達陣中有九個球員是來自英國較低組別 (英冠、英甲) 的球會，那兒基本上是力的比拼。當這班被看成二三線的球員面對歐洲一流的球隊時，表現毫不怯場，攔截還勇猛硬朗。最後，憑將士用命、憑打甩牙帶血吞的精神，就擋住了北歐維京海盜的來犯。

獨食怪
荷蘭對塞黑，話晒係死亡之組，梗係要小心D，開細就梗。全場俾洛賓一個玩晒，係就係有娛樂性呀，不過波唔係一個人踢的。沒有雲達華治，中場就欠缺了創造性，萊哥全場冇波掂… 對阿根廷時點打呀???

汁都撈?
澳洲對日本，聽起來是絕不吸引的戲碼，但是... 比英格蘭、瑞典的比賽更加精彩。84分鐘開始，卡希爾就把比賽由輸變和，由和變贏。足球比賽，係要睇90分鐘的。戲碼弱，劇情卻峰迴路轉，個人認為這場暫時是今屆最精彩的賽事。

ADD OIL LA~~~

THE ONLY EASY DAY WAS YESTERDAY
(by United States Navy Seals Briefing Notes)

Landed

由於尋晚去得幾盡，星期六早上只能帶著半死的身軀返工... 諗住今日都冇咩特別之際，突然細姐話: "Sunny，做 probation appraisal喇。" 聽罷… 立即醒晒!

做完，整體評價為"Good"，雖然談不上有歸屬感 & 滿足感，不過至少受到重視 & appreciate。過程中又提及舊公司的架構與制度，回想起來，佢對我又真係差到 XXX，佢唔賞識我，我今日有人俾個 "Good"，哼!!! 諗諗下，竟然諗起霆鋒? 諗多左了!

假使當初可以為了你 忘了愛所有人
分開手去追尋 足可擁抱千萬人

Probation 快完了… 我要放假!!!

唔好同佢玩

星期五晚，雖然明天不是短周，不過也不可以讓娛樂停止的。先去同 SQ 食飯 @ TST ，以後又竹戰 @ SPK

一開波就 J 就領放了，東圈打未完已經大幅拋離。打打下，情況未見好轉，今晚我的靈光閃不出來了。不過我已經盡了全力: 自摸一鋪九番、絕招出過一次 (我已經過足癮了) 。今次還使出了另一陰招 – "唔益人" 。呢個只係為啖氣，反正我一早已將輸贏置儲度外啦… 係咪呀下家先生?

打完，只有一個贏家，我地又點會放過佢呢? 又一次去了甜品哥哥，J 話: "隨便叫，唔洗同我客氣喎! "臨走又話: "多謝晒喎!" 正死仔!

挻而走險 (無花自摸平糊)、返兜、唔益人... 如果麻雀檯上看性格，呢條友都係唔好同佢玩咁多喇。

----------

我每次的目標只是 – 佐敦聯盟的 Net Gain > or = 的士錢。其實最緊要玩得開心姐。

別當你要奮勇血戰　無論聰穎或愚笨
猜猜情尋　雖不如人　不影響你笑臉迎人
沒有說過你要戰勝　留下歡樂便無憾
猜猜情尋　猜猜情尋
玩輸可以勝過別人　多一餐好教訓

Blog

個 blog 搞左咁耐，有多少發現:

Post 的種類
- 記事。將今日發生過的事記下來。

- 轉載。將在其他地方看到的東西 post 上去同人分享，有點似 fwd email。

- 鬧人。對號入座啦。

- 暗號。有時大家睇唔明的 post 如軍事行動、打機名詞、法術etc. 你睇唔明姐，有人睇得明既。

- 鼓勵。文字的威力往往比說話強。

觀眾
- 日日追。忠實的觀眾，多謝支持。

- 夾埋一次過睇。明明 post 了幾日，如果有睇的就唔洗我再講一次啦，證明佢唔係經常上來。

- 會講內容。"嘩!! 咁正?" "喂! 你鬧我呀?" "你冇野呀嗎?" 這就是一條隱藏的hyperlink。Connecting u & me!

- 唔講內容。我知你有睇的，不過從來都唔同我討論內容。不過... 我知你有睇。

- 叫先睇。冇辦法啦，唔係個個都好似我咁無聊、又唔睇電視、又成日對住個 mon 嘛。

- 完全唔睇。雖然 Send 左俾佢，不過就好似冇 send 到咁...

