香港之巔 與 國境之南

尋晚了起條筋，無啦啦講起行山 / 去郊外… 好耐冇去了，其實冇乜特別，只係去過，分享下經歷咁啦。

大帽山
要形容大帽山上... "藍天在你頭上、大地在你腳下"。在萬里晴空 + 能見度高的日子，置身香港的最高峰: 右方是青馬橋、左方是西貢、前方是葵青區，再遠一點是九龍、後方是錦田和深圳。

其實唔難去，開車上到800m，山頂只是958m。但一定要看準天氣，否則唔去好過。要萬里晴空 + 能見度高，就只有冬季裡冷鋒過後的一日。要睇天氣、要夾假期、要預早約好人。仲難過乜!!

蒲台島
要形容蒲台島... "天然" "荒蕪"，或者可以說是 "古樸"，根本不像香港。全日只有一班船去，一班船走。島上唯一的茶寮就只有番薯糖水 + 餐蛋麵。似乎冇乜好玩，不過空氣好、古色古香、怪石嶙峋、驚濤怕岸，與都市化 、人工化的香港簡直是天淵之別。

最南的地方叫南角咀，其實是一塊巨大的礁石，那裡寸草不生、風勢強烈，但當你向前看，那是一望無際的大海。話明係最南，眼內連一個島都沒有了。

富泰之旅

籌備多時的富泰之旅終於完滿結束了。其實冇乜特別野做過，只係... 呢D機會，唔知下次係幾時?
1. 有人s 遲到 - 呢班友除左返工遲到，估唔到連去玩都一樣! Agnes 15 mins, Woody 22 mins。 將 (15 x 3) + (22 x 3)，我地三個總共等左101 分鐘，賠呀!

2. 領航員好差 - o個下... 差D去左元朗呀老友。

3. 有田冇牛 - 我地呢D住市區o既，見到有菜田、有電塔... 好奇 lor! 環境係舒服，不過真係太遠喇，就算揸車都好耐，住咁遠米搞我。

4. 大富翁 - Woody 5th、Julius 4th、Me 3rd、Agnes 2nd、Alice 1st... 女人的威力嗎? 其實係我做錯，又計得太遠、太完美... 睇黎我仲未夠 RAM。

5. 唔識路–元朗市中心D路，完全唔熟，同市區的田字形糸統完全唔同。冇得 U turn，有時又只准轉彎，又多掘頭路，只可以憑方向感去判斷，頂!

6. 從日式至潮式 - 元朗 D日本野好似唔洗錢咁，間間都企滿晒人，原本想去食日本野，最後變左打冷，不過 ok la 幾抵食 lor。

7. MJ- 又輸，又係我最甘。冇左火力支援? 還是格食格? 次次都冇好下場既...

8. 小猛獸 - 回程時，一邊在公路奔馳，一邊 chat with fds，加埋 Eason 的人車誌... 噢! 正呀!! 從來講愛情既歌就多，冇一首歌係講車又咁正的。有了這首歌之後，我發覺更加愛我的小猛獸 (我與車 結合一體感覺快些)。今日非常慳油，走了93km 油格都未跌過咁滯，< 2000轉的理論成立架!

9. 好平 - 唔計輸麻雀，玩成日，每人一舊水都唔洗，講你都唔信呀!

060224

唔知寫乜好，只係知道，今日冇咁 dry 了。因為想HEA 的感覺淡左D，同埋D 工作返晒o黎。不過下午同阿姐傾工作，傾左成個鍾之後就 super tired!!! 用埋剩餘的HP ，直至放工... 返到屋企，頹左!!!

-----
Mr. Leung: AUD已為你準備好，你出發個日，車埋你去機場又點話?
Miss Tse: 去日本，玩得開心D喇!!!
Mr. Lai: 食飯你聽到 個D... 唔好放係心度啦，睇長線架ma!! Add oil la~
Miss Lau: 好彩你個 fd 返左黎，Cancel 左我地個 dinner，否則我的HP... Thanks!
Miss Chan: 原來尋晚收線係 01:22，我好耐都冇講咁耐電話... 冇晒 HP 又有乜所謂呢? Thanks!

