Ace & Kings

星期六下午與屋企人去了西九海濱長廊 HEA，主要任務係要同阿 B 影下相，呢個活動太后request 左好耐了。影相時，一滴雨都冇，好彩! 星期六下午的悠閒、全家福、阿B、大片草地、無敵維港景緻、此刻無價 infinite!!! 回家後，send 完 D 相俾我家姐，唔洗十分鐘佢就 post 左上網，咁快?

力王要做節、阿蛋身在美國、康哥身在加拿大... D佐敦人散晒喇!!晚飯時間，約了梁生去沙田 Ruby Tuesday。等位、行街、吹水、目標、十成飽、城門河畔的燈光，又係無價。提及 Rader Chart時，有一隻角缺少了。

回程途中，路經史丹福橋球場，就去搵油王遊個車河 + 食個糖水。你睇人好時，往往人地辛苦你唔知。其實油王一D都唔他條，甚至比好多人辛苦 + 壓力大。今晚，短短的十多分鐘的等候時間，我大概可以估計得到油王平時的工作是怎樣的。

取向

身邊的朋友，靚女真係唔少，靚仔就真係寥寥可數。Year 1 的時候，靚仔同學 Cyrus 讀到一半去左做空爺，然後都甚少聯絡了，最多都是在 ICQ 問候一下。兩年後佢話佢o係夏威夷左結婚，仲 send 左D相俾我睇。其實我一早知道他的取向，那一刻絕無奇怪的感覺，還立即恭喜他!

今日，我又知道了一位靚仔的取向。我沒有歧視他，但那一刻真係有D驚訝!

Anyway，我絕對唔會歧視同性戀者，But not for me!

寂寞難耐

寂寞難耐... 寂寞難耐...

Jason To + Sunny Tang + Woody Lai = 寂寞難耐

明明聽日個個都要返工，明明杜生HP 超低，明明我已經返到屋企，明明黎生已經身在回家的巴士上。就因為三顆寂寞心，加上一個 Call for action 的電話... 我地三個又一次踏上羅馬之路。

以前踢波

得知李奧先生守龍門時受傷，問候的同時... 喚醒了我的記憶! 係喎!!! 原來:

Year 1 時，李奧守龍門、Terry 打後衛、Roger 打中場、我打前鋒。因為李奧身高手長、Terry 攔截力強、Roger 技術全面、我跑得快。還記得第一次去灣仔公園踢波，唔知係咪對手弱定係我上左身，竟然入左五球??? 不過就只此一次! 又有一次李奧棄手用足，我見一個十足比亞荷夫的身影殺入禁區，即刻出個波俾佢作高空轟炸，點知落點差了兩呎 (冇計啦，我又唔係碧咸) 個波去左佢肚腩度，搞到佢用頭又唔係用腳又唔係... 最後掠門而過 (兩個低B仔)。 往後一同面對強敵、對D 球技一流既阿叔...這個班底係最開心的。

Year 2時，人腳唔同晒，不過球隊實力大增，Kevin、肥健、Ken、阿春、石仔。 我就打清道夫，入球減少了。不過當時我竟然夠膽落腳剷波!!! (硬地喎) 仲要經常剷中 + 零傷亡。

上次踢波， 唔記得係幾時了。不過我會記得在灣仔公園的片段。

墨斗先生

病壞
勁咳! 乾咳! 特別在晚上的時候，講多兩句野就咳! 已經維持了好幾日! 好辛苦呀! 係咪我平時太多野講，依家唔俾我講咁多野呢?

梁生!!! 你係咪想死呀?
你如日方中得咁開心，同囡囡去行街睇戲時，係咁打o黎搞我、串我、奚落我... 好好玩啦!!! 我就慘喇，黑過墨斗!! 計完數俾D老板睇，明明係佢唔識睇，又話係我計錯。梁生!!! 你係咪想死呀? 我爆你D野俾盈盈知!

