Connecting People

將在不同地方相識的朋友集合，日子久了，就會慢慢組成一個 Group，這是 Jason 的絕技。我同阿Mor 、阿星、阿Joe就係咁而 friend 左的。今日的 formula 是 (Elyse x Woody) + (Woody x Jason)。

星期六，先與 Elyse lunch + HEA+ 睇冰河世紀2 。睇完後，因為要等黎生，途中加插返屋企晾衫 & 再HEA。原定1900 的 departure time 由於又有人遲到，delay 了12分鐘... 到達GDC 後，又去返上次間泰國野。期間，黎生好怕醜... 見到靚女怕醜? 定係驚佢會食左你?

食到一半，原定的計劃改變了，本來一路向北的航線，改為向南... 因為1. E 聽日有job接，2. 李奧先生瀏砌。點知... 最後出現的唔係 L，係 J!!! 佢打黎話聽日個K canceled，我就即刻反瀏砌。結果 J & W & Me 就在越南的戰場上玩左3個鐘了。

即興s

星期五，發生了3件意料之外的事情:

1. 1700太后打來: "阿仔，你老豆今晚11點機，我就約左人食飯，今晚自己搞掂啦。"(原本打算同佢地食個晚飯，因為佢地五一假期又會返大陸。)
2. 1845 Julius 打來: "Sunny! 今晚我去TST吹喇叭，之後有咩野搞?" (Eee? 好喎! 一齊食飯啦!)
3. 1850 阿GM 話有個task 要趕，原本打算閃的我就留守至2020。

落到樓下，頂! 又凍又餓又落大雨... 拿拿聲跑去地鐵站! 到了TST 與 Julius 匯合&開飯時已經是2100了。不過呢餐... 好味又好 feel! Good!

完全冇諗過今日會
1. 又做到 after 8 (明明個 program 出左啦!)
2. 同 Julius 撐檯腳 (佢D鬚根... 殺人於無形! hahaha~ )

emi fujita

她不是天后級數，外貌亦稱不上美艷動人，喜歡的是她的歌聲!

第一次聽藤田惠美的歌是中五的暑假，歌名是 "溫暖的詩句"，那是同一屋簷下2 的插曲。有一天聽過之後，好好聽!!! 但忘記了歌名、歌手、由來，當年無法在網上 search or download，所以一直都搵唔返呢隻歌。直到有一晚聽住收音機睡覺，就在意識糢糊、半夢半醒之間再一次聽到這首歌…好好聽 again! 第二日去HMV 搵，終於俾我搵到了。

日前經過唱片舖，大大張 poster 寫住5月11日在會展有concert。先唔理最後買唔買到飛 or 得唔得閒去，Poster 上 promote 隻CD 就買左了。日本人唱英文歌… 怪? 唔怪! 因為一D都聽唔出。

AUS DTL trip

AUS DTL trip

去，絕對是一段奇妙的旅程。
唔去，就再讀書，找一副更強的盔甲。

梁生: 5月4號前俾個最後答案你!
李奧: 如果唔去，我會學電單車，遲D可以同你走返轉喎!

Frodo

How do you pick up the threads of an old life? How do you go on? When in your heart you begin to understand, there is no going back. There are some things that time cannot mend, some hurts that go too deep, that have taken hold.

Operation In the Dark

星期六，0809俾人嘈醒，仲係在夢內好連貫地被嘈醒! 其實我一早已經醒了。話說今晚有戰事，1830 在元朗千色廣場集合。 夢內 1808 仲係屋企，電話響打黎催我了，一拎起... 竟然係黎生把聲! 算啦，橫掂今日要早起身影身份證 & 已經醒左，吹左陣水，再訓返! 返工啦你 Mr. Lai!

尋晚嘗試獨力為康哥支A5 做手術，在欠缺杜醫生同陳護士的支援下，搞唔掂喎! 最後放棄手術，聽了毒販匿藏的故仔 (真係驚心動魄、後尾枕涼一涼、Feel like Enemy at The Gate)。結果今晚要拎阿 J 支A4 去... 好Q長呀! 買APS 或 M14 的念頭再一次被打消。下午為 Jennifer 裝上夜間作戰裝備時，發覺我當初選擇佢係完全冇錯! I love Jennifer!