最佳損友?

Jason To，回應下你個Post & 你條 新 link 在右邊 >>>

1. 洗唔洗第一個就諗起我呀?
2. Toby & Ho... I miss them too, 特別係相隔咁多年後都撞得返佢地。

What a day

今日遞信，完成這個動作後，感覺就 = 浮下浮下，冇晒 motivation ，全個下午在 HEA、吹水、傾電話、心不在然、失去方向 etc... 好無聊、好空虛。

第一日就係咁? 仲有成個月，點算呀? 好唔鍾意咁樣喎! 可唔可以叫D 力量返o黎呀? 我仲有好多野未做好架!

同事們實在係令人感動，好唔捨得佢地，只係冇講出口... 臨走之前，一定同佢地講句: "I LOVE YOU ALL!"

放工去左力's home HEA with Edmond，都仲係好空虛，連玩都提唔起勁。之後夾份買馬...竟然中左!!! 奇呀! Never ar!

行返屋企的途中，在路上執到 $10! 有錢執 & 公仔向天。在美國時，小魔怪話: 如果個銀仔係公仔向天，就係 Lucky Penny。就睇下呢個 Lucky Penny會為我帶來詳野好野?

What a day...

Loss

如果有一天，你一直在守護的東西突然變化了、失去了、沒有了，感覺是?

先講曼聯
1995 年來，我就是曼聯的fans，從沒有改變，再不會喜歡其他球隊。日前，有人問我有冇睇對利物浦那場，我話冇。再想想，上一次看曼聯的直播賽事...我唔記得係幾時了。

再談工作
我呢D... 敬業o架嘛，就算心中唔鍾意，都唔會因為唔鍾意就HEA。工作中帶來的滿足感，有時比金錢更珍貴呢。不過自從轉工任務完成後，心態就起了變化。原來我每天都在期盼的 Good Sales Amount ，此刻變得不再重要。

I'm Eason's Fans

一次過在 HMV 買了三隻 Eason 的CD，一隻是新出的EP，一隻是新出的精選，一隻是U87。

以下又是個人意見:

"大得太快"，又係佢個 stage 。
"最佳損友" ok la，不過形容得太嚴重了。
"想聽" ok la，我不是903 fans，冇聽過 "來不及聽你說愛我" ，投入唔到。

個人比較鍾意 "人車誌"，feel so good~ 我諗 Leo & Paul 會與我有共鳴。
另外仲有 "落花流水"，黃偉文的詞: "要是彼此都有些既定路程 學會灑脫 好嗎"

死守呀!!!

101, Seals, 4th & TIM，星期五晚又出擊，從未如此好feel 過。

對手強度100%、對方在戰場人數3:1、對方擁有強大的裝甲部隊、我們一開始便處於劣勢、空降失敗、強攻不成、又面對排山倒海的攻勢...SHIT!!!

到了88對475時、當各人心裡以為必敗無疑之際…奇蹟發生了!!! 一支Thompson Machine Gun，兩個彈匣，只剩10% HP，我竟然一個人守住了據點… 當兄弟們到達營救時，感動呀!!! 最後憑將士用命: "死守呀!!!" "唔好死呀!!!" "頂住呀!!!"... 88人贏了475 人，得到了最後勝利，& 我軍只剩20人。

上述是在虛擬世界裡發生的，而在現實的環境裡，又令我想起利物浦去年點贏歐聯冠軍: 3比0 或許是絕境，但不是世界末日。

喂!!! TONG 同學，明未呀? 唔洗灰喎，勝利只係未到，唔係冇。Never Too Late 呀!!!

英文堂

個Course 終於開始了。由細到大上英文堂都是在壓力之下渡過的，細個唔識串字，大D Tense 錯，再大D 詞不達意...總之從來都唔鍾意上英文堂啦。

今次有點不同，不是為了分數、不是為了考試。咁既環境之下學習，好好多~~!!