返學
在同學仔的教路下，今日搭了一架放工時間先有的特快巴士。九龍灣至金鐘只用了25分鐘，勁! 不經不覺已經返了三個多月。算一算，就只剩五堂，又是說再見的時候了。

你有壓力 我有壓力

"你有壓力 我有壓力"
"未解決 未解決，未揸手即係未解決"
近來成為了城中熱話
- 林海峰扮個阿叔
- 電台訪問四眼仔

巴士阿叔大戰四眼仔，我今日先至睇，原來我都幾 out... 不過真係幾好笑 & 好低能。

---------------------------

你有壓力 我有壓力

你的血書，我的考試
你的油錶，我的 budget
你被迫攞 Credit，我被迫開會
你老細推你去死，我死得不明不白
你話大陸同事癩皮，我話豺狼 Sales正PK
你有家歸不得，我爸媽都不在家
你害怕課程開始，我不想課程完結
你的東岸時間… 努力啦!

You' ll Never Walk Alone!

I Love Wan Chai

即興
唔知 灰 / 黑仔/ 壞心情係 o米會傳染，呢兩日 Sunny Airline 送出了大量 "Shell V 能量無鉛電油" - o係你需要既時候 給予你所需的動力。六個受惠機構，應該已經 feel better。今日在 MSN 即興瀏食飯，咁Q佢地冇個得喎... 正所謂柳暗花明又一村，此時真正飯腳出現，係 Julius跑出!!! Gina! 你遲左喇!

J: 好悶，有咩野搞
S: 食飯?
J: 又得喎!
S: 去大利
J: 正喎
S: 講堅喎
J: 堅

重返
中國的太空人 你回來了 你回來了~~~ 一直未能與 Ju 聯絡，於是踩上舊公司。就係咁，我第一次重返太古坊。Eee? 佢好似走左喎! 此時電話響，不過我叫佢係樓下等我一陣，搗亂下佢地D玩具先、坐下自己個位先、扮交功課俾阿姐先。其實，一個認識的人都沒有... 熟悉同陌生同時發生!

回味
大利清湯腩~~~ 就令我回到摩利臣山。回味清湯腩、回味188、回味我的快樂時代。

-------
- V 能量 + 堅 + 搗亂 + 陌生 + 腩 = 今日
- 好明顯，我愛灣仔多過魚則魚涌好多好多

Redefine

Task 3 - Aborted
之前不斷的 interview 的確對我有幫助，不論對答與信心都增強了。但同時發現 Task 3 並不是我想要的，完全唔係 o個回事。現在要再想想、再找找，去羅馬的道路不是只有一條的。

Task 4 - 80% completed
現在只欠回程日期未能落實，落實了便訂機票，熱切期待中。

Task 5 – Reload
新增的項目亦是今年的 task 1，應該將他命名為 Task 1.2。除了錢以外，就找不到滿足感和快樂。這個又令我回想起跟梁生討論以久的 topic... 就此罷了? 妥協? 屈服? 還是靠自己創造? 不妥協! 不屈服!

"明天是未知的，未知也是最好的，最好的始終會來。" by Edmond Leung
"尊榮以前，必有謙卑" 箴言 15:33

Driving manner

今天的頭條是一宗致命的交通意外。從相片中看到兩車的損毀程度，便可以想像得到當時的車速是多麼的快。

李奧先生話: "Sunny，有時唔係你錯，係人地錯，有好多野係你控制範圍以外。所以你都係唔好去學電單車了，唔係你想像中咁好玩架!" 這一則新聞，的確如此... 咁就唔學啦! 相信將來Sunny Airline 不會有兩個麓的機種出現了。

看看自己，由初時的緊張、驚慌、至穩定下來。後來適應了車的性能 & 駕馭得到 & 開始享受，講得誇張D 已經達至人車合一了。但現在，我總是覺得自己的 Driving manner 不如從前那麼好了。是因為小猛獸的能力令我這樣? 還是心態改變了? 我當然不會醉駕，不會瘋狂地超速，同時亦不會讓頭條的意外發生在自己手中。但... 我想是時候自我評估一下。

--------------

如果你坐過的 Sunny Airline 是令你安心睡覺的話，Thank you!
如果你坐過的 Sunny Airline 是令你心驚膽跳的話，I'm Sorry!
下次請用身體語言替我評估。

4+4 Tasks

Smart ID
先去攞身份證，張相 ok 啦。好彩我臨出門口之前記得影返張相，那可是18歲時的黃金身軀呀! 仲有，下次返香港時，唔洗因為冇智能身份證而排長龍了!