精神力量
- 共嗚。當你和你的朋友個 blog 的內容是相同時，心裡就像 Keroro 共嗚一樣。

- 提示。當記憶開始退減時，一個在某年某月的 post 就勾起了不少回憶。

- 感染。最先係阿蛋有blog，接著是阿傑，睇完後我就被感染了。現在...好多朋友都有了。

- 加深。看完之後，起碼你會加深了對網主的認識。

好唔好睇
- 經常 update。冇返咁上下心機，根本唔可能經常 update。冇返咁上下creative，都係冇可能經常 update。

- 好唔 update。有唔少 blog，一個月先得一兩個 post，網主可能很忙，又可能已經冇心機寫了。
- 荒廢左了。算吧啦! 安息吧。

- 講古仔。得閒講下以前，回憶之外，又可以講俾人知。

- 長篇。有人喜歡將事情完全記下。太長的話觀眾會話悶。

- 得幾句。有人喜歡只記 topic。太短的話觀眾會話唔夠。

擊中目標

就算，美軍對整個伊拉克作地毯式轟炸，都未必能夠炸死扎卡維。今次只用了兩枚炸彈，就將恐怖主義的旗幟拉倒。所以… 攻擊唔洗多，最緊要啱時候同埋擊中!!!

------
美軍表示，伊拉克高層取得線報，得悉扎卡維及黨羽會在巴古拜北面 8公里處開會，於是美軍出動兩架F16 戰機，投下兩枚 500磅重的炸彈，空襲扎卡維匿藏的屋子，並將其炸死。參加這次狙擊扎卡維行動的部隊，包括美國陸軍王牌 101 空降師和美軍特種部隊 TaskForce145。

之最

想一生看下去　還會等一天八十歲
看你髮端灰色的點綴　未來只有樂趣
和你去拖手看新居　雙眼開始像飲醉
尤如觀星　你在這裡
我的雙眼裡　尋找到宇宙之最

512

又白又紅
唔知點解，今日總是提不起勁 + 頭痛。午飯時，陽子話: "Sunny Tang，o個邊有嗎啡，有水煙。去整返支先啦，你好殘呀，左邊嘔白泡右邊嘔血咁款。"我尋晚係夜左少少、今朝係比人cher 得行左少少、又咳返... 不過有冇咁嚴重呀?

阿爾蓋達
飯後第一個任務，係幫 HQ 放炸彈。佢個目標竟然係同我同 Group的，仲要只係樓上樓下。Mission One 係去某店舖取得 C4，輕易完成。Mission two 就困難了，因公司 + 工種不同的關係，而且是位於重門深鎖的房間內... 最後我使出絕招!! (唔係無花自摸平糊) 終於不負所託，埋下炸彈，完成任務。事後，我們相約今晚就去炸毀 IFC 哈哈哈!!!

半個師
下午三時，101 空降師收到 82空降師的求救訊號。於是出動了半個師的兵力作出增援。當援軍在下午六時左右到達後，101總部便與 82總部失去聯絡。不過這半個師是不會陣亡的。

4th 正日
How are you my dear? The next World Cup is coming. I miss you. We all miss you.

SQ

你的壓力已經夠多了
我不想增加你的壓力

武器 武功 武運

先講武器。
古語有云: "工欲善其事，必先利其器"。任你有十八般武藝，沒有武器的話，在戰鬥中都不會走得太遠，除非你戰鬥種類是根本不須要武器的。武器有不同的等級，隨時間和經驗的累積，武器自然會升級。你得到短劍時，原來殺敵唔洗用好多力。當手持長劍時，發覺攻勢範圍大。再發覺原來青虹劍削鐵如泥。如果你連短劍都拿不起的話，他日如何擊退更強的敵人，負起更大的責任?

再講武功。
武功是自身的，每個人的能力都不同，每個人都各有長短。自己的強項要好好發揮，從此建立自信。弱項就得增強，當它不再是弱點時，更無須自卑。

仲有武運。
不是每個戰士的道路都是如此順利的，各有前因莫羨人。沒有運氣時，就得靠拼勁。不管最後的官階如何，至少有努力過。

請尊重感情

當你知道有人喜歡自己，但卻對對方沒有感覺 / 沒想過跟他一起 / 或是有種種原因你不會選擇他時，你會如何處理呢?

