Reinforcement part 2

1. 飯腳
在附近 (九龍灣、牛頭角、觀塘)朋友已經組成午餐聯盟，再加埋Mr. Tang & 新尼, 5日的飯腳組軍完成。

2. GMs
開始對類似 GM的物體冇咩感覺。會照開， task照 commit，我都係做野之嘛，話之佢啦。仲有，GM廿樓跌落街係米唔洗死先? 唔係架嘛! 呢度冇家長式 & 階級觀念，ok la。

3. 外援
得閒打下黎睇下我死得未啦。水...係要吹的。
來自遠方的一段對話或一段文字... 已經好足夠。

------------
李奧先生: 我知你等緊我BF2。唔止你，Jason + Terry + Woody 都等緊我。你地等多陣啦! Captain John Miller 好快會將你地連成一線架喇!

J for Jennifer

話說，有一次打wargame, 我地班無聊仔互相替別人的槍改名。我的MP5-J，其實人地真槍叫 MP5-Japan，係日本警方用的。由於有個J 字... 就叫 Jennifer 啦!

每次，當見到有人叫Jennifer 時，就不其然想起支槍同埋班無聊仔!!

R. I. P. part 2

繼續享受和平的日子

今朝，Adrian o黎左。原因係家姐 & 姐夫去左旅行，太后話要湊返一日過下癮。佢... 好肥呀!!! 骨又粗，面又圓... 如果好多人的理想是生個肥肥白白既BB，咁我家姐 & 姐夫已經 achieved 了。佢... 開始曳了、開始識扭計。不過... "你易容還是可愛"!

玩完一輪B 之後，就去了沙田睇極地雪犬。嘩!! 超出預期，好好睇!! 主角如何對狗不離不棄 / 狗首領 May 如何帶領隊員渡過離關 / 狗隻中最年輕 經驗最淺的Max 如何成長，再成為一下任首領 / 重聚的一幕... 全部的描寫得簡單、細膩、感人。鍾意狗的朋友一定要睇; 就算你唔鍾意狗，都值得推介。

然後再去Dinner... 食到捧住個肚，我飽到劏咁滯!

從來沒有一個星期六日是如此珍貴的。可惜快樂的時間總是很快過去，明天還要繼續上路... 早抖了。

R. I. P. part 1

R. I. P. = Rest In Peace

經過 The Longest Week 後，終於到了星期六日，可以休息一下了!! 雖是長周，不過感覺舒服好多。最得意的是放12:00，好似早左好多 / 時間多左D 咁。返去HEA 一陣、MSN 一陣、覆下Email... 走得lu~!

飲茶後去左 Body Check，手臂被抽完血後，直至臨訓之前... 總是覺得仲有支針篤住咁! 心理作用嗎?

Check 完，行左陣旺角，本來打算買幾樣野，不過最後空手而回。返回總部稍事休息後，再出發去打冷 with Maggie，好味呀!

然後再去力王度開檯。西圈西位，注碼 x 5 那一鋪… 嘩!!! 個個以身犯險、以死相搏。當三個人已經九章，又摸到人地D 牌時，唔理! 照打! 反正贏唔到都係輸架啦!! 最後，俾全晚最旺的力王搞掂，從此奠定勝局。

齋行、打冷、搏牌 、Rest In Peace… 此刻(s)無價!

The Longest Week

今個星期很長，而且相當特別，咁大個仔都係第一次經歷。

1. 新環境
全新的環境，所有東西都是新的，由到達、身處、抗拒、接受、適應、至到好轉、用了五日時間。下星期就會去到冇事，之後就可以正式開始了。

2. 新工作
全新的公司結構、新的 Information System、新的Terms 及叫法、新的Email Address、新的返工時間等等。的確令我感到十分疲倦，每晚總是可以很快睡著。原來每日最開心的時候就是回到佐敦站... 一個屬於我的地方!!!

3. 新同事
再重申一點，我是沒有隊友、沒有上司的。如果說我是Marketing Team一份子，倒不如說我就是 Marketing Team。不過，總會有同事的，隔離再隔離 team 咯。IT 個 GM 同我起花朵 – Shy Tang & Suntan... 咁好玩既詳? 另外，今日他鄉遇故知，從前在和記的一個 IT manager，今日係 Head of IT。佢竟然認得我?冇理由架喎!? 點解識在個D 全部都係高層既? (驚!)