Da Vinci Code
都幾好，冇預期中咁差，可能係我冇睇過小說 la。中段有D悶，但當劇中人物的真正身份一個又一個被揭曉時，的確精彩 & 出人意表。睇完之後，再問下看過小說的朋友... 原來套戲有好多野冇交代。引述阿蛋話: 「達文西密碼」是一虛構故事，並不能以史實看待。

HGC Dinner
再一次去西沙，仲坐返上次張檯添! 不過今次人數由 3變 5，人多D 係開心D! 最後與菁菁 share 了張單，不過有D超出預期。

Study
咁乖仔唔出街玩? Jason 在MSN 問。皆因聽日有重要任務，而且係志在必得的。所以飯後就乖乖地為聽日的 Interview 準備一下。

------------------
Review
回顧 06 wish， 已經完成了 Task 1 & 2 。Task 3 就睇聽日，至於Task 4 已在最後階段，Meet You There!

冇聽書劍法

冇聽書
首次到九龍灣的另一邊搵食。唔知係我冇聽書定係先入為主，明明在MSN 講好左間餐廳叫 "皇后咖哩屋"，我就當在係 "皇后餐廳"。去到見到... Eee 差咁遠既? 先發現原來係自己冇聽書! 同時，發現呢條街有好多野食，唔洗淨係去德福了。 Good! & Thx to Queen Sammie!

劍法
今日再跟進下梁生單野，我就知道咩野叫 "恨死隔離" 同埋 "妒忌"。"如日方中" vs "黑過墨斗" 的理論再一次應驗了。提提你，令狐沖最後係同任盈盈一齊的，而唔係小師妹岳靈珊。下次耍出沖靈劍法時... 睇清楚自己身在思過崖還是封禪台喇!!!

言猶在耳

梁生曾經講過: "我唔會做 D冇回報既投資"。言猶在耳，今日佢就親身向我示範一次。

話說，有一次討論到買生日禮物俾女性朋友:
1. 我既觀點係: 買野送俾人唔係一定要大時大節、生日、有理由、更無分男女，覺得佢會鍾意既，覺得o岩佢既，買!
2. 佢呢? 就講左以上的對白。仲話 "無須要花錢。"

今日，梁生搵我食晏，食完去買耳環俾佢個曖昧朋友。從選耳環時的緊張表情，至買完後面上流露的笑容，我就知道他已經尋回那戀愛前、甜蜜中、但又患得患失+心如鹿撞的感覺。加油呀! 老友!!! 以下是早前收到的一個 FWD email, enjoy la!!!