夜 Game 在化淡廠玩過一次，完全唔好玩，又驚打打下見到日軍。今次仲悶，打玩之後我宣佈在夜 Game退役。打 war game 好玩與否好取決於對手，我地最憎遇到D鍾意捕唔鍾意衝的人。95% 的時間去捕，真正打的就只有5%，守株待兔... 無聊!!! 仲有，究竟佢地係用電筒打war game 定係用槍? 佢地以強光照人為樂... 子彈唔到，光到就得!? optical night? 我用 laser 瞄準佢時又唔見好開心姐... 真係好Q 無聊!

在戰場上無聊到極時，抬頭一看... 流星!!! 立即許願! 這個算是今晚的最大收穫了!!

小猛獸又改寫了紀錄，回航時間為 0415。同 J 食埋個早餐，返屋企訓得已是 0500，雀仔又叫了。

--------------------
To:
Mr. Lai: 我第時 5 days work 你仲唔死?
康哥: 你支 A5... 我同杜醫生會盡法搶救!
Jennifer: 若果不可相約在和平地方 也與妳暢遊戰地
J: 你的理論... 十個勁! 如夢初醒! 贏了 HQ & SJ

Blamed by HQ

You are right. But I have no idea for changing the current situation. Or I’m not dare to make it happen, or too timid to try, or self-abased, or still cannot recover… don’t know. Anyway, thanks! My super HQ!

Easter Day 4 – Big Dog

Edmond 邀請我到錦田的狗場參觀。嘩! 大開眼界 & 膽量訓練呀!! 大量大型的狗隻...

怯嗎? 小小啦!
有得驚嗎? 冇!!
咁點呢? 既來之則安之，go go go!!!

膽粗粗1 同一隻拳師狗 (Magic) 做 Training、
膽粗粗2 同一隻大狼狗 (Caesar) 沖涼 + 吹毛 、
膽粗粗3 同另一隻拳師狗 (小小，Magic 個妹) 玩。佢平時好乖，點知一玩就好癲! 跳到成個人咁高，仲好Q大力添!

好玩、好攰，不過好輕鬆。咁大個仔，今日全部都係第一次。

Easter Day 3 – 被放飛機 + 苦戰

原本話要去石澳、要燒野食的菁姐，臨去之前單方面取消了這次約會。留下 Woody, Julius, Win & Me 四個無聊 & 被放的人。唯有搵D野搞啦，4個人開檯就最fit。

又一次主場出擊，又一次慘敗。我真係唔明，自問技術都唔算好差，點解次次同佢地打都冇運行，在 SPK 的靈光完全冇晒! 就算我看穿了別人的牌路，甚至知道佢叫咩... 我係守得住，不過偏偏就攻唔入! 守守下，輸多幾舖自摸，勢都冇埋。

算啦，其實係志在有人陪你玩 & 陪你 HEA 姐。打完，就去左食日本野。飯後，就結束了今次被放之旅。

Easter Day 2 – Alive + 復活蛋 + 自強 + 雀仔叫

尋晚訓得唔好，(VP & O/S task) HP好低。不過攰還攰，玩係唔可以停的。下午去了睇戲 – "四大天王" 係講吳彥祖點樣搞佢隊 Band – "Alive"。呢套戲，笑中有淚，四個馬蘭奴，做得好正。

飯後，Sunny Airline 變成轟炸機，先向目標 1 投下照明蛋 + 空中加油 (碗芝麻糊)。再向 SPK 出發，轟炸目標2 係佢地個銀包! 上星期日的組合 J & Joe & Mor & Me 又一次交鋒。今次Mor 嫂 - Penny 都黎左，不過冇參與戰事，只係在阿Mor 身後默默支持。(So Sweet)

嘩! 慘喇!大鑊喇! 又俾人屠殺喇!!! 阿Mor 今次有老婆支持，向我地三個發動反擊戰! 上次佢一個輸晒，今次佢一個贏晒，仲係大勝。埋單我只係輸$13，但係如果我唔係逆境自強 + 間中出下絕招... 肯定大敗而回。 (哈!! 單吊絕章三筒都俾我摸到，有D運仔) $13蚊玩成晚，抵呀!

你班友仔，輸少D唔好咩? 仲上數? 好夜喇!!! 算啦... 最後回航時間係04:08， 破了舊紀錄 - 03:30。在停車場行返屋企途中... 雀仔叫了!