4. 感動位
Jason - 今天爭爭氣男子組靠我。
Chirs + Yoko - 原來... 恍如隔世的感覺是這樣的!!! (容許我再誇張一次)
所有同我用Email or MSN chat 過的朋友 – 有了你們，即使身處死寂的空間裡，亦不會孤單。

5. 領悟了
這是今個星期的最大得著。我經常認為自己是有顧及其他人的感受 及 會懂得站在別人的一方去看。但原來有些事情要親身經歷過才會真正知道、才會真正明白、才會真正領悟...

現在我終於知道了，希望不會太遲。期待你們對我說一句 Never Too Late!

6. 長大了
位置上:
經一事，長一智。更何況經歷了這麼壞的情況? 其他人已經把我視作MM (有壓力!!!) 既然係咁，既然唔可以驚... 咁就當自己係MM啦! 短時間內由MA 變成MM... (升左3個 Level 喇你! Sunny Tang!!)

心態上:
想當天可以孩子氣
未要孭飛
今天爭爭氣男子組靠我 (如果冇在林海峰 & Jason To... 點算好?)

7. 要珍惜
再一次親身經歷了世上是沒有理所當然的。一些你每天都輕易得到的，每天都在發生的，平常得不可再平常，平凡得甚至有D悶 / 厭惡的... 但當有一天這些東西都不再時... 所以，請珍惜身邊一切!!!

Reinforcement

1. Lunch with
今日同左 Chris & Yoko 食晏。太好喇! 唔洗一個人食喇! 當第一眼見到 Chris & 第一眼見到 Yoko 時... 有D 恍如隔世feel (誇張D都要喇!!) 以前要同佢地食飯好容易，到 lunch time 吹雞就得了，依家... 點解個 lunch hour咁短既?

2. GMs
"你就係Sunny? 接Candy (請我個MM) D 野o個個! 你好你好" 好似所有人都事先識左我咁，次次第一次見面就講呢句。我想講: "佢請我返黎係幫佢手，唔係接佢D野架! Wrong time, wrong place we did"。不過，點可以講出口架? 一係就唔開會，一開就同兩個GM 開，一個 sales，一個IT。開始對個運作知多D了... 仲有佢地全部都當左我係 MM's Replacement la! 好驚呀! 聽日仲要食政治飯添... why me?

3. Classmate
返學返18:45，今日夾硬走... 不過係18:45 先走，去到已經係19:30... 呢個 course 我一定要堅持架，唔會亂咁走堂。D同學開始玩熟，開始多野講，開始講賤野喇! 好好玩!

4. 葵扇 J
黎生!! 呢隻牌屬於你架喇!

The bridge is too far Day 2

最空虛就係: 冇飯腳。Lunch 一個人搵麥當勞叔叔。
最孤獨就係: Big Echo。我坐咁大間房做詳呀? 想搵個人講一句野都冇。
最離罩就係: 連對上個 GM 都就快走。

All by myself la! 開始了自己撈數、搵Template、搵人幫手、同 IT & CS 開會、Upload offer上Internet... I will be ok

--------------
Special Thanks to:
Jason, Sammie, Egg, Chris, Yoko.
They... Saving Private Sunny

The bridge is too far

先講歷史
1944年秋天，盟軍在荷蘭境內德軍陣線後方，發動市場花園行動。目的是奪取安恆橋樑，為日後大規模進攻開路，一舉擊潰納粹德國。 然而，在缺乏重型武器的情況下，面對德軍的黨衛軍第2裝甲師，孤立無援的101空降師在安恆死守了十天，在英軍主力部隊前來救援之前，被德軍殲滅。 安恆橋明明就在眼前，卻偏偏去不到... The bridge is too far!

再講遭遇
今日返新工，請我那個阿姐對我說: 我今日 last day 了。另外，你見到呢度有三個空位，D同事分別在10、1同埋2 月都走晒了，依家仲請緊。說罷，就開始 briefing，將佢畢生絕學，於短短的幾小時內向我示範一次。臨走，佢向我講左句 Sorry，又表示係請左我之後先 resign 的，最後話: 係就係會好辛苦，不過亦係一過機會。呢度同和記唔同，升職易好多。

唔係下嗎?
時間回到了1944年嗎? 我一個人撐成個 product 嗎? 冇指引、冇隊友嗎? The day after on board，就要由學行變成識飛嗎? ME pick up MM D野? 錯晒喎! The bridge is too far!