這種情況多數發生在一些敏感時期，又可能是無聲無色的。常常聽到 "觀音兵"、"後備情人"、"是但搵個伴"的詞語，個人是不能接受。你憑甚麼當別人是"觀音兵"、"後備情人"、"你個伴"? 就是知道了他對你有著愛意? 你知道甚麼是尊重感情嗎? 你把別人當作後備時，別人卻把你視作唯一，這個一開始已經不平衡的關係，會長久嗎? 會幸福嗎?

"尋找一個對你好的人不難，尋找一個你想對佢好的人很難"。請尊重感情。

-----------------

我鬧緊你呀死仔!!! 唔好扮睇唔出!!!

SQ

都放得低嗎 跟我走好嗎
從頭同面對變化中的曲折
然後和宙宇一起都經過盛衰
如同意 只管說聲 可以嗎

反擊戰

星期五晚，適逢短周，又點會比佢白白渡過呢? 先去同表姐食飯，同時又打電話瀏刮 - 竹戰 @ SPK 有 Joe + J + Woo + Me。一開波就俾人食六番了，大鑊喇，唔通注定我同親和記人打牌都冇運行? 連在SPK 都係咁?

打打下，開始順返。今晚我使出另一絕招 – "返兜" 對付黎生，一鋪返兜南就將佢推向深淵。往後... 詳情唔講喇。總之 "陰險" "奸詐" "惡毒" 就成為了我今晚的代名詞s，都係多得黎生猛出銃俾我啦!! 結果佐敦聯盟今晚大勝，俾完的士錢仲有大把。錢唔係問題，最緊要係啖氣!今晚仲唔攞錢又攞彩?! 哈哈哈!

不管結果如何，次次去SPK 打牌都好開心，可能就係正因為冇壓力 + 放鬆晒 + 喜歡的音樂 + 喜歡的場地，就令我順利 + 得心應手。據非正式統計，在 SPK 係贏多輸少的。

First of June

笑看風雲
在公司悶極時望出窗外，看見: 左起 樂富鐘塔、黃大仙、獅子山、新蒲崗、麗晶、地鐵站。睇風景的同時，我亦愛看雨景。雨雲多數是由西面吹來的，當看見西方的地區正在下大雨，而且正在向這邊過來時，就有著一種壓迫感。受壓迫的同時，我卻身處安全的地方... 可以笑看風雲了。如果我在街上就笑唔出了... "天雨路滑，小心行路，勿亂跑!!"

大得太快
"你既思想果然係 thirty something"
身份證上明明是25歲半...
前晚貪玩的心情更有如17歲...
完全唔 match 的組合，就是如此分裂嗎?

太多喇
S: 你又話休息下?
Y: 差唔多啦
S: 一個星期夠 o拿?
Y: 夠啦
S: 多左添啦! (太多喇你! 又話想抖下?)

靠自己啦
Derek 咁樣走左去，個場真係呢咁HEA，雖然佢唔會再返黎，不過都希望佢快D冇野啦。"你認為靠得住既人，終有一日會因為種種原因而離開你"。幾時都係要靠自己架啦! 求人不如求己嘛!

New Toy

BF2 - 一個第一身射擊的 Online Game，過癮在可以大家同時 online 打，在自己屋企舒舒服服，仲可以用 Team Speaker 對話添。星期二晚，就由 12點幾玩到 3點幾。又真係幾好玩喎，可以吹下水，又可以同 J & 黎生鬥低能… 激死!!

J: Woody 呀，你識唔識揸車架?
S: 黎生，你不如比返我揸啦!
W: 好呀，你揸啦!
然後，人車誌在 Team Speaker中響起…
S: 黎生... 搞咩呀?
W: 你揸車時最鍾意聽人車誌嘛。

J: 啦啦啦啦啦啦啦啦啦啦啦
S: 啦啦啦啦啦啦啦啦啦啦啦
W: ……………
以上是藍精靈的音樂，是藍精靈哼的歌。

----------------------

咁好玩… 大鑊喇! 係咪要買電腦喇?
S: 6千銀喎!
W: 低能仔! 邊個叫你買咁貴? 4千幾就得啦!

S: 其實4千幾就得，不過我想買勁D，要 6千幾!
A: 咁儲多個月咪買咯!
S: 好貴喎。
A: 好玩嘛! 遲早都要 upgrade 架啦!