Easter Day 1 – 即興 + 遠征

原定與 IVE 軍團的聚會，由於只有三人得閒，最後取消了。諗諗下都唔係辦法喎，成日溜溜長點算呢? 即興打俾黎生，兩個人HEA 總好過一個人HEA 啦。就係咁，小猛獸又一次出動了，目的地係富泰 (好遠呀) 。

HEA 還HEA，都要有D野搞架! 兩條友就齊上網打BF2。慘喇!! Captain John Miller 完全係俾人屠殺，打到冇晒癮。

打打下又一次即興打俾菁姐叫佢食飯，諗住條友懶到飛起，一定唔會出黎... 點知佢又ok 喎。去完彩虹接佢之後，就往西沙出發，又食泰國野。一去到坐低，我又講一句 "此刻無價" (好悶呀)。埋單一人一舊水，算平了!

R. I. P -30%

以為復活節假期可以好好地抖下。點知星期五晚 (03:00) 訓著冇幾耐就發夢見到阿VP 同埋D outstanding task... 嚇醒左啦!

第二朝 (08:00) 要開門俾鍾點，在返訓失敗之下，最後(11:00) 就起在身。HP less than 要返工的日子。R. I. P 任務失敗。

Sunny Tang!!! 你好大壓力呀!! 點算呀?

R. I. P 100%

放工已經是9點幾，落到樓下... 落左閘了。放假前夕應該是去玩的，點解我仲o係度架? 唔明， 不過算啦! 就帶著疲累的身軀與心情離開。突然，想睇下Adrian!! 於是就上左我家姐度HEA。肥B、紅酒、露台、夜景、塔羅牌... etc

另外，又攞左隻CD 返屋企聽 - 純音樂 by 西村由紀江。Who's 西村由紀江? "傷信"的原作者lor~

聽到一半，噢!! 到了約定的時間，after the long talk, sleep very well!

今晚，完全係R. I. P!!

小猛獸

改名係有原因既。咁點解小猛獸叫小猛獸呢? 主要係因為她的馬力，她總是在我須要既時候給予我充沛的力量。

例如要上斜、爬頭、搶線、避開D貨櫃車、離開危險區域等等。3.0V6 212phs 已經是綽綽有餘! 而且兇猛只是在 on demand 的情況下出現。馬力算不上澎湃，但比小車強勁。比上不足，比下有餘，小猛獸呢個名冇改錯啦!

舉D實例可能大家會明D:
1. BMW 545 – 4.5V8 325phs，係就係好勁，不過有時會感覺到不受控制。
2. Corolla – 1.5 DOHC 106phs，以上小猛獸做得到的，佢要好辛苦先至做到。

能夠做到小猛獸一樣 - 比上不足，比下有餘... 仲要追求D咩野呢?

祝福你們

上星期收到一個壞消息後，另外一個就隨之而來，今晚又再有一個了!!! 短短幾日就有三個cases。發生咩野事? 點解咁多朋友的親人有事架?

唔洗 case study 了，單憑你們的語氣就知道你地有幾擔心、有幾無助... 如果集齊七粒龍珠可以達成三個願望，我會叫神龍讓你們的親人回復健康!

Be Strong! & Hope you'll be better every next day.

To my 3 dearest sisters

For the 3 stories... Thank you for share with me and listen to me. I treasure up your advise and comment, it's truth from my heart.

鐵甲軍團 VS 浪漫騎士

首先講下這個 subject 的由來。係一個足球評述員的一篇專欄，談到車路士如何成為一支鐵甲軍團。得到積分、贏了錦標，卻沒有球迷，更沒有球味。又提及了華朗、基斯普這些踢法優雅的浪漫騎士為何無法在鐵甲軍團立足，但到了意甲卻十分成功。

生活很刻板，每日營營役役，眼睛看得最多的是個 Mon、手觸摸得最多得是 Keyboard 同 Mouse (包括我打呢個 post)、腦海裡想得最多的是如何完成一D所謂既 outstanding task、耳朵聽得最多的就是 "呢個做唔到喎" "呢個冇咁快得"。除了出糧的一日係開心D之外，其餘的29日都是如此這般 如此這般... 開始厭惡了身為鐵甲軍團的一份子。在工作上要尋找快樂和滿足感是如此困難的嗎?

眼前有一個機會可以解下鐵甲，成為騎士。其實兩者都有 Pros & Cons... 這幾天，就是不停地想著想著。

出絕招

唔知點解，次次同 J & Joe打牌時，總是可以使出必殺技 – 無花自摸平糊。食得出時，那成功感總是比食清一色更強勁... 僥倖心態嗎?