Be Positive
冇計啦，仗都係要打架喇... 既來之，則安之啦，有危先有機嘛。加入空降部隊的第一句 Briefing 就是: We're supposed to be surrounded!

Dry? Drive!
不過今日真係好 Dry，好掛住魚則魚涌。回家時，係地鐵聽到隔離條友播緊人車誌... 嘿!!! 飯後與小猛獸走返轉我最愛的機場賽道。下星期一晚又有得玩了，to pick up 家姐 + 姐夫 again! 點解佢地可以成日都去旅行架? 又要幫手湊阿B一晚了。

跳上車　對著錶板　禱告那些　難題
想想　如何　轉彎　攀山　落斜

Mission Failure

101空降師今日在石澳的任務失敗...

Aberdeen Typhoon Shelter

星期六，去了香港仔避風塘，黎生的船上玩。燒野食就燒得多，係水上漂住咁燒都係第一次。

1. 又遲到 – 事前講明遲到要請食雪糕，佢三個都唔知係唔係有心設局，明明約好係三越等，無la la 又改左去Hagen Daas，最後令黎生中伏。不過... 呢槍我幫你擋啦，擋埋今次姐 (其實係事前講明今日我俾)，不過下次唔好再遲到喇你!

2. 點解? – 個Host 好差呀，點解我地唔係銅鑼灣直接買野入去呢? 勞師動眾走兩次，好玩D 既詳? 仲有，有咁大個Car park， 點解你唔叫我帶埋小猛獸呢? 下次唔好喇你! 最後，點解隻貓會冇名架? 就叫佢做 Orji 啦!

3. 船上 – 幾年前搭過一隻艇仔去南丫島 & 去釣墨魚，我對水上人的生活有D 興趣。見到佢地在船上D 物件、D 擺設、D 神像... 呢D 都係我平時接觸唔到的。不過... D油渣味真係好臭呀!

4. 正喎 – 風和日麗的日子，與朋友們在船上玩、HEA、燒野食... 此刻無價!!!

5. 日落 – 每當斜陽映照時，柔和的光線、清涼的氣溫、放鬆的心情… 總是能夠畫出一幅美麗的圖畫，今日看著香港仔的日落，同時亦是最後的Farewell 了。我向夕陽講左句: "再見喇 Sunny Tang!" (我無聊嗎?)

6. 尾場 – Agnes's HP = 0 ，Julius 要返屋企，最後就得返我同黎生。Captain John. H. Miller 的最後 briefing... 加油呀、努力呀、自強呀!

The End & The Beginning

The End of Route HGC
06 年的首要任務完成了，終於離開了和記。下星期一，目的地不再是魚則魚涌，聽到往中環之列車即將到達時，唔洗行快步了。自01年7月，由 IVE 畢業開始，就在這裡了。由Term Clerk 至MA... ok la~ 經驗、朋友、車牌、Degree、Happiness Memories... 賺晒啦!

Last Day
最後的一天，一切都過得很快。平時習慣了的動作，到了今日全部都是最後一次。明明知道眼前的東西即將不再屬於我了，但由於時間真的太倉卒了，根本來不及去懷緬。當離開了公司後，看到老友們寫下的祝福字句時、今日的照片時、再想起四年來的片段時，就好想再回去一次， 再一次擁有。感覺是: "就算多一秒 停留在你懷裡 失去世界也不可惜"。多謝你地!!!

Next Station is...
Update next week la. 不過可以肯定，聽到往荃灣之列車即將到達時，要行快步了。由 ME 開始，暫時目標為 SME, let's see la~

FarewellSss

Farewell 1
星期二晚，去左灣仔唱K，全晚就唱埋晒D 老歌。正呀!!!