曖昧是，比好朋友再親一點，但比情人遠一點。

曖昧是，有一點兒兄妹的情誼，但卻不敢以兄妹相稱。大家都暗暗的明白，這段關係不可能簡單如兩兄妹。

曖昧是，你會常常在MSN等他上線。你會設定他一在線時，系統會online alert，你也會把他的名字float on。每當見到他幾天沒有在線，你就會擔心。

曖昧是，你會不時去他的Info看看有沒有更新；而且你會留意字裡行間，他對你有沒有甚麼暗示。

曖昧是有感覺，然而，這種感覺不足以叫你們切切實實的發展一段正式的關係。

曖昧是明白人生有太多的無奈，現實有太多的限制。你知道沒有可能，但又捨不得放手。

曖昧是有進一步的衝動，卻沒有進一步的勇氣。

曖昧是，他不是你的情人，但似乎他比你的情人更關心你和了解你。

曖昧是，你會編一條頸巾送給他，但大家從沒有開始過。

曖昧是，雖然他不是你的情人，但他卻會對你說：「你對我是十分重要的。」

曖昧是，你感冒時有一個會在晚上打電話來，特意提醒你服藥，叫你蓋好被早點睡的普通朋友。

曖昧是，當你遇到問題解決不了的時候，你找不到你的男／女朋友，你第一個便會想起他。

曖昧是，每當他提及他的另一半時，你會萬箭穿心。

曖昧是為了逃避背叛的罪惡感。

曖昧是甜津津又同時酸溜溜的。往往從未開始，己叫人不安，患得患失。

曖昧是，別人以為你們在攪地下情時，你會沾沾自喜。

曖昧是，別人問你們是否在戀愛中，你張口結舌。

曖昧是，常常掙扎表不表白。你怕表白之後，你既得不到一個情人，卻又失去了一個知心好友。

曖昧是，見到他時，你會心跳。見不到他時，你會掛念他。

曖昧是，兩個人都會互相猜度。他是不是已經暗示了甚麼？我是不是自作多情？

曖昧是，每天大家都會聊MSN，間中會互傳手機短訊，無規律地偶然約會。

曖昧是，除了情人節之外，在大時大節和生日，大家都會交換禮物。在外地的時候，你總會記得買手信給他。他有時煮了甚麼甜品，也定會預你一份。

曖昧是，在卡拉OK時，你仍會忍不住去點楊千嬅的「有發生過」。陳奕迅的「兄妹」亦曾在妳心中繞樑三日，久久不能釋懷。

曖昧是，你很想多走一步，但又怕會嚇怕了他。你會很小心流露自己的感情，你忍不著去著緊他，但又怕他知道你著緊。

曖昧是，兩個人沒有承諾過甚麼。雖然如此，你願意付出的，比有承諾的情侶更多。沒有責任，你卻很渴望去承擔，不問回報。

I Love Barce~!

愛曼聯外，亦愛巴塞。今年佢終於登上歐洲之巔，仲要係擊敗我最憎既阿仙奴! 做得好!

從來我都不是跟紅頂白的人，鍾意巴塞係因為有球味、團結、還有那民族性! 一間球會竟然能夠代表整個加泰隆尼亞民族，我想當今世上都沒有另一球會可以做到。

1998 年歐聯8強戰，當時巴塞首回合作客車路士輸1:3，換言之佢地返到主場要起碼贏2:0 以上才可晉級。上半場24分鐘，當比數是2:0時，全場球迷立即高舉紙牌，砌出2:0 的字樣... 那個鏡頭，就深深吸引著我。

往後幾年，受盡皇馬的欺壓、黃金中場線星散、四大皆空，都無損我對巴塞的支持。今日... 佢終於登頂了!

Renew Contract = PSP

因: 續約

話說我個 netvigator合約到期，另外個 now broadband TV 一年都唔睇一次，於是就打上 hotline 續約。其實我依家個 plan 加埋個 ESPN，一D都唔平。計計下每個月俾多12蚊，就有6Mb、PSP、免費的演唱會飛 (郭富城 + 何韻詩... 點解冇Eason 既?)。

果: PSP

早排，Mr. Leung 同 Mr. Ho猛叫我買NDS，話可以連線對打，佢兩個仲即席示範一次添;
一直，Miss. Chan 都為 NDS 瘋狂，有時甚至連覺都唔訓，屢勸不改;
上月，Mr. To 買左部新版 NDS 俾女友... 又話冇錢?

我呢? 我一直都冇諗過買呢類手提遊戲機，因為我唔係好迷，仲要望住丁咁 die 個 mon 仔添。就算係買，都排到好後，有排都未輪到買佢。之前見過一編文章 “買 NDS好定買 PSP好?” 依家，選擇左喇... 不過有D人在江湖，身不由己 feel。

母親節

能變成李英愛 能變邊個人也相親相愛　
飄過了大海　願風風雨雨都可以避開
你還要戀愛　我還記得愛兒女所愛
早習慣看開　你易容還是可愛
最重要心記得要開　來競技角力賽
最終不管輸贏都　一般可愛

最重要心記得要開　來競技角力賽
最終不管輸贏都　一般可愛

-------------------
每一個母親都是人的女兒
今日身為人母，正因為她已經大個女了
在母親的眼中，自己的女兒永遠都是長不大
母親節時，把自己代入角色去感受一下
再看一看眼前的母親們...
就想起 "大個女"了

060513

Radar
日久見人心，經過兩個月後，已分清楚公司裡的敵友。唔出聲，唔代表我咩野都唔知。當我唔出聲時，我已經將你由頭到尾 Scan 在幾百次。小心喇!!