星期日的晚上，先去MK食印度野，然後到了SPK打牌。打到23:55，個人好似散散地咁。最後，的士聯盟再一次獲勝。勝負唔重要，最緊要有人陪你玩成晚，話之佢聽朝返9點啦~~~!

Thai Simulation

星期六的下午， IVE 軍團先到 101 總部 (即係我屋企) 集合。由於時間完全唔夾的關係，各人到達的時間分別為: 大家姐 (15:50)、李奧 (16:40)、Tong (18:20) 、Stephen & Connie (20:00)。集合時間竟長達4小時!

原來，諗食咩野係一項非常艱鉅的任務。又一城、九龍城、尖沙咀、旺角、太子，因種種原因全數落選。由於大家要見一見小猛獸 & 為左令大家姐可以早D返去... 終於有了定案 (用左半個鐘)。

決定了地點 + 人齊後，我們便乘搭 Sunny Airline 往黃金海岸出發。當經過汀九橋時，漆黑的夜空與燦爛的燈光互相輝映，Sunny & Friends + 小猛獸 = 此刻無價 (part 1)

到達了黃金海岸，從停車場的樓梯走上地面時... 嘩! 好靚!! 雖然唔係未黎過，不過 D 屋、燈飾、椰樹、噴水池... 好似唔o係香港咁。此刻無價 (part 2)

然後去了 Thai food，當時的食物、環境、氣氛就好似身在泰國一樣，充滿渡假 feel，此刻無價 (part 3)。大家又談到不如一齊去旅行，o黎一個真既 Thai Trip。又好喎，我去!

臨尾，去了麥記食雪糕。就在Stephen 整污糟晒張檯之後，我們完成了今次的模擬泰國之旅。

--------------
Stephen: 你真係超級論盡呀!!! 你睇 Connie 對你幾好，你身在福中喇! 好好地對人喇~!
李奧先生: Navy Seal 架船真係好快，如果唔係你，我真係驚我會俾大家姐......
大家姐: 講下笑姐，你要101 支援，點會唔撐你呢?
Tong 同學: 你... 冇見一排，把口勁左喎!

無常

星期五的中午，再一次與 Chris & Yoko 食飯，今次到了 apm 的 Roma Roma。雖然趕趕地，不過Feel So Good。返到公司，阿老細突然話聽日D野 delay 左，唔洗趕。其實我一早準備好晒，趁此時候交埋功課... 即係代表我呢個下午會好輕鬆。嘩!! 正!!!

帶著輕鬆的心情返埋位，坐低冇幾耐，收到一位好友的消息 - 親人患了絕症。原本的 good feel 立即 180 度轉向... 冇晒心機。看出窗外，今早仍是明朗的天色，為何變成了灰灰濛濛? 玻璃窗上還沾滿了雨點、D冷氣突然好凍、間房突然很靜...

其實不難理解這位朋友的心情，只要你將自己代入其中，來一個 case study，便能感受、便能明白。

生命無常是已知的事實，但當你親身面對時又會是另一回事。數年來經歷了兩次之後，雖談不上睇化，但至少學懂了珍惜。

在此祝願你和你的家人能夠 勇敢堅強地面對、把握剩餘的時間、盡快從傷痛中走出來。Hope you'll be better every next day!

再遇小小猛獸

首先解釋清楚: 小小猛獸與小猛獸是不同的

小小猛獸
汽缸容量: 3000cc
馬力: 186 phs
顏色: 棗紅色
出廠年份: 1996
型號: Camry

小猛獸
汽缸容量: 3000cc
馬力: 212 phs
顏色: 深藍色
出廠年份: 2004
型號: ES300

星期五晚駕車從樂富去土瓜灣，經過聯合道時看見前面那車的車牌...是妳了!!

時空交錯嗎? 真的是緣份嗎? 兩代的妳，就在今晚、就在這裡相遇!!! 看看我的小小猛獸，大致上原好無缺、右後方的傷痕仍在、那棗紅色的衣裳依然美豔動人! 再看看那車內的人，一家三口，父母 + 一個幾歲的小朋友 = 幸福。見到妳有了好歸宿，真的為妳高興，祝妳幸福快樂。

就在聯合道的盡頭，一個轉左，另一個轉右。再見了!! 往後，一邊開車，一邊浮現了不少以往的片段: 第一次駕駛、第一次泊停車場、第一次去機場、第一次入石澳、第一次自己一個開車、第一次載住老友去玩、第一次飛車 etc。 原來我與她經歷了這麼多、原來成長路上一直有她!