3

Farewell 2
星期三晚，去左老銅食私房菜。唔同時代既同事們集合一齊，為我Farewell。最正就係第一代既Marketing team 組合來了一張合照… 從未從未!!! 相裡的四個人，已經在四間唔同既公司工作了。

2

Farewell 3
星期四Lunch，清姐一吹雞，吹左10個人出席! 雖然平時唔會同佢地食飯，不過全部都係熟人。

1

Easy Monday

今日完全冇星期一症候群! 因為1. 尋日打喪屍消耗大，好好訓 2. 開始放鬆了。

1. Lunch with 拉叔、Celia、阿姐。其實佢地都係以前同 Team的同事，走了之後都係咁Q地o係附近返工。今日就為我安排一個前哨 & 小型的 farewell lunch。多謝多謝!!

2. 上星期又有一個遞信了，空降部隊左多一個人。Ricky 好感慨地對我說: "我黎左半年多D，自己team D人就換晒咁滯..." 冇計啦，各有目標 ma。而且咁既 HR system， 點留人呀?

3. 灣仔之旅。有見將來冇咁多機會經過呢區了，而且今個星期都唔會有時間去了，今日放工就去灣仔走個圈，又買個左彈匣。我好鐘意呢個社區，why? 1. 情意結，冇得解。 2. 因為佢有我鍾意行的店舖。 3. 我的快樂時代就在這裡... etc

-------
To my friends:

Mr. To – 哈哈哈，我地個 blog 的內容又一樣了。
Miss. Lau – 有冇見工呀你?
Mr. Tang – 你精心安排的節目，我支持方案 1 & 3。
Miss. Chan – 好返未呀你?
Mr. Lai - 灣仔之旅應該要有下一次的。

4

House of Dead

時間: 2006年3月12日，星期日
地點: 元朗荔枝山莊
人物: 我、Jason、Joe、傑

踏入山莊，氣氛詭異、風雲變色、山雨欲來、地下滲出陣陣的腐臭味... 過了一會，它終於出現了! 一隻身穿黑衣、手執武器、充滿怨念和殺氣的喪屍向我們進襲... 事情一定唔會咁簡單，因為通常喪屍是一群行動的，黑衣的只是首領，它們總共有6隻!

解說:
星期日的 wargame，總共30幾人，我地4個 + 10幾個 (租槍) 對6隻喪屍 + 10幾個 (租槍)。

喪屍
點解叫佢地做喪屍? 因為佢地打極都唔死，明明睇住中 & 聽到PARK PARK聲，都仲可以話冇中到... 最憎人唔認死!

風雲變色、山雨欲來
今朝出門口明明好熱，到下午就開始涼 + 天色灰暗，傍晚更開始落雨。回程時，灰灰紅紅的天色... 怪!

腐臭味
低能架!! 邊有 wargame 場用埋做有機堆肥架? 真係臭到冤! 一路行就一路話: 下次打死都唔黎呢個場!

Teamwork
我地4 個無論默契與隊型都比喪屍們優勝。總括全日贏多輸少，7比3左右啦。有一次，我地4 個以魚叉型沿貨櫃邊推進，一直沒有遇到強烈頑抗。直到我們到達敵軍大後方... 嘿!! 全部俾我地打背脊!!


支槍: $1300
裝備: 千幾二千
子彈: $50
的士錢: $15
魚叉篤背脊: 此刻無價

5

Last Long Week

星期六返工冇做過野咁滯，大部份時間就用黎執野，因為下星期唔會有時間執了。清左好多野，話晒做左咁耐，正常呀! 好多唔等洗野、玩具、塵、好耐之前的文件etc ，一次過 clear晒。

明天有戰事，放工後去添置軍火，買BB彈 + 新彈匣。20個租槍，只有我、J、星、傑有槍。看來又會俾人圍了，可能又會掃晒 3000 發...

再探下Adrian，呢個 B 好肥呀!!! 邊有BB 5個月就22磅架?

返去執野! 嘩!我個 Bag 越黎越重。 比初時多左支短槍、兩個彈匣、無聊野。班Wargame友開始散散地，我諗唔會再有大型投資落Wargame 度了。咁... 再見了! 狙擊槍先生!

晚上約左壞蛋組合Dinner, Me + Kevin + Paul，又係欠Jason。阿文呀阿文，你今次中晒招喇，衰衝動之餘仲現晒型... 冷靜一下先啦，忍耐一陣啦。

6

PK!!!

佢點對我呀? 我一走，竟然出雙倍人工去請一個人返黎，仲要做返同我一模一樣既野。挑那星呀!!! 好唔o居，不過我完全正確。你唔賞識我，我最後都有人賞識。哼! 好叻詳!