Saxophone
Julius 打來，1230 在德福吹喇叭。梗係要撐一撐佢啦! 見到佢D師兄弟姐妹，我唔識玩，不過識聽既。Julius 絕對是資深的一員，用氣、高低音、節奏快慢都控制得較好。勁!!!

Gundam movie
唔... 好悶呀，又唔跟原著，故事交代得亂，戰鬥場面太少。不過下集都會睇，情意結?

Cross x 8
睇完戲搵 J 食飯，在槍街遇上Joe & 星。等緊 J 的同時，HQ 打來搵飯腳，再加埋珍妮 & 貓... 數數下，今晚搵張大檯食飯先得喇! 之前完全冇諗過有咁多人食飯的。

Catch Me If You Can
打機時黎生提出: "我一個打你兩個"。我同偉哥叫佢唔好傻，又話怕佢喊。點知佢仍然堅持要試一試，後生仔有志氣係好事，不過逞強就唔值得鼓勵。由於李奧去左旅行，今晚就只剩我倆。期間，偉哥說: "好耐冇人逼我用Assault 了" 我就回應一句: "唔好搶旗，殺晒佢地!"。結果林雪同黃秋生就採用了最殘忍的取勝方法 - 把敵軍全部殺光。睇少我地? 一打二? 就憑你? 簡直係自尋死路! 下次唔好了!

Café
打完機，J 佢地都睇完戲了，HQ 又打完牌了，飯腳們就在一間 café 重聚。呢幾年多左好多Café，都幾好既，因為唔係個個都飲酒。

仲廿歲仔咩? o徙氣!

星期一晚，公司搞籃球比賽，Dept 對 Dept。話說 Mkt team 男女比例係2 : 8，搞到D 四五十歲既男士、唔識打波既都要出埋黎。情況有D似魔戒第二集死守聖盔谷咁，我理所當然地被徵召了。

在40's 50's陣中，隊友們 pass back, double, traveling全部出齊，我就突然變成了阿拉岡: 1. 仲有D氣 2. 識打。不過依家唔係拍魔戒，沒有甘道夫領軍拯救，面對人多勢眾的 CS & Sales強獸人軍團，唔輸就有鬼咯! 不過有得玩、識下人ok la!

賽後，莫氣呀! 成身散晒呀! 以前在烈日下狂打兩三個鐘都面不改容，依家只係打左唔夠一個鐘已經...容許我唱返段男子組:

小球場一班耆英跑全場死捱
筲箕灣施丹大坑碧咸狂打柴
踢兩野個個斷氣個個煙癮大
老友記老過魯爾對腳應切去賣

呢班波當打時期攞小型球金牌
呢場全挽鞋 大啖白泡嘔得快
口水都乾埋 踩波車拗柴
乜筋都抽過晒佢淨係打winning快

-----------------
如果講打籃球，最好玩的時代就是中四中五的年代。幾乎每星期六都會: 去宋皇台個場、望住D 飛機降落、輸左個隊去買水、扮三井射三分、打完去九龍城間麥記、龍珠商場 etc... 數一數，原來差不多是十年前了!

與Tong 同學產生共鳴

Tong 同學，米理佢啦! 佢今次留你，咁下次你再話走，佢又再留你，再下次又留… 咁你點呀?

感情牌? 米玩啦! 依家係做野呀，唔講金唔通講心咩? 就算唔係向錢看，咁你又甘唔甘心幾個月後又做返同樣既野先?

時間無多喇，唔好諗咁耐喇! No matter what's your choice, I'LL ALWAYS SUPPORT YOU!!!