D-Day

在D-Day，101空降師、海豹突擊隊、第四步兵師，為了各自的任務而戰。

101空降師。指揮官不計成本，以絕對的火力取得勝利。在此嗚謝參謀長，為部隊選擇最佳空降地點，只用了4個連便順利打開城門，令大軍長驅直進。101已佔領了法國南部一帶，正等待在突出部的大決戰。此役，Airborne 損失了3000士兵。

海豹突擊隊。地雷、C4 、Claymore 雖然能夠全數引爆，並但未達到預期效果。鷹巢是有爆炸，但那隻鷹沒有受傷。似乎，又要搵另一地方登陸。此役，Seal Team 損失了2400士兵。

第四步兵師。於1800 開始出發，直至2200仍然未能發現敵軍，只有在細雨中無奈地等待... 突然敵軍發動突襲，將司令俘虜至最遠的戰區，直到第二朝才將他釋放。此役，Division 4 損失了300士兵。

Eason Chan – Get A Life

睇了 Eason 演唱會，古怪的舞台與服飾，完全啱晒佢個feel。坐後面個幾條女猛話…Eee!!! 好核突，好恐怖!!! 咁你地不如去睇Kelly 啦! 核突同恐怖，因人而異，我覺得OK。

全場冇嘉賓，冇講過多過廿句野，係咁唱。有一半係唱新歌，U87 除左阿牛同國語歌全部唱晒，仲有最佳損友。

以下全是個人意見

最感人，就是唱大個女 + 單車，完全係佢個 stage。點解鍾意Eason? 就係 1. 有一種投入感 & 2. 佢D歌在不同時期，都伴我成長，答到你嗎?

最正，1874 。全部用弦樂伴奏 (漢堡管弦樂團ma)，1874本來就是很有D古典feel ，用埋弦樂伴奏...Super Good!!!

講過唔算，佢話唔會再唱傷信...But, he cannot keep the promise.

視覺效果，唱聽聽時，全個舞台噴出金色的彩條，嘩一聲lor!!!

舞步，又係EO2!!! 佢地真係好勁，就好似有5個後生版 o既郭富城咁。

CQB @ 牛頭角

星期日晚，去了牛頭角打CQB。一波三折，改完又改，終於這場wargame都有得玩。What is CQB? Closed Quarter Battle，日文叫近接戰。多數由板間出來，即係敵人就近在咫尺，隨時未轉彎就正面殺出來，非常緊張 & 刺激 & 考反應...危險性亦相對提高。

打到中段，我開始o牛o牛地 & 體力不繼... 感冒啱啱好返，無晒力。

總括全晚... ok la，好好玩又唔算。不過打得多化淡廠 & 室外，間中打下CQB，OK la。

滿月酒

星期五我衝口而出: 聽日我去飲，我個 fd 個家姐滿月。講完...同事們的面孔變成了 ?_? ... hahaha!!!

首先是與 Stephen & 偉哥 lunch + @ my home hea, 原來三條友玩鋤D都幾好玩喎!!!

阿蛋個家姐個女滿月，請晒我地 (Me, Edmond, 力)。原來十幾年來，都係第一次一齊去飲。

見阿蛋一個人坐係主家席，悶悶地，我地三個又搞事了:
SMS俾佢、 打電話俾佢、扮同佢敬酒，當佢攞起個杯時，又當冇發生過... 仲有Edmond 條友仔，竟然係人地辦喜事時，係電話度播D 經文出來...想死呀你?

飲完，Leo 力邀我去蒲都冇去，好乖地返屋企 zzzz，未好返 ma。Next time la brother!!!

敵陣 & 小師弟

Leo 話我是101空降師，佢係海豹突擊隊，各自在生活中努力，不時給予對方支援。打機的時候，我最鐘意在敵軍後方空降，再發動襲擊。

今日又深入敵陣，去了一家Competitor 的 office。 不過不是發動襲擊，係去見工。如果倒戈的話，今日的隊友，明天成為了對手; 今日的對手，明天成為了隊友...心情很矛盾、很無間 feel。 或許人生就是充滿了矛盾...人，到最後，是要為自己著想的。

見工多數是咋病去，不過今次咋到變左真...又作感冒了! 頂!!!