唔好望返轉頭，做人要向前看。其實有D緊張，畢竟是全新的環境，要重新適應。It's not change, It's reengineering! 不過我是101空降師 ma， 從來就要在陌生的地方作戰。而且，No U turn，唔驚得咁多喇! 加油啦 Sunny Tang!

好，開始倒數，下星期五就降落。
7

1-7 之 7 (廣州之旅下集)

1000 準時起身，沖涼呀刷牙呀，攪攪下都 1030，一直都冇諗住要小平起身教我去，冇諗過要嘈醒佢，點知佢自己準時就打黎問 "need help?" 好有義氣呀!!! 結果都是一個人去，尋晚 say bye 前，Alice猛叫我自己一個人時要小心D，真係咁驚? 冇咁恐怖下嗎? 唔係喇... 落7-11 買個地圖旁下身。其實我係驚蕩失路，唔鍾意唔知自己係邊多D，人身安全嗎? 中國人地方，唔怕啦!

自己一個去邊? 係去探我舅公，以前細個係佢湊我架! 半個鐘後到達到左花地灣地鐵站，佢先打黎話唔係，係芳村站... 最後終於匯合了，點知間酒樓又冇位，於是返黃岐(佢地頭ma) 咁早知一早就係黃岐等啦! 好! 終於飲得茶了，其實過程冇乜特別，就是為了with him。尋晚係佢生日，係度擺左幾圍，我冇辦法出席，補返今日飲茶 ok ma? 我送左件褸俾佢，& 放低阿媽叫我帶既野俾佢。最後搭的士走時，不時向最回望，因為這短短的一聚實在難得，希望仍然有下一次 。

的士上，不時研究下個地圖，睇下自己係邊，又順便認識一下廣州市。廣州好大，單是市區的面積就已經等如全香港咁大... 這程的士由西部，至中部就搭了45分鐘，已經是行 Highway 了(佢地叫 “內環”，內環城公路)。

終於到了二沙島，與大隊匯合。佢地在三樓，當隔著當地玻璃揮手時... 又有D 感動，I'm back! & They are waiting for me!! But it was heavy raining, 行快步啦! 仲感動? 就快濕晒喇!

離開二沙島，就去了旅程的最後一站 (forgot the street name)，行街 + 飲飲食食。好多人，好逼，又唔係好多野睇，不過咁行街法都係第一次，ok la。

最後，回程了... 今次死都唔坐Ricky 隔離! 佢訓我唔訓，o米悶死我? So... thanks q for 坐啱位喇 Miss. Chan!!!

原來冇智能身分證係會俾人歧視的，全個羅湖就只有4個 counter... 頂!!! 排左好耐呀!!!

1-7 之 6 (廣州之旅上集)

同事們籌備已久的廣州之旅終於完滿結束了。總括一下...空氣幾差、天色灰暗、D野好平、D野食好好味、走馬看花、D Mall 好大、好玩、好累!!!

星期六起身已經11:00，不過我 4:00 先訓喎... 食完老趙個失晒水準既生牛肉金邊粉之後就出發去火車站。再與大隊匯合，佢地要返工，我唔洗，哈哈哈!!!

直通車在1325 開出，在此之前同阿姐去了免稅店買左兩支酒，佢仲話唔夠喎...really? 開車冇耐，大家吹左陣水就 zzzz。 Ricky 好快就 zzz，我呢? 訓唔到喎! 呆左 lor，悶 lor... 出火車站時，旁邊酒店的 counter 狂向我地sell ，好明顯我地個額頭就寫住港燦啦。

第一站，去左間幾high 既茶居整返個Tea!!金屋藏嬌 + 英雄被困，what's that??? 係點心名，煎堆仔內有液態的 filling... good 呀!!!

食完就行左去左個 mall 玩碰碰車 + 旋轉木馬... 噢!! 我地做緊乜呀? 一個二個都唔細架，仲做 D咁野既? 不過… 好好玩喎!!!