與李奧同行

猶疑 + 冇信心唔止係李奧:

從前
我在直升機上，手持火神炮向地面目標掃射，無論位置同火力都佔盡優勢。

今日
風高浪急，我係隻船上面，得返一粒子彈，目標係AH64的機師頭部。我怕打出去之後，打唔中的話，就等如再無還擊之力，任由對方用導彈將隻船炸毀。

Make It Happen step 2

在星期六的早上 Target 出現!

1. 終於再見到個 Post，時間無多了! 無論如何都要試一次。
2. 個 application 終於有反應了! I'm waiting for the interview!

---------------
天蠍座的人一旦有了目標，他一定會不達目的心不死，永不退縮的。

RIP SPK XOVER

RIP
是日短周，好彩係短周! 如果唔係就叫卡窿... 1200左右，HQ 打來瀏 lunch，今次幫唔到你了，因為有 defaulted 的節目 – 同屋企人飲茶，今次又見到阿肥B! 佢瘦返少少咁，定係暫時大定左? 飲完返屋企執相 + 小HEA。到咁上下，阿 J 打來: "Hey! Let' s have a quick 4!"

SPK
如是者，就往 SPK 出發，來一個快o既四圈。今次小敗而回，雖然係輸，不過我已經滿足晒! 因為我又一次使出趕糊絕技，仲截左星哥一鋪糊添。打打下，阿皓同阿Play 帶左班 fd 上來打 Winning 10，SPK 好耐好耐冇試過咁多人了!! 回想起來，舊年的 7至 9 月係人流最多的時候，每次上去都總有6至8 人。打機又得、打牌又得、玩槍又得、玩大翁都得。SPK 的租約將於 9月完結，有得玩好玩了!

Xover
四圈過後，say bye 後，就同了油王 + 阿樂去創發食飯。今晚係參與 crossover，阿油王話我同阿樂好似，一定要介紹俾我識。傾傾下，又真係好似喎，好多話題既想法都一樣，應該早幾年就要介紹我識啦! 飯後，陪同油王去巡視業務，HQ 又打來了，叫我去接佢... 我又一次 say can't help 了 (1. 米玩啦阿姐! 2. 我知佢唔係掛住JB，佢係掛住我!!!) 。返正題，送完阿樂返屋企與油王回程時... 突然覺得中七的日子，就好似尋日o既事，眼見佢開始有了自己的事業、準備結婚、他的小猛獸... 心裡有一種說不出的感覺，anyway 恭喜你!

-------------
J: 你食飯食 7 點，仲有時間，快D黎啦!
S: 今日又見到你班友仔呀下!
J: 我地冇幾多個朋友架喇!
S: ............

其實，朋友唔係冇，傾得計的亦多的是。只係每個人有不同的模式，要改變個 defaulted mode... 冇搵開佢、冇一齊去開玩，又的確難D。所以個人認為 Crossover 係冇錯的。

彿誕假期

BQ
目的地係三星灣麻籃笏，登陸時，有隻狗在碼頭接船，咁有靈性? 西貢即係西貢，空氣係好D，水係清D! 那是阿Joe 屋企人租來存放獨木舟的地方。夏天時，就會在租俾人玩。其實我對玩獨木舟都有D興趣，不過硬係好驚反艇後唔識反身，然後就多我一隻水鬼...

呢個地區都幾特別，只有幾幢村屋，有船冇車，有碼頭冇車位。如果住係度都幾好同時都幾大鑊! 好就好在真係好舒服，山明水秀、空氣清新。不過... 每朝起身返工，搭船轉車再轉車，你都米話唔煩! 八號風球時，點返屋企呢? 玩夜左冇船返去，自己揸嗎? 如果買部 Plasma 點搬呀? 我諗我都係搵間有車位、近近地的村屋好了。

講返是次活動，大致上都係咁啦，燒野食唔係志在食，係志在 HEA with friends or relative，今日 achieved the objective la! 不過當我地班男仔在講槍時， 阿貓就悶左D。1900 開船回航 。

SQ
Report 到了，係陽性反應!

別矣! 菁菁~

以後，打2410 再唔係佢接了，唯有打手提啦!

祝你有個好開始，空降成功!