剛清理好累積的工作時，突然又有壞消息。我見到阿小師弟封辭職信…心諗唔係下嗎? 又一個? 好彩佢仲未遞。了解事情後，原來佢做到好灰想走，又話 Job Nature & Title 同人工完全唔match，不過又未搵到新工。猛叫佢唔好衝動，慢慢黎...自己是過來人，當然明白佢心情。用了男子組來支持佢:

返工我返足晒 我份人工減晒

又未到炒得　未算死得

算炒最多早退休　暢遊世界

多謝支持

"寫 blog可以寫到好似連載小說咁, 抵你讀書嗰陣中文寫作咁高分。小弟佩服~!!!" by Jason

連載小說? 冇咁誇張下嗎? 不過我知, 個 blog有好多人睇, 多謝支持。

----------------
順個便 --- 喂 !!! Sammie, 生日快樂呀!!!

低能仔們

忙得不可開交之時，收到 J 的電話: 不如玩罐頭遙控車咯!
就係咁當晚幾個低能仔就走去買車 &上SPK 劃個賽道玩。
好好玩! 不過真係好低 B。

主場失利

星期一放工，約了同事們 (Agnes、Julius、Woody) 在我家中開檯。佢地對我屋企 &我 D槍好有興趣，又話要扮阿爾蓋達、殺手、Maggie Q...ha ha ha 成班大細路呀!!!

至於開檯，嘩!!! 大敗!!! 好耐冇輸成舊水喇， 仲要在主場失利...

幾多個字?

假設沒有了時間性，你去買六合彩，有三張俾你選擇:
1. 已經中了頭獎。 (中 ed)
2. 中了三個字，仍然在攪珠中。(中 ing)
3. 一張電腦飛，將於一個鐘後攪珠。(完全未知)

Your choice is?

聽完之後，明晒。

Sunny & Friends

晚餐與 Leo & Tong 到朗豪坊的 Mr. Steak。食物、環境&價錢… 我俾70分啦。飯後就買支紅酒上我度傾下計，一傾就三個鐘了。

宵夜時段，Paul 開車來接我，再叫埋 Kevin…又係獨欠Jason。再次去了九龍城食糖水，然後又到海邊傾下計，一傾就兩個鐘了。

J Office + 夜戰

Holiday mood 仍在，其實呢幾日返工都係有D HEA 既feel。適逢短周...去玩咯!!!

放工先去 J 在柴灣的office，佢老細放假未返，任玩。舒適、空間充足、應有盡有，好Professional 的感覺。另外，原來我個位都唔算好差姐，J個位差我幾十倍，佢老細就在玻璃窗內，而 J 就係背住個窗坐...

之後食飯加打機，一吹雞，人數由2 變 5，勁!!! 5 個打人6個，對手人多又好勁，唔夠揪...不過好好玩，最緊要有對手 ma!!!

大師兄要走了

出來做野幾年，每當有 friend底的同事要走… 有 hard feeling!!!

佢實在教識我好多野，見住佢老婆有左，如今個仔兩歲幾了。
強勁的 analytical skills，一個人撐起了整個 product 的 database 同計數…超勁!!!

唔捨得，但沒有辦法。
那麼...祝福你 & 後會有期了。

----------------------------
幾年來，經過了好幾次大大小小的離別後，
我學會了珍惜，珍惜身邊的一切，因為:
1. 天下無不散之筵席;

2. 世上沒有理所當然;

3. 時空重疊了，就總有分離

還擁有時，懂得珍惜，
當失去時，會不開心，
但沒有後悔、更沒有遺憾。

新 Sunny

將有新的生活、新的工作、新的課程。

今天，起一個新 Blog - 新Sunny