回到停車場，泊好車後，再看一看小猛獸: 優雅的外型、亮麗的雙眸、大方的深藍色衣裳、雄渾的馬力、先進的電子糸統、安全的設備... 全部都是我在此刻真真正正擁有的! 雖然妳車身長泊位難、車身重起步慢... 但我明白缺點係一定都有的。立即對她說一句: I Love You!

----------------------

給小小猛獸 :
就算你壯闊胸膛 不敵天氣
兩鬢班白 都可認得你

給小猛獸:
沒仰天觀星 看星宿日記
無問獅子雙魚　前面有沒有驚喜
一早知　幾多風吹雨飛
活著也很快樂自尋到你

重大的挫敗

無啦啦與老友講起: 咁大個人 經歷過什麼重大的挫敗呢?

有! 有三次!
頭兩次 - 憑運氣、時間、或是船到橋頭自然直... 總算捱過了。
第三次 - 憑著自己的努力，扭轉敗局，跌倒後立即爬起來。

第四次，即將出現了，甚至已經是近在咫尺。如何處理呢?
唔想有第五次了，因為夠、因為怕、因為?

The Present

星期日的下午，從老豆的手上接過了一本書，書名是: "禮物" "The Present"。是 Spencer Johnson 私作品，即 "誰搬走了我的乳酪" "Who Moved My Cheese" 的作者。

可以用三個 points去總括書中的意思:
1. 把握現在
2. 向過去學習
3. 著手創造將來

看完
1. 又真係feel better 喎。
2. 不得不驚嘆老豆的功力。
3. 明天就開始試下apply 落去自己的工作與生活中，睇下有咩得著。

Drunk & Play

上半場 - Drunk
原本打算去阿姐的家BBQ 的，不過見佢諸多理由，又話驚落雨、又話間屋裝修緊... 明顯唔係好想我地去! 明 & 費事篤爆啦。最後去了 Yorkie 的家作客。

1. 不同年代的 under 同一個 department 的同事，就在今天來一次聚會。雖然唔齊人，不過全部都是傾得到、玩得埋的。

2. 小平明明係約左人食飯的、明明係冇時間的，不過佢都成為左今次活動的特別嘉賓。會唔會係因為我講左句: "快D黎啦! 的士錢我俾" 呢? 佢以前成日話: "Sunny Tang 講野信三成好喇"。今日，我又再一次昆左佢。

3. 好耐冇同陳小黑傾計了。如果Chris 是大師兄，那麼小黑就是二師兄。

4. 酒後... 阿姐、小黑同我明顯係 high 左，不過...正喎。


下半場 - Play
當知道改了地點，就知道今晚唔會玩得夜，又唔洗開車，仲唔吹雞打機咩? 不過，帶住D 酒意去打機...怪怪地咁!!

1. 黎生的技術超勁，特別是空戰。圍內已經是皇牌機師的我，在空中與他對敵時，竟然是如此渺小!

2. 5 人小組打 Black Hawk 場景時... 嘩!!! 我地完全係將 Definition of Teamwork 演繹一次。

3. 散場已經是 03:00 了，HP = 0 & 思考唔到。

HKBU + Thai food + Holiday Inn

HKBU
離開 HGC 後，再一次與Alice 發動聯合行動:

日期: 2006年3月31日
時間: 19:30
地點: 浸會大學
任務: 夾Woody 去報名，佢再次讀書了!!!

黎生，俾心機喇。

Thai food
任務完成後，係時候醫肚了。去了九龍城食泰國野，原來我同黎生對食辣野都係麻麻地的。

Holiday Inn
尾場，有見意猶未盡，就即興地叫左Julius 去飲野。男子組講左好多平時冇講既野... good!

Time to Destination

假如知道了生命的終點時，你會?

我會:
1. 探望很久沒有見面的親人。
2. 拜祭已經離開的親友。
3. 約很久沒有見面的朋友食飯。
4. 辭職，恢復自由身。
5. 在屋企 HEA返兩個禮拜。
6. 去D 以前去過，又想再去一次的地方。
7. 再狂玩: 大型的 BF1942、Party、九章照搏牌、三號風球去衝浪、機動遊戲、飛車... etc。
8. 俾一筆錢老友，等佢達成心願。
9. 加大保額，寫清楚受益人。
10. 向喜歡的人說我愛你。
11. 向身邊的人再說一次我愛你。
12. World Trip，先去LA。