紅雨奇遇

喜訊+利口
首先要恭喜阿Paul達者為先，08年嘛! 做硬你兄弟 + 柴可夫啦! 為他高興的同時，被利口所傷，血流如柱，短期內無法復元...

撘訕
1989年的暑假，一個在巴士站的撘訕，就改變了我的一生! 如果當日冇同佢撘訕，我就會錯過了一個呢一世都搵唔返o既好朋友–Edmond Leung。Lunch time去食 super sandwich，等左好耐!! 突然有位小姐問個 staff 等食物係o米都要排隊，又問我係o米排緊隊... 然後因為一部 Dopod引來話題，呢餐就無啦啦有飯腳 & 識多左個人。

遮埋
回家路上，行到隧道口有個小朋友問: "哥哥，可唔可以遮埋我?" 都十一點幾啦，小朋友應該返晒屋企，點解... (睇得鬼片多?) 不過，佢係叫我哥哥，唔係叔叔! 梗係遮啦，唔通見死不救咩? 況且邊有咁多鬼!!! 遮完佢，佢請左粒糖俾我食... (食左先返屋企?)。

路不拾遺
行前廿步，執到個電話，LG 的3G摺機 (完全唔知咩野型號 & 完全冇興趣去貪)。打開，有張女仔相做wallpaper... thinking point 1 (呢部機的機主應該係男仔掛)。嘗試聯絡機主的朋友，call list 有個叫老公... thinking point 2 (機主應該係女仔，仲有D自戀) 。打去，阿老公係一把女聲，謎團解開了!!! 最後俾返部電話人。

擲公字
原來擲公字，除左公同字之外，仲有一個可能性的! 就係個銀仔棟篤企!!! 返到屋企烏低身除鞋時，一個五蚊銀從衫袋 SIR 出來，一路 LUK一路 LUK，LUK 到停低依然屹立不倒。

First of May

今日冇玩 crossover 了。

一早起身望見陽光普照，即時想有D戶外活動。朋友們的 Schedule 都知得七七八八，邊個去左邊、邊個要返工、邊個俾人夾住... etc 。

尋晚玩得夜，認承左 Gina 打俾佢冇做到，打返俾佢。原本諗住咁好天叫佢去 GDC HEA，點知佢竟然係在返工途中! 要同 D鬼佬開會。講講下，Eee! 有好野喎! 今晚有兩個靚女陪我喎!

1845 接Gina @ SPK，下午就在屋企HEA。1. 看了 "做人要有心機" 這本書。2. 聽完了藤田惠美隻碟。3. 我終於可以 R.I.P 了!

接完 Gina 再接 Tong 同學，再等埋即興加入的李奧... 我地又一次往GDC 出發。這段路，近來揸左好多次，開始熟路了!

席上，李奧先生的五星級目標、Gina 的精闢理論、Tong 同學的半年計劃 + 辣到PK 的咖哩 = Sunny Tang 把口停晒，今晚負責聽!

2200，回航。

Connecting People 2

再一次 Connecting People，今日的 formula 是 (Leo x Woody x Julius)。

好耐冇訓十個鐘以上，星期日起身已是1437。李奧今日放假，雖然之前冇約定，不過好似早已 reserved 咁。再 call 黎生，今晚食飯咯!。搞搞下… 既然係去灣仔+老銅，叫埋 Julius 啦!

制服誘惑?
約好之後，就叫 Jason 落樓下食Tea。搞咩呀? 去打 wargame 咩? 我地竟然著埋同一款衫: "United States Navy Seal"

意大利戰場
食飯係約2045，之前... 去打機咯! 尋晚去越南打扙，今日去意大利，三條友又玩了兩個鐘。

石崗咖哩餐廳
戰鬥完畢，就去了 MH附近開餐，MH一帶住了好多印巴藉人士，仲有間清真寺添。席上 Julius 同李奧兩個一見如故、一拍即合，當口水佬遇上口水佬...

Blue
飯後，意猶未盡，四條友去了耀華街李奧個 fd間 bar 度。遠眺跑馬地的夜景、酒、HEA、吹水... 正喎!! 不過，望見案發現場時... Speechless!