玩完去了書城，完全係到此一遊feel，停留左10分鐘左右就走了... 到此一遊完，又去左個唔知詳野mall 飲杯野，抖一抖。杯巴西朱古力完全冇朱古力味，完全唔知飲左乜... 飲完都天黑了，去一去參觀廣州的office 然後就返酒店，途中我不時望下後面，睇下有冇人侯著我地... 隨時作 cover呀!!! 最後都安全~ 放低D野稍事休息再出去同廣州D同事食飯。

嘩! 不得了呀，又平、又有房坐、又多野食、又好味、又夠特色、又有酒飲 (兩支原來真係唔夠)...讚呀! 最正係個燒羊架，食到我擔住條骨影返張相... Andy 兩公婆好怕醜，全程唔係好出聲，Toby 就放好多，被問到幾時結婚時，佢立即一個 sweet 樣!

Ha ha ha!!! It's party time!!! 9 ppl go to CEO Neway, drink / sing / dance / play until HP = 0, before leave I said: “I love you all” to them!!!

唱完我地再去鍊腳，廣州同事們就唔去了，即係time to say goodbye，與Andy來一個擁抱，與Toby來一個握雙手… 因為下次見面都唔知係幾時。

鍊腳... 對我黎講，完全唔係享受… 又痕又痛又眼訓，頂!!! 返到酒店 0430，唔理三七二十一，即時訓覺，因為我聽朝有特別任務。

Just For You

Edmond Leung!!!

恭喜你，終於有了定案了。

1. 6月尾，先俾 AUD 你 (費事你洗左啦)，唔洗咁快還俾我架!
2. 7月9日，送你去機場啦!!
3. 你返黎，車埋阿MO 一齊 o黎接你!!!

我呢個 Offer ok ma?

1 至 7 之1-5

今個星期冇停過，Full 晒。好玩之餘，HP 亦付出了不少!!

Mon – 3 x 1
Mr. Lai 吹雞唱K，沒有任何目的，只係想唱下。一放工就落大雨，三條友逼埋一把遮度… 結果，一人濕一 part。

Tue – 100% hit rate
出黎做野5年，去過3 次Annual Dinner，絕不空手而回，次次都有D野攞走。數碼相機、$1000 現金獎、$500 Coupon。哈哈哈!!!

席上，好想同小平 & 阿姐飲酒，不過今晚酒微菜薄，過唔足癮喎 (唔洗錢，想點呀?)。

Wed – Farewell K
又唱K 喇，今次有目的，就係為大師兄Farewell。CEO 果然係靚D，個 lobby 成個酒店咁...好浮誇呀! 兩星期後就輪到我降落，今晚的一首今天等我來，our 心情 connected again。

阿姐終於按捺不住 – 叫酒，初初又話聽日要返工，今晚唔飲酒云云... 佢成日都失憶架! 我見大家半杯到肚，點返首 Stand up + 大熱，嘩平時在office 好斯文的大家... 原本係咁樣既?! 最後與大師兄互祝空降成功，明喇，唔洗咁多句老土野。

Thu – The end & the first
大師兄的 last day，都係咁啦，Farewell lunch 、散水餅、影相、Goodbye Email。臨走 salute!

上幾次英文堂，都幾好玩，完全唔覺夠鍾放學。今次唔得喇，連 cher 三日，HP 好低，MP 都冇了，完全思考唔到... 死頂住唔好烚眼訓，又真係冇烚眼訓，不過第一次想早D放學lor。

Fri –大開殺戒
我吹雞去打機，結果有8 個人出黎，好耐冇咁多人了。將在唔同地方認識的朋友集合一齊，我就變左 host 了。食飯時 Leo & Thomas 發揮口水佬本色，係咁吹水... 頂!! 食快D 啦，趕時間呀!

第一鋪打奧瑪哈灘，慘烈呀，James Miller (我個名 in the game，其實係雷霆救兵中 Tom Hanks 的名字) 身為一個上尉，竟然連第一碉堡都攻唔到，打左咁多年，都係第一次。仲要面對 Leo、Terry、Thomas 的奚落... Shit!

往後的每一鋪，我都大開殺戒，不攻不守，只求殺人! 次次唔殺返百幾人都難洩我心頭之恨! "係你地逼我架"、"我要殺晒你地"、"米走呀你"，全晚就掛在口邊。

Leo: Sunny 傻左喇
Terry: 佢今晚訓覺，只會聽到槍聲
Jason: 你個積分版令我想起林雪，兩手執刀、雙眼瞪大、係咁喘氣、面上雙手全部都係血...

哈哈哈，以上當然是打機的情況，多謝你地陪我玩左